Bæjarráð

3811. fundur 01. júní 2023 kl. 08:15 Fundarsalur á 1. hæð í Ráðhúsi
Nefndarmenn
  • Halla Björk Reynisdóttir formaður
  • Heimir Örn Árnason
  • Hlynur Jóhannsson
  • Hilda Jana Gísladóttir
  • Sunna Hlín Jóhannesdóttir
  • Brynjólfur Ingvarsson áheyrnarfulltrúi
  • Jana Salóme I. Jósepsdóttir áheyrnarfulltrúi
Starfsmenn
  • Ásthildur Sturludóttir bæjarstjóri
  • Inga Þöll Þórgnýsdóttir bæjarlögmaður ritaði fundargerð
Fundargerð ritaði: Jón Þór Kristjánsson forstöðumaður þjónustu og þróunar
Dagskrá

1.SSNE - næstu skref vegna líforkuvers

Málsnúmer 2023021295Vakta málsnúmer

Albertína F. Elíasdóttir framkvæmdastjóri SSNE, Kristín Helga Schiöth verkefnastjóri SSNE og Katla Eiríksdóttir verkefnastjóri Vistorku mættu á fund bæjarráðs og kynntu stöðu vinnu við undirbúning líforkuvers.
Bæjarráð þakkar fyrir kynninguna.

2.Amtsbókasafnið á Akureyri - starfsemi

Málsnúmer 2023040709Vakta málsnúmer

Rætt um þjónustu og svæðisbundið hlutverk Amtsbókasafnsins á Akureyri.

Sumarliði Helgason sviðsstjóri þjónustu- og skipulagssviðs og Hólmkell Hreinsson amtsbókavörður sátu fund bæjarráðs undir þessum lið.
Bæjarráð felur bæjarlögmanni og bæjarstjóra að ræða við menningar- og viðskiptaráðuneytið vegna málsins.

3.Amtsbókasafnið á Akureyri - Opið bókasafn

Málsnúmer 2023051392Vakta málsnúmer

Rætt um verkefnið Opið bókasafn sem snýr að því að auka afgreiðslutíma Amtsbókasafnsins með sjálfsafgreiðslubúnaði. Fyrir liggur styrkveiting vegna verkefnisins að fjárhæð kr. 3.000.000 frá bókasafnsráði.

Sumarliði Helgason sviðsstjóri þjónustu- og skipulagssviðs og Hólmkell Hreinsson amtsbókavörður sátu fund bæjarráðs undir þessum lið.
Bæjarráð tekur jákvætt í erindið og vísar framhaldi verkefnisins til fjárhagsáætlunar fyrir árið 2024.

4.Skjaldarvík

Málsnúmer 2023020041Vakta málsnúmer

Rætt um undirbúning að lóðarskiptingu í Skjaldarvík.

Pétur Ingi Haraldsson skipulagsfulltrúi sat fund bæjarráðs undir þessum lið.

5.Grímsey - samgöngur

Málsnúmer 2023011140Vakta málsnúmer

Bergþóra Kristinsdóttir framkvæmdastjóri Vegagerðar og Halldór Jörgensson forstöðumaður hjá Vegagerðinni mættu á fund bæjarráðs í gegnum fjarfundarbúnað og fóru yfir stöðu mála varðandi samgöngur til og frá Grímsey, í ljósi þess að ferjan Sæfari er enn í slipp.

María H. Tryggvadóttir verkefnastjóri ferðamála hjá Akureyrarbæ sat einnig fund bæjarráðs undir þessum lið í gegnum fjarfundarbúnað.
Bæjarráð Akureyrar lýsir yfir vonbrigðum með þjónustu Vegagerðarinnar við íbúa Grímseyjar. Ítrekaðar seinkanir hafa orðið á viðgerð Grímseyjarferjunnar Sæfara og skort hefur á viðvarandi flug meðan á henni stendur. Þetta þýðir mjög skerta þjónustu við eyjarskeggja og bitnar harkalega á ferðaþjónustunni í eyjunni sem reiðir sig algjörlega á sumarmánuðina í rekstri. Bæjarráð skorar á Vegagerðina að bæta upplýsingagjöf til farþega, bæði á íslensku og ensku, fjölga flugferðum og tryggja hagstæð flugfargjöld meðan á viðgerðum á ferjunni stendur.

6.Heilbrigðisnefnd Norðurlandssvæðis eystra - fundargerðir 2022-2023

Málsnúmer 2022030389Vakta málsnúmer

Lögð fram til kynningar fundargerð 229. fundar heilbrigðisnefndar Norðurlands eystra dagsett 3. maí 2023.
Bæjarráð vísar 3. og 5. lið í fundargerð heilbrigðisnefndar til umhverfis- og mannvirkjaráðs.

7.Stjórn Sambands íslenskra sveitarfélaga - fundargerðir 2023

Málsnúmer 2023011346Vakta málsnúmer

Lögð fram til kynningar fundargerð 926. fundar stjórnar Sambands íslenskra sveitarfélaga dagsett 17. maí 2023.

Fundi slitið.