Bæjarráð

3797. fundur 09. febrúar 2023 kl. 08:15 - 10:54 Fundarsalur á 1. hæð í Ráðhúsi
Nefndarmenn
  • Halla Björk Reynisdóttir formaður
  • Heimir Örn Árnason
  • Hlynur Jóhannsson
  • Hilda Jana Gísladóttir
  • Sunna Hlín Jóhannesdóttir
  • Jana Salóme I. Jósepsdóttir áheyrnarfulltrúi
Starfsmenn
  • Inga Þöll Þórgnýsdóttir bæjarlögmaður ritaði fundargerð
Fundargerð ritaði: Jón Þór Kristjánsson forstöðumaður þjónustu og þróunar
Dagskrá
Brynjólfur Ingvarsson óflokksbundinn áheyrnarfulltrúi tilkynnti forföll.

1.Ungmennafélag Akureyrar - stuðningur við frjálsíþróttaviðburði

Málsnúmer 2020060206Vakta málsnúmer

Liður 4 í fundargerð fræðslu- og lýðheilsuráðs dagsettri 30. janúar 2023:

Erindi dagsett 6. janúar 2023 frá Arnari Elíassyni formanni UFA þar sem er óskað er eftir samkomulagi um styrkveitingu til þriggja ára vegna árlegra frjálsíþróttaviðburða á vegum félaga á Akureyri.

Áheyrnarfulltrúi Thelma Ósk Þórhallsdóttir fulltrúi ungmennaráðs.

Fræðslu- og lýðheilsráð samþykkir eftirfarandi drög að samningi fyrir sitt leyti og vísar málinu áfram til bæjarráðs.
Bæjarráð samþykkir framlögð drög að samningi við Ungmennafélag Akureyrar vegna stuðning við 1. maí hlaup UFA, grunnskólamót UFA í frjálsum íþróttum og Akureyrarhlaupið á tímabilinu 2023-2025 og felur bæjarstjóra að undirrita samninginn.

2.Móahverfi - auglýsing lóða

Málsnúmer 2022120463Vakta málsnúmer

Liður 2 í fundargerð bæjarráðs dagsettri 2. febrúar 2023:

Liður 2 í fundargerð skipulagsráðs dagsettri 25. janúar 2023:

Lagðar fram tvær tillögur að skilmálum fyrir úthlutun lóða í 1. áfanga Móahverfis.

Skipulagsráð leggur til við bæjarráð að lóðum í Móahverfi verði úthlutað á þann hátt að hluta lóða verði úthlutað samkvæmt útboðsleið með ákvæðum varðandi hlutdeildarlán og hluta samkvæmt forgangi varðandi stofnframlög.

Pétur Ingi Haraldsson skipulagsfulltrúi sat fundinn undir þessum lið.

Bæjarráð frestar afgreiðslu til næsta fundar.

Pétur Ingi Haraldsson skipulagsfulltrúi sat fund bæjarráðs undir þessum lið.
Bæjarráð samþykkir að lóðum í Móahverfi verði úthlutað á þann hátt að hluta lóða verði úthlutað samkvæmt útboðsleið með ákvæðum varðandi hlutdeildarlán og hluta samkvæmt forgangi varðandi stofnframlög með þeim breytingum sem gerðar voru á fundinum.

3.Hlíðarfjall - ný afþreying

Málsnúmer 2023020172Vakta málsnúmer

Lagt fram minnisblað dagsett 9. febrúar 2023 vegna tillögu að útboði á afþreyingu í Hlíðarfjalli.

Dóra Sigtryggsdóttir forstöðumaður rekstrardeildar umhverfis- og mannvirkjasviðs og Brynjar Helgi Ásgeirsson forstöðumaður í Hlíðarfjalli sátu fundinn undir þessum lið.
Bæjarráð telur mjög jákvætt að afþeyingarmöguleikum verði fjölgað á heilsársgrunni og felur sviðsstjóra umhverfis- og mannvirkjasviðs og forstöðumanni Hlíðarfjalls að útbúa drög að auglýsingu þar að lútandi í samráði við bæjarlögmann.

4.Glæðum Grímsey

Málsnúmer 2022110233Vakta málsnúmer

Rætt um fyrirhugaðan lokafund verkefnisins Glæðum Grímsey, sem haldinn verður þann 14. febrúar og um sérstakan tengilið Akureyrarbæjar við samfélagið í Grímsey.

Þórgnýr Dýrfjörð forstöðumaður atvinnu- og menningarmála sat fund bæjarráðs undir þessum lið.
Bæjarráð samþykkir að í framhaldi af því að verkefninu Glæðum Grímsey lýkur verði komið á fót sérstökum tengilið fyrir Grímsey innan stjórnsýslunnar. Hlutverkið verði í höndum verkefnisstjóra ferðamála, í atvinnu-, menningar- og markaðsteymi, sem unnið hefur að fjölmörgum verkefnum með Grímseyingum á sínu sviði og svo mun verða áfram. Verkefnisstjórinn mun auk þess verða tengiliður hverfisráðs Grímseyjar við stjórnsýsluna og mun aðstoða það í sinni vinnu. Jafnframt mun tengiliðurinn taka að sér að miðla fyrirspurnum og upplýsingum um ýmis verkefni sem tengjast Akureyrarbæ með beinum hætti. Sviðsstjóra þjónustu- og skipulagssviðs er falið að vinna verklagsreglur um hlutverk tengiliðsins og móta þær með hliðsjón af þeirri reynslu sem til verður.

5.Ágangur búfjár - erindi til sveitarstjórna

Málsnúmer 2023020216Vakta málsnúmer

Lagt fram til kynningar minnisblað frá Sambandi íslenskra sveitarfélaga dagsett 3. febrúar 2023 varðandi ágang búfjár.

Rut Jónsdóttir forstöðumaður umhverfis- og sorpmála sat fundinn undir þessum lið.
Bæjarráð vísar málinu til umhverfis- og mannvirkjaráðs.

6.SSNE - boð um þátttöku í Grænum skrefum SSNE

Málsnúmer 2023011433Vakta málsnúmer

Liður 7 í fundargerð bæjarráðs dagsettri 2. febrúar 2023:

Erindi dagsett 25. janúar 2023 frá SSNE þar sem Akureyrarbæ er boðin þátttaka í verkefninu Grænum skrefum.

Hafi sveitarfélagið áhuga á að taka þátt er óskað eftir að skipaður sé tengiliður við verkefnið og sá sendi staðfestingarpóst á netfangið graenskref@ssne.is.

Svar óskast fyrir 24. febrúar nk.

Rut Jónsdóttir forstöðumaður umhverfis- og sorpmála sat fund bæjarráðs undir þessum lið.

Bæjarráð samþykkir með fjórum atkvæðum að fresta afgreiðslu til næsta fundar. Hilda Jana Gísladóttir situr hjá.


Albertína F. Elíasdóttir framkvæmdastjóri SSNE, Kristín Helga Schiöth verkefnastjóri hjá SSNE, Elva Gunnlaugsdóttir verkefnastjóri hjá SSNE og Rut Jónsdóttir forstöðumaður umhverfis- og sorpmála sátu fundinn undir þessum lið.

Þá sátu Hulda Elma Eysteinsdóttir og Lára Halldóra Eiríksdóttir fundinn undir þessum lið í gegnum fjarfundarbúnað.
Bæjarráð samþykkir að taka þátt í verkefninu Grænum skrefum og tilnefnir forstöðumann umhverfis- og sorpmála, sem tengilið.

7.SSNE - starfsemi

Málsnúmer 2023020206Vakta málsnúmer

Rætt um málefni SSNE.

Albertína F. Elíasdóttir framkvæmdastjóri SSNE, Kristín Helga Schiöth verkefnastjóri hjá SSNE, Elva Gunnlaugsdóttir verkefnastjóri hjá SSNE og Rut Jónsdóttir forstöðumaður umhverfis- og sorpmála sátu fundinn undir þessum lið.

Þá sátu Hulda Elma Eysteinsdóttir og Lára Halldóra Eiríksdóttir fundinn undir þessum lið í gegnum fjarfundarbúnað.
Bæjarráð þakkar fulltrúum SSNE fyrir góða kynningu.

8.Stjórn Sambands íslenskra sveitarfélaga - fundargerðir 2023

Málsnúmer 2023011346Vakta málsnúmer

Lögð fram til kynningar fundargerð 918. fundar stjórnar Sambands íslenskra sveitarfélaga dagsett 27. janúar 2023.

Fundi slitið - kl. 10:54.