Bæjarráð

3634. fundur 04. apríl 2019 kl. 08:15 - 11:36 Fundaaðstaða bæjarstjóra á 3. hæð Ráðhúss
Nefndarmenn
  • Guðmundur Baldvin Guðmundsson formaður
  • Halla Björk Reynisdóttir
  • Hilda Jana Gísladóttir
  • Eva Hrund Einarsdóttir
  • Gunnar Gíslason
  • Hlynur Jóhannsson áheyrnarfulltrúi
  • Sóley Björk Stefánsdóttir áheyrnarfulltrúi
Starfsmenn
  • Ásthildur Sturludóttir bæjarstjóri
  • Kristín Sóley Sigursveinsdóttir forstöðumaður upplýsinga- og þjónustudeildar ritaði fundargerð
Fundargerð ritaði: Kristín Sóley Sigursveinsdóttir
Dagskrá

1.Flugklasi - samstarf um millilandaflug til Norðurlands

2011060107

Arnheiður Jóhannsdóttir framkvæmdastjóri Markaðsstofu Norðurlands og Hjalti Páll Þórarinsson verkefnastjóri mættu á fund bæjarráðs og ræddu málefni flugklasans; stöðu, framtíð og horfur.
Bæjarráð felur bæjarstjóra að ræða við forsvarsmenn Markaðsstofu Norðurlands um viðauka og framlengingu á samningi um flugklasann.

2.Fjárhagsáætlun Akureyrarbæjar 2020 - tekjuáætlun

2019020276

Lögð fram drög að tekjuáætlun fyrir árið 2020 vegna vinnu við gerð fjárhagsáætlunar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð felur sviðsstjóra fjársýslusviðs að vinna áfram að gerð fjárhagsáætlunar í samræmi við þau drög að tekjuáætlun sem rædd voru á fundinum.

3.Eyþing - aukaaðalfundur 2019

2019030121

Rætt um aukaaðalfund Eyþings og tillögu um endurskipulagningu.

Þóroddur Bjarnason formaður starfshóps um viðræður við atvinnuþróunarfélögin á starfssvæði Eyþings mætti á fund bæjarráðs undir þessum lið.

4.Bæjarstjórnarfundur unga fólksins - fundargerð

2019040004

Lögð fram fundargerð bæjarstjórnar unga fólksins dagsett 26. mars 2019.
Bæjarráð vísar liðum 1 og 7 til umhverfis- og mannvirkjaráðs, liðum 3 og 6 til frístundaráðs, liðum 5 og 8 til fræðsluráðs. Liðir 2 og 4 verða unnir áfram í bæjarráði.

5.Miðhúsavegur 4 - lóðarstækkun - beiðni um endurupptöku

2019030022

Erindi dagsett 25. mars 2019 frá Jóni Björnssyni f.h. Verkvals ehf. þar sem farið er fram á að ákvörðun skipulagsráðs frá 13. mars sl. um að hafna umsókn fyrirtækisins um stækkun lóðarinnar Miðhúsavegur 4 verði tekin til endurskoðunar.

Inga Þöll Þórgnýsdóttir bæjarlögmaður sat fund bæjarráðs undir þessum lið.
Bæjarráð getur ekki orðið við beiðni um endurupptöku málsins þar sem beiðnin uppfyllir ekki ákvæði 24. gr. stjórnsýslulaga en felur bæjarlögmanni að leiðbeina umsækjanda um framhald málsins.

6.Forathugun á vilja bæjarráðs til að gera þjónustusamning vegna umsækjenda um alþjóðlega vernd

2019030159

Erindi dagsett 13. mars 2019 frá Kristínu Völundardóttur forstjóra Útlendingastofnunar þar sem óskað er eftir afstöðu bæjarráðs til þess að gera þjónustusamning við stofnunina sem snýr að félagslegri þjónustu og stuðningi við umsækjendur um alþjóðlega vernd, á meðan þeir bíða niðurstöðu vegna umsóknar sinnar. Óskað er eftir svari fyrir lok marsmánaðar ef unnt er. Erindinu fylgir afrit af samningi Útlendingastofnunar við Hafnarfjörð.
Bæjarráð felur bæjarstjóra að skoða málið áfram með sviðsstjóra fjölskyldusviðs.

7.Styrktarsjóður EBÍ 2019

2019030376

Erindi dagsett 25. mars 2019 frá Eignarhaldsfélagi Brunabótafélags Íslands (EBÍ) varðandi umsóknir í styrktarsjóð EBÍ 2019. Aðildarsveitarfélag sendir aðeins inn eina umsókn sem skila ber á þar til gerðu eyðublaði. Umsóknir skulu vera vegna sérstakra framfaraverkefna á vegum sveitarfélaganna en ekki vegna almennra rekstrarverkefna þeirra. Umsóknarfrestur er til aprílloka.
Bæjarráð hvetur ráð og svið bæjarins til að skoða verkefni sem falla undir reglur sjóðsins og senda tillögur til bæjarstjóra fyrir 25. apríl nk.

8.Eyþing - fundargerðir stjórnar

2010110064

Lögð fram til kynningar fundargerð 317. fundar stjórnar Eyþings dagsett 12. mars 2019.

Fundargerðina má finna á netslóðinni: http://www.eything.is/is/fundargerdir-1

9.Frumvarp til laga um breytingu á lögum um ávana- og fíkniefni (neyslurými), 711. mál 2019

2019030323

Lagt fram til kynningar erindi dagsett 25. mars 2019 frá velferðarnefnd Alþingis þar sem óskað er umsagnar um frumvarp til laga um breytingu á lögum um ávana- og fíkniefni (neyslurými), 711. mál 2019.

Þess er óskað að undirrituð umsögn berist eigi síðar en 15. apríl nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/149/s/1135.html

Fundi slitið - kl. 11:36.