Bæjarráð

3495. fundur 25. febrúar 2016 kl. 08:30 - 10:30 Bæjarstjórnarsalur á 4. hæð í Ráðhúsi
Nefndarmenn
  • Guðmundur Baldvin Guðmundsson formaður
  • Logi Már Einarsson
  • Matthías Rögnvaldsson
  • Eva Hrund Einarsdóttir
  • Margrét Kristín Helgadóttir
  • Sóley Björk Stefánsdóttir áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Heiða Karlsdóttir fundarritari
Dagskrá
Eva Hrund Einarsdóttir D-lista mætti í forföllum Gunnars Gíslasonar.

1.Barnasáttmáli Sameinuðu þjóðanna - innleiðing

2014030109

Alfa Aradóttir forstöðumaður forvarna- og æskulýðsmála, Sigríður Stefánsdóttir framkvæmdastjóri samfélags- og mannréttindadeildar og Silja Dögg Baldursdóttir formaður samfélags- og mannréttindaráðs mættu á fund bæjarráðs og kynntu stöðuna á tilboði Unicef á Íslandi varðandi innleiðingu Barnasáttmála Sameinuðu þjóðanna.
Bæjarráð samþykkir að ganga að tilboði Unicef varðandi innleiðingu verkferla vegna Barnasáttmála Sameinuðu þjóðanna.

2.Íbúalýðræði og gagnsæ stjórnsýsla

2015020002

Andrea Sigrún Hjálmsdóttir fulltrúi í vinnuhópi um íbúalýðræði og gagnsæja stjórnsýslu hjá Akureyrarbæ mætti á fund bæjarráðs undir þessum lið og kynnti útfærslu vinnuhópsins á tillögunum um íbúalýðræði og rafræna stjórnsýslu.
Bæjarráð þakkar vinnuhópnum fyrir vel unnin störf og Andreu Sigrúnu kynninguna.

3.Hverfisráð Grímseyjar - fundargerðir

2010070098

Lagðar fram fundargerðir 24. og 25. fundar hverfisráðs Grímseyjar báðar dagsettar 11. febrúar 2016. Fundargerðirnar má finna á netslóðinni:

http://www.akureyri.is/is/stjornkerfid/hverfisnefndir/grimsey/fundargerdir
Fundargerð 24. fundar er lögð fram til kynningar.

Fundargerð 25. fundar var afgreidd á eftirfarandi hátt:

Bæjarráð vísar 3. og 4. lið til Fasteigna Akureyrarbæjar og hluta af 4. lið til framkvæmdadeildar, 5. lið til Akureyrarstofu, 1. og 2. liður eru lagðir fram til kynningar í bæjarráði.

4.Tillaga til þingsályktunar um notkun gúmmíkurls úr dekkjum á leik- og íþróttavöllum, 328. mál

2016020175

Lagt fram til kynningar erindi dagsett 17. febrúar 2016 frá umhverfis- og samgöngunefnd Alþingis þar sem óskað er umsagnar um tillögu til þingsályktunar um notkun gúmmíkurls úr dekkjum á leik- og íþróttavöllum, 328. mál 2016.

Þess er óskað að undirrituð umsögn berist eigi síðar en 1. mars 2016 á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/145/s/0390.html

5.Frumvarp til laga um um félagsþjónustu sveitarfélaga (skilyrði fjárhagsaðstoðar), 458. mál

2016020185

Lagt fram til kynningar erindi dagsett 17. febrúar 2016 frá velferðarnefnd Alþingis þar sem óskað er umsagnar um frumvarp til laga um félagsþjónustu sveitarfélaga (skilyrði fjárhagsaðstoðar), 458. mál 2016.

Þess er óskað að undirrituð umsögn berist eigi síðar en 2. mars nk. á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/145/s/0732.html

6.Frumvarp til laga um sveitarstjórnarlög, 296. mál

2016020202

Lagt fram til kynningar erindi dagsett 22. febrúar 2016 frá umhverfis- og samgöngunefnd Alþingis þar sem óskað er umsagnar um frumvarp til laga um sveitarstjórnarlög (fjöldi fulltrúa í sveitarstjórn), 296. mál 2016.

Þess er óskað að undirrituð umsögn berist eigi síðar en 8. mars nk. á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/145/s/0325.html

7.Frumvarp til laga um sveitarstjórnarlög (uppbygging ferðamannastaða), 219. mál

2016020209

Lagt fram til kynningar erindi dagsett 22. febrúar 2016 frá umhverfis- og samgöngunefnd Alþingis þar sem óskað er umsagnar um frumvarp til laga um sveitarstjórnarlög (uppbygging ferðamannastaða), 219. mál 2016.

Þess er óskað að undirrituð umsögn berist eigi síðar en 8. mars nk. á netfangið nefndasvid@althingi.is.

Þingskjalið er hægt að sækja á vef Alþingis:http://www.althingi.is/altext/145/s/0227.html

8.Tillaga til þingsályktunar um uppbyggingu áningarstaða Vegagerðarinnar við þjóðvegi, 150. mál

2016020210

Lagt fram til kynningar erindi dagsett 22. febrúar 2016 frá umhverfis- og samgöngunefnd Alþingis þar sem óskað er umsagnar um tillögu til þingsályktunar um uppbyggingu áningarstaða Vegagerðarinnar við þjóðvegi, 150. mál, 2016. Þess er óskað að undirrituð umsögn berist eigi síðar en 8. mars 2016 á netfangið nefndasvid@althingi.is. Þingskjalið er hægt að sækja á vef Alþingis: http://www.althingi.is/altext/145/s/0150.html

9.Drög að frumvarpi til breytinga á grunnskólalögum um sjálfstætt starfandi skóla

2016020217

Lagt fram til kynningar erindi dagsett 23. febrúar 2016 frá Innanríkisráðuneytinu þar sem óskað er umsagnar um drög að frumvarpi til laga um breytingu á grunnskólalögum um sjálfstætt starfandi skóla. Frekstur til að skila inn athugasemdum við drögin er til og með 29. febrúar nk. Sjá nánar á heimasíðu ráðuneytisins: https://www.menntamalaraduneyti.is/frettir/forsidugreinar/drog-ad-frumvarpi-til-laga-um-breytingu-a-grunnskolalogum-til-kynningar

10.Myndlistaskólinn á Akureyri - samningur 2016

2016020216

Lagður fram samningur dagsettur 22. febrúar 2016 um framlög til reksturs Myndlistaskólans á Akureyri á vorönn 2016.
Bæjarráð samþykkir framlagðan samning.

11.Hjallastefnan ehf - samningur 2010-2015

2010090049

3. liður í fundargerð skólanefndar dagsett 15. febrúar 2016:

Lagt fram erindi dagsett 21. janúar 2016 frá Ingibjörgu Ösp Stefánsdóttur framkvæmdastjóra Hjallastefnunnar ehf þar sem hún óskar eftir að Akureyrarbær leiðrétti greiðslu til Hjallastefnunnar vegna breytinga á kjarasamningum og starfsmati.

Árni Konráð Bjarnason rekstrarstjóri á skóladeild og Hrafnhildur Sigurðardóttir leikskólafulltrúi á skóladeild fóru yfir breytingarnar.

Skólanefnd samþykkir umbeðið erindi og óskar eftir viðbótarfjármagni frá bæjarráði vegna breytinga á nýjum kjarasamningum og starfsmati.
Bæjarráð samþykkir umbeðið erindi en frestar gerð viðauka.

Fundi slitið - kl. 10:30.