Afgreiðslufundur skipulagsstjóra

Tölvupóstur dagsettur 6. júní 2012 frá Agli Erni Arnarsyni þar sem hann f.h. Tónsmiðjunnar félagasamtaka, kt. 591197-2589, óskar eftir endurnýjun og staðfestingu á áframhaldandi stöðuleyfi tveggja upplýsinga- og þjónustuskilta sem eru við innkeyrslur í bæinn, við Drottingarbraut og Hlíðarbraut, en núverandi stöðuleyfi sem upphaflega var gefið út fyrir rúmum 20 árum hefur verið endurnýjað reglulega með sambærilegri beiðni. Síðast var þessi endurnýjun gerð árið 2007 til Alþjóðlegs Framtaks IS, hjálparsamtaka.
Ingimar Pálsson er umsjónaraðili þeirra.

Erindi dagsett 7. maí 2012 þar sem Bjarni Reykjalín f.h. Gámaþjónustu Norðurlands ehf., kt. 481287-1039, sækir um byggingarleyfi fyrir skrifstofuhúsi á iðnaðarsvæði við Hlíðarfjallsveg lnr. 215098. Meðfylgjandi eru teikningar og gátlisti eftir Bjarna Reykjalín. Innkomin umsögn vinnueftirlits 21. maí 2012. Innkomnar nýjar teikningar 8. júní 2012.
Sótt er um undanþágu frá nýrri byggingarreglugerð nr. 112/2012 skv. meðfylgjandi fylgiskjali dags. 25. maí 2012:
1) Gr. 6.1.3. Kröfur um algilda hönnun, lið h.
2) Gr. 6.4.4. Gangar og anddyri.
3) Gr. 6.7.2. Algild hönnun.
4) Gr. 13.2.3. Útreikningur heildarleiðnitaps.
5) Gr. 13.3.1. Almennt um leiðnitap og U-gildi byggingarhluta.
6) Gr. 13.3.2. Hámarks U-gildi - ný mannvirki og viðbyggingar.

Erindi dagsett 7. júní 2012 þar sem Sigurður Hafsteinsson f.h. Arnars Þórs Jónssonar eiganda að íbúð 0201 í húsi nr. 114 við Þórunnarstræti leggur inn fyrirspurn um hvort leyfi fengist fyrir að sleppa lyftu fyrir þriðju hæðina sem fyrirhugað er að byggja ofan á húsið. Sjá nánar í bréfi.

Erindi dagsett 7. júní 2012 þar sem Sigurður Hafsteinsson f.h. Arnars Þórs Jónssonar eiganda að íbúð 0201 í húsi nr. 114 við Þórunnarstræti sækir um að gera tvö ný bílastæði á lóðinni. Sjá afstöðumynd.

Erindi móttekið 4. júní 2012 þar sem Anton Örn Brynjarsson f.h. Reita I ehf., kt. 510907-0940, sækir um leyfi til að færa eldvarnarvegg og breyta starfsemi í húsinu nr. 1 við Óseyri skv. meðfylgjandi teikningum eftir Anton Örn.
Innkomin umsögn vinnueftirlits 5. júní 2012.

Erindi dagsett 4. júní 2012 þar sem Hrafn Þórðarson f.h. Óseyri 4 ehf., kt. 690904-2170, sækir um leyfi til breytinga á innra skipulagi að Óseyrar 4 á rými 01-0101. Meðfylgjandi eru teikningar eftir Árna Gunnar Kristjánsson mótteknar 12. júní 2012.

Erindi dagsett 4. júní 2012 þar sem Gautur Þorsteinsson f.h. Fjarskipta ehf., kt. 470905-1740, sækir um leyfi til að afstúka tækjarými í loftræsiklefa fyrir fjarskiptabúnað og einnig að setja upp loftnetssúlu. Meðfylgjandi er samþykki húseiganda.

Erindi dagsett 21. maí 2012 þar sem Þröstur Sigurðsson f.h. Karls Einarssonar sækir um byggingarleyfi fyrir stækkun á rishæð til norðurs á húsi sínu að Klettagerði 5. Meðfylgjandi eru teikningar eftir Þröst Sigurðsson.

Erindi dagsett 22. maí 2012 þar sem Þröstur Sigurðsson f.h. Tómasar Þórs Ágústssonar óskar eftir byggingarleyfi til að stækka kvisti á suður- og norðurhlið, endurnýja klæðningu utanhúss, endurnýja glugga og bæta við gluggum á austurhlið og einnig að breyta innra skipulagi. Meðfylgjandi eru teikningar eftir Þröst Sigurðsson. Innkomin jákvæð umsögn frá Húsfriðunarnefnd 9. maí 2012.

Erindi dagsett 4. maí 2012 þar sem Ágúst Hafsteinsson f.h. Hlaða byggingarfélags ehf., kt. 540104-2390, sækir um byggingarleyfi fyrir nýbyggingu á lóð nr. 19-27 við Sómatún. Meðfylgjandi eru teikningar eftir Ágúst Hafsteinsson. Innkomnar nýjar teikningar 13. júní 2012, tilkynning um hönnunarstjóra og umsókn um undanþágu frá byggingarreglugerð 112/2012:
1. Gr. 6.1.3. Kröfur um algilda hönnun, lið h. varðandi hönnun umferðaleiða innan bygginga sjá kafla 6.4.
2. Gr. 6.4.3. Dyr innanhúss, svala og garðdyr.
3. Gr. 6.4.4. Gangar og anddyri.
4. Gr. 6.7.2. Algild hönnun
5. Gr. 6.7.8. Íbúðaherbergi varðandi kröfu um eitt 14 ferm. herbergi.
6. Gr. 6.7.10. Baðherbergi og snyrtingar.
7. Gr. 6.12.6. Sorpgeymslur og sorpflokkun.
8. Gr. 9.5.5. Björgunarop varðandi kröfu um breidd og hæð.
9. Gr. 12.2.1. og 13.3.3. Varðandi útreikning heildarleiðnitaps, heildarorkuþarfar og hámarks U-gilda byggingarhluta.

Erindi dagsett 13. júní 2012 þar sem Svavar Hannesson f.h. Björgunarsveitarinnar Súlna á Akureyri, kt. 640999-2689, sækir um breytingar á lóð nr. 12 við Hjalteyrargötu til samræmis við gildandi deiliskipulag. Meðfylgjandi er afstöðumynd eftir Harald Árnason.

Erindi dagsett 30. maí 2012 þar sem Tryggvi Tryggvason f.h. Viðars Þórs Pálssonar og Sólveigar Styrmisdóttur sækir um byggingarleyfi fyrir nýbyggingu að Tjarnartúni 25. Meðfylgjandi eru teikningar eftir Tryggva Tryggvason. Sótt er um undanþágu frá nýrri byggingarreglugerð nr. 112/2012:
1) Gr. 6.1.3. Kröfur um algilda hönnun, lið h. varðandi hönnun umferðarleiða innan bygginga, sjá kafla 6.4.
2) Gr. 6.7.2. Algild hönnun.
3) Gr. 6.7.8. Íbúðarherbergi varðandi kröfu um eitt 14 fm. herbergi.
4) Gr. 8.5.2. Gler.
5) Gr. 13.2.1. til 13.3.3. Varðandi útreikning heildarleiðnitaps, heildarorkuþarfar og hámarks U-gilda byggingarhluta.
Einnig er óskað eftir takmörkuðu byggingarleyfi fyrir jarðvinnu, undirstöðum og frárennslislögnum. Innkomnar nýjar teikningar, gátlisti og umsókn Tryggva Tryggvasonar um að vera hönnunarstjóri.

Erindi dagsett 11. júní 2012 þar sem eigendur Víkurgils 1-7, eign 01 0101 Sigurður Arnar Magnússon og Sigurrós Anna Gísladóttir, eign 02-0101 Kristján Ingi Arnarsson og Birgitta Hlín Gunnarsdóttir, eign 03 0101 Jón Víðir Birgisson og Ellen Óskarsdóttir, eign 04 0101 Arnar Bragason og Eyrún Björg Þorfinnsdóttir, óska eftir stækkun lóðarinnar að Víkurgili 1-7 í samræmi við núgildandi deiliskipulag Giljahverfis.

Erindi dagsett 6. júní 2012 þar sem Orri Árnason f.h. Endurvinnslunnar hf., kt. 610789-1299, sækir um leyfi fyrir breytingum á Furuvöllum 11 fyrir starfsemi Endurvinnslunnar. Nánar í umsókn. Meðfylgjandi eru gátlisti og teikningar eftir Orra Áranson.