Velferðarráð

Alfa Aradóttir og Bryndís Elfa Valdemarsdóttir frá samfélagssviði komu á fundinn og kynntu aðgerðaráætlun við innleiðingu Barnasáttmálans hjá Akureyrarbæ 2019-2021.

Rammasamningur um þjónustu hjúkrunarheimila við Sjúkratryggingar Íslands rann út um síðustu áramót og því er ekki í gildi samningur þar sem viðræður eru enn yfirstandandi.

Framkvæmdastjóri ÖA Halldór S. Guðmundsson greindi frá framvindu og stöðu mála varðandi gjaldskrá samningsins og viðræðum aðila um endurnýjun samningsins.

Laufey Þórðardóttir settur sviðsstjóri búsetusviðs sat fundinn undir þessum lið.

Framkvæmdastjóri ÖA Halldór S. Guðmundsson kynnti svarbréf dagsett 18. janúar sl. frá Framkvæmdasjóði aldraðra þar sem samþykktar eru eftirfarandi styrkveitingar alls að upphæð kr. 17 milljónir vegna:

1. Endurnýjunar lyftu við Víði- og Furuhlíð.

2. Endurbætur á innréttingum og eldhúsi í Víði- og Furuhlíð.

3. Endurbætur á síma og bjöllukerfi ÖA.

Laufey Þórðardóttir settur sviðsstjóri búsetusviðs sat fundinn undir þessum lið.

Lagt fram svar við umsókn Öldrunarheimila Akureyrar um framlag úr Framkvæmdasjóði aldraðra árið 2018. Veittur er styrkur til endurnýjunar í aðaleldhúsi að upphæð kr. 10,4 milljónir sem er 40% af áætluðum kostnaði. Um er að ræða tækjakaup og uppsetningu vegna breytinga í framleiðslu og afgreiðslu matar - svokölluð "kokkað og kælt" (e.cook-chill) aðferð sem tryggir betur næringargildi og ferskleika matarins.

Halldór S. Guðmundsson framkvæmdastjóri ÖA kynnti lauslega þær hugmyndir sem verið er að vinna að og áður hafa verið kynntar fyrir velferðarráði og að næstu skref felist væntanlega í hönnun endurbóta húsnæðis og tækja.

Laufey Þórðardóttir settur sviðsstjóri búsetusviðs sat fundinn undir þessum lið.

Unnið að gerð aðgerðaáætlunar við velferðarstefnu Akureyrarbæjar.

Laufey Þórðardóttir settur sviðsstjóri búsetusviðs sat fundinn undir þessum lið.