Umsóknir ÖA 2018

Málsnúmer 2018100450

Vakta málsnúmer

Velferðarráð - 1293. fundur - 30.01.2019

Framkvæmdastjóri ÖA Halldór S. Guðmundsson kynnti svarbréf dagsett 18. janúar sl. frá Framkvæmdasjóði aldraðra þar sem samþykktar eru eftirfarandi styrkveitingar alls að upphæð kr. 17 milljónir vegna:

1. Endurnýjunar lyftu við Víði- og Furuhlíð.

2. Endurbætur á innréttingum og eldhúsi í Víði- og Furuhlíð.

3. Endurbætur á síma og bjöllukerfi ÖA.

Laufey Þórðardóttir settur sviðsstjóri búsetusviðs sat fundinn undir þessum lið.
Lagt fram til kynningar.

Velferðarráð - 1293. fundur - 30.01.2019

Lagt fram svar við umsókn Öldrunarheimila Akureyrar um framlag úr Framkvæmdasjóði aldraðra árið 2018. Veittur er styrkur til endurnýjunar í aðaleldhúsi að upphæð kr. 10,4 milljónir sem er 40% af áætluðum kostnaði. Um er að ræða tækjakaup og uppsetningu vegna breytinga í framleiðslu og afgreiðslu matar - svokölluð "kokkað og kælt" (e.cook-chill) aðferð sem tryggir betur næringargildi og ferskleika matarins.

Halldór S. Guðmundsson framkvæmdastjóri ÖA kynnti lauslega þær hugmyndir sem verið er að vinna að og áður hafa verið kynntar fyrir velferðarráði og að næstu skref felist væntanlega í hönnun endurbóta húsnæðis og tækja.

Laufey Þórðardóttir settur sviðsstjóri búsetusviðs sat fundinn undir þessum lið.
Lagt til kynningar.

Velferðarráð - 1304. fundur - 07.08.2019

Halldór S. Guðmundsson framkvæmdastjóri ÖA kynnti tvö svarbréf dagsett 3. júlí sl. frá Framkvæmdasjóði aldraðra þar sem samþykktar eru eftirfarandi styrkveitingar að upphæð alls kr. 15.147.200 vegna:

1. Endurnýjunar og sérstakra breytinga á raðhúsaíbúð (Rósin) kr. 1,8 milljónir í styrk en kostnaðaráætlun hljóðar upp á kr. 4,8 milljónir.

2. Endurbóta á húsnæði og tækjakaupa í aðaleldhúsi kr. 13,287 milljónir, kostnaðaráætlun hljóðar upp á kr. 34 milljónir.

Þriðja umsóknin hlaut ekki stuðning og var hafnað, en þar var sótt um styrk vegna þakviðgerða á hluta af þaki á Víði- og Furuhlíð.

Velferðarráð - 1321. fundur - 03.06.2020

Helga Guðrún Erlingsdóttir framkvæmdastjóri ÖA kynnti þrjú svarbréf dagsett 20. maí sl. frá Framkvæmdasjóði aldraðra þar sem samþykktar eru eftirfarandi styrkveitingar að upphæð alls kr. 5.395.166 vegna: 1. Endurnýjunar á raðhúsaíbúð kr. 2,4 milljónir í styrk en kostnaðaráætlun hljóðar upp á kr. 6 milljónir. 2. Endurnýjun á bjöllu- og símakerfi kr. 3 milljónir en kostnaðaráætlun hljóðar upp á kr. 7,5 milljónir. Þriðja umsóknin hlaut ekki stuðning og var hafnað, en þar var sótt um styrk vegna áframhaldandi breytinga á aðaleldhúsi.