Stjórn Akureyrarstofu

Þórgnýr Dýrfjörð, deildarstjóri Akureyrarstofu fór yfir starfsemi Akureyrarstofu og Hólmkell Hreinsson amtsbókavörður og Hlynur Hallsson safnstjóri Listasafnsins komu á fundinn og kynntu starf stofnananna. Aðalbjörg Sigmarsdóttir héraðsskjalavörður gat ekki verið á fundinum en mun kynna Héraðsskjalasafnið síðar.

Lögð fyrir tillaga að gjaldskrá fyrir Listasafnið á Akureyri og drög að reglum um útleigu á sjálfstætt reknum vinnustofum og sýningarrými í húsnæði safnsins. Hlynur Hallsson safnstjóri Listasafnsins sat fundinn undir þessum lið.

Ársreikningur Minjasafnsins á Akureyri lagður fram til kynningar.

Endurnýjun þjónustusamnings við Minjasafnið tekin fyrir að nýju.

Á síðasta starfsári Menningarfélags Akureyrar (MAk) var í samvinnu Akureyrarstofu og félagsins gerð tilraun með Tónlistarsjóð Hofs og Samkomuhússins. Meginmarkmið sjóðsins voru m.a. að auðvelda ungu listafólki utan stofnana að nýta sér þá fyrirmyndaraðstöðu sem húsin hafa upp á að bjóða og stuðla að fjölbreytileika í tónlistarviðburðum. Markmið tilraunarinnar var að undirbúa formlega stofnun sjóðs sem tæki til starfa á þessu ári. Í nýjum samningi Akureyrarbæjar og MAk er gert ráð fyrir þessu og nú er unnið að samþykktum og vinnureglum fyrir sjóð sem hefur víðtækara hlutverk en tilraunasjóðurinn. Auk þess er gert ráð fyrir að Menningarfélgið Hof sem annaðist rekstur Hofs í upphafi komi að nýja sjóðnum með fjárframlagi.

Drög að reglum lögð fram til kynningar.

Bæjarráð hefur óskað eftir að stjórn Akureyrarstofu skipi fulltrúa í starfshóp um aðkomu Akureyrarbæjar að listnámi í bænum. Tilefnið er m.a. að samningur bæjarins við Myndlistaskólann um stuðning við starfsemina rennur út í lok skólaárs 2018-2019.

Erindi dagsett 6. júní 2018 þar sem Hildur Eir Bolladóttir og Svavar Alfreð Jónsson, f.h. Akureyrarkirkju, óska eftir styrk til að mæta kostnaði við komu ferðamanna í kirkjuna í sumar.

Lögð fram til kynningar rekstraryfirlit fyrir málaflokka stjórnar Akureyrartofu fyrir fyrstu 6 mánuði ársins 2018.

Erindi dagsett 12. júlí 2018 frá Þorsteini E. Arnórssyni, f.h. Iðnaðarsafnsins á Akureyri þar sem óskað er eftir auknum stuðningi Akureyrarbæjar við rekstur safnsins.