Skipulagsráð

Meirihluti skipulagsráðs tekur jákvætt í að þróa hugmyndina áfram og felur skipulagsfulltrúa að ræða við umsækjanda um framhald málsins.


Sif Jóhannesar Ástudóttir V-lista situr hjá við afgreiðslu tillögunnar.


Sindri Kristjánsson S-lista óskar bókað eftirfarandi:

Undirritaður hefur talsverðar efasemdir um tillöguna og skiptast þær í nokkra þætti. Í fyrsta lagi hefur skipulagsráð áður tekið afstöðu til hugmynda um íbúðauppbyggingu á svæðinu. Á fundi sínum þann 25. september 2019 hafnaði ráðið einróma umleitan þáverandi lóðarhafa um breytingu á aðalskipulagi þannig að byggja mætti upp íbúðabyggð á lóðinni. Þá voru rökin á þann veg að svæðið væri óhentugt til uppbyggingar þar sem lóðin væri nú þegar hluti af heildstæðu athafnasvæði sem afmarkaðist af umferðarþungum þjóðvegi, athafnasvæði og götunni Austursíðu sem er aðkomuvegur að athafnasvæði. Það eitt hefur breyst síðan þá er að starfsemi á lóðinni sjálfri hefur aukist til mikilla muna. Í annan stað ganga áformin út á að reisa fjölbýlishús sem samkvæmt ítrustu óskum tillöguhöfunda yrði eitt það stærsta í bænum, umlukið eingöngu umferðargötum og bílastæðum verslunarmiðstöðvar. Þrátt fyrir fögur fyrirheit tillögunnar um að henni sé ætlað að bregðast við skorti á íbúðamarkaði verða skipulagsyfirvöld að huga að því umhverfi sem íbúum bæjarins uppfylli einhverjar lágmarkskröfur varðandi ásýnd, aðbúnað, náttúrufar o.fl. í þeim dúr. Í þriðja lagi verður að nefna þá staðreynd að umferðaraukning í Austursíðu vegna tilkomu verslunarmiðstöðvarinnar Norðurtorgs er nú þegar umkvörtunar- og áhyggjuefni íbúa á svæðinu. Telur undirritaður að varla sé á ástandið bætandi á meðan enn hefur ekki verið gripið til mótvægisaðgerða vegna þeirrar umferðaraukningar sem þegar hefur átt sér stað.

Skipulagsráð samþykkir að kynna hugmyndir að endurskoðun deiliskipulags fyrir tjaldsvæðisreit skv. 4. mgr. 40. gr. skipulagslaga nr. 123/2010.


Jón Hjaltason óskar bókað eftirfarandi:

Unnið er að mótun tjaldsvæðisreits og tel ég fyllilega tímabært að hefja almenna umræðu um þá stefnumörkun. Gagnrýnisatriði eru fjölmörg, meðal annars fjöldi íbúða/bygginga á svæðinu (190 íbúðir í 15 byggingum), hæð bygginga (allt að fjórar hæðir), stærð þjónustu- og verslunarrýmis (2.000 m²). Fleira mætti telja. Ekki síst að forsenda skipulagsins er röng, ég tala nú ekki um ef litið er á hana frá sjónarhóli þéttingarsinna. Á tjaldsvæðinu á ekki að stefna að fjölbreyttri byggð (blandaðri byggð) heldur þvert á móti, hverfið á að vera einsleitt þar sem höfuðmarkmiðið er að barnafólk byggi reitinn.

Skipulagsráð samþykkir að gerð verði breyting á deiliskipulagi til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010 og ekki er talin þörf á grenndarkynningu sbr. 44. gr. laganna.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Afgreiðslu frestað.

Helgi Sveinbjörn Jóhannsson M-lista situr hjá við afgreiðslu málsins.

Skipulagsráð heimilar umsækjanda að leggja fram tillögu að breytingu á deiliskipulagi í samræmi við erindið og í samvinnu við skipulagsfulltrúa.

Skipulagsráð samþykkir að gerð verði breyting á deiliskipulagi til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010 og ekki er talin þörf á grenndarkynningu sbr. 44. gr. laganna. Er skipulagsfulltrúa falið að sjá um gildistöku breytingarinnar þegar fullnægjandi skipulagsgögn liggja fyrir.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Í ljósi umsagnar Minjastofnunar Íslands hafnar skipulagsráð framlagðri tillögu að breytingum á húsi á lóð nr. 11B við Strandgötu.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Meirihluti skipulagsráðs samþykkir uppsetningu ljósaskiltis að sömu stærð og núverandi skilti með sömu kvöðum og ljósaskilti við Þingvallastræti. Er leyfi veitt tímabundið til eins árs í senn þar til nýtt deiliskipulag fyrir Akureyrarvöll hefur tekið gildi.


Sif Jóhannesar Ástudóttir V-lista greiðir atkvæði gegn tillögunni og óskar bókað eftirfarandi:

Samkvæmt gildandi Samþykkt um skilti og auglýsingar í lögsögu Akureyrarkaupstaðar um skilti eru fletti og ljósaskilti óheimil í miðbæ Akureyrar. Því hefði verið rétt með ásýnd, umferðaröryggi og ljósmengun í huga að hafna þessari beiðni um breytingu á skilti. Í þessu samhengi skal ítrekað mikilvægi þess að endurskoða samþykkt um skilti í lögsögu Akureyrarbæjar.

Skipulagsráð hafnar erindinu.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Skipulagsráð samþykkir erindið og felur skipulagsfulltrúa að gefa út framkvæmdaleyfi þegar fullnægjandi gögn hafa borist.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Skipulagsráð frestar afgreiðslu til næsta fundar.

Skipulagsráð samþykkir áformin.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Málinu er vísað til afgreiðslu byggingarfulltrúa.

Skipulagsráð gerir ekki athugasemd við að gefið verði út leyfi fyrir rekstrarleyfisskyldri gististarfsemi í íbúðinni ef hún er leigð út í heilu lagi. Með því móti eykst ekki álag á bílastæði í götunni. Er heimildin með fyrirvara um samþykki allra eigenda í húsinu, sbr. ákvæði Aðalskipulags Akureyrar 2018-2030 um rekstrarleyfisskylda gististarfsemi í fjölbýlishúsum.