Samfélags- og mannréttindaráð

Áframhaldandi umræður um Menntasmiðju kvenna.
Guðrún Sigurðardóttir framkvæmdastjóri fjölskyldudeildar sat fundinn undir þessum lið.

Unnið að gerð reglna vegna unglingadansleikja.
Daníel Guðjónsson yfirlögregluþjónn, Alfa Aradóttir forstöðumaður forvarna- og æskulýðsmála og Gréta Kristjánsdóttir umsjónarmaður forvarna sátu fundinn undir þessum lið.

Unnið að starfsáætlun samfélags- og mannréttindaráðs fyrir árið 2011.

Unnið að gerð þriggja ára áætlunar fyrir þá málaflokka sem heyra undir samfélags- og mannréttindaráð.

8. liður í fundargerð bæjarráðs dags. 20. janúar 2011:
Erindi dags. 6. janúar 2011 frá Kristínu Ástgeirsdóttur jafnréttisstýru Jafnréttisstofu þar sem bæjarstjórn Akureyrar er bent á þá sögulegu staðreynd að á þessu ári verða 100 ár liðin frá því að kona var fyrst kjörin í bæjarstjórn Akureyrar. Bæjarráð vísar málinu til samfélags- og mannréttindaráðs.