Frístundaráð

8. fundur 19. maí 2017 kl. 08:15 - 10:00 Fundarherbergi á 2. hæð í Rósenborg
Nefndarmenn
  • Silja Dögg Baldursdóttir formaður
  • Óskar Ingi Sigurðsson
  • Arnar Þór Jóhannesson
  • Jónas Björgvin Sigurbergsson
  • Þórunn Sif Harðardóttir
  • Alfa Dröfn Jóhannsdóttir áheyrnarfulltrúi
Starfsmenn
  • Ellert Örn Erlingsson forstöðumaður íþróttamála
  • Kristinn Jakob Reimarsson sviðsstjóri samfélagssviðs ritaði fundargerð
Fundargerð ritaði: Kristinn Jakob Reimarsson sviðsstjóri
Dagskrá

1.Sumarnámskeið 2017

2017030250

Óskað er eftir fjármagni til að koma á fót sumarnámskeiði fyrir fötluð börn í 1.- 4. bekk. Markmið verkefnisins er að veita hópi fatlaðra barna 7-9 ára tómstundaþjónustu sumarið 2017 fyrir utan almenn tómstundatilboð. Leitast verður við að bjóða upp á afþreyingu sem er sniðin að þeirra þörfum. Verkefnið er samstarfsverkefni samfélagssviðs, fjölskyldusviðs og búsetusviðs.

Alfa Aradóttir deildarstjóri forvarna- og frístundamála sat fundinn undir þessum lið.
Frístundaráð samþykkir að óska eftir því við bæjarráð að veitt verði viðbótarfjármagn að upphæð kr. 1,9 milljónir í þetta verkefni.

Frístundaráð samþykkir að beina því til bæjarráðs að mótuð verði framtíðarstefna er varðar fyrirkomulag tómstundaframboðs vegna fatlaðra barna og jafnframt verði tryggt fjármagn á þeim stað þar sem ábyrgð á framkvæmdinni liggur.

2.Frístundastyrkur / tómstundaávísun

2006040018

Deildarstjóri íþróttamála lagði til að iðkendum á sumarnámskeiðum fyrir börn með skilgreinda fötlun verði heimilt að nýta frístundastyrk Akureyrarbæjar til greiðslu þátttökugjalda sumarnámskeiðanna.

Alfa Aradóttir deildarstjóri forvarna- og frístundamála sat fundinn undir þessum lið.
Frístundaráð samþykkir að heimila notkun frístundastyrks til greiðslu þátttökugjalda á sumarnámskeiðum fyrir börn með skilgreinda fötlun.

3.Endurnýjun snjótroðara í Hlíðarfjalli 2017

2017010160

Í fjárhagsáætlun ráðsins 2017 er gert ráð fyrir endurnýjun snjótroðara í Hlíðarfjalli. Deildarstjóri íþróttamála kynnti tillögur að endurnýjun snjótroðara í Hlíðarfjalli árið 2017.

4.Sundlaug Akureyrar - starfsemi og rekstur

2015060018

Deildarstjóri íþróttamála lagði fram tillögu um að gufubaðsaðstöðu á 2. hæð Sundlaugar Akureyrar verði lokað í núverandi mynd og að aðstaðan verði notuð sem búningsaðstaða við sérstakar aðstæður.
Frístundaráð samþykkir að gufubaðsaðstöðu á 2. hæð Sundlaugar Akureyrar verði lokað.

5.Nökkvi félag siglingamanna á Akureyri - uppbyggingarsamningur 2014-2018

2014010269

Tekið fyrir að nýju erindi dagsett 5. apríl 2017 frá Rúnari Þór Björnssyni formanni Nökkva þar sem óskað er eftir að félaginu verði veitt heimild til að kaupa nýjan björgunarbát sem var áætlaður til innkaupa samkvæmt uppbyggingarsamningi árið 2018.

Málið var á áður á dagskrá ráðsins 27. apríl 2017.
Frístundaráð samþykkir að heimila Nökkva félagi siglingamanna að kaupa nýjan björgunarbát. Fjármagn verður tekið af greiðslu samkvæmt uppbyggingarsamningi fyrir árið 2018. Jafnframt felur frístundaráð deildarstjóra íþróttamála að gera viðaukasamning við Nökkva vegna þessarar samþykktar.

6.Skátastarf í 100 ár

2017020170

Boðsbréf á 100 ára afmælisfagnað Skáta á Akureyri
Frístundaráð óskar Skátafélaginu Klakki til hamingju með áfangann.

7.Hverfisnefnd Naustahverfis - fundargerðir 2017

2017010128

Bæjarráð vísar 3. lið í 76. fundargerð hverfisnefndar Naustahverfis, íþróttahúsið við Naustaskóla, til umfjöllunar í frístundaráði.
Frístundaráð þakkar hverfisnefnd Naustahverfis tillögurnar og samþykkir að taka þær til umræðu í tengslum við fjárhagsáætlunargerð fyrir árið 2018.

8.Samfélagssvið - rekstur mannvirkja

2017040142

Lagt fram til kynningar 3ja mánaða rekstraryfirlit janúar-mars 2017.

9.Fjárhagsáætlun Akureyrarbæjar 2018-2021

2017040095

Lagður fram til kynningar tímarammi vegna fjárhagsáætlunargerðar 2018-2021.

Fundi slitið - kl. 10:00.