Fræðsluráð

13. fundur 19. ágúst 2019 kl. 13:30 - 15:35 Fundarsalur 1. hæð Glerárgötu 26
Nefndarmenn
  • Ingibjörg Ólöf Isaksen formaður
  • Ragnheiður Lilja Bjarnadóttir
  • Rósa Njálsdóttir
  • Valgerður S Bjarnadóttir varamaður
  • Þórhallur Harðarson
  • Þuríður Sólveig Árnadóttir áheyrnarfulltrúi
Starfsmenn
  • Karl Frímannsson sviðsstjóri fræðslusviðs ritaði fundargerð
  • Árni Konráð Bjarnason forstöðumaður rekstrardeildar
Fundargerð ritaði: Karl Frímannsson sviðsstjóri fræðslusviðs
Dagskrá
Samkvæmt bókun bæjarráðs Akureyrar 15. ágúst 2019 tekur Ragnheiður Lilja Bjarnadóttir L-lista sæti Hildar B. Kristjánsdóttur í fræðsluráði.

Valgerður Bjarnadóttir S-lita mætti í forföllum Þorláks A. Jónssonar.
Anna R. Árnadóttir fulltrúi leikskólastjóra, Ellý Dröfn Kristjánsdóttir fulltrúi Félags leikskólakennara, Ingunn Högnadóttir fulltrúi foreldra barna á leikskóla og Sveinn Leó Bogason fulltrúi Félags grunnskólakennara boðuðu forföll.

Í upphafi fundar leitaði formaður afbrigða um að setja á dagskrá fundarlið nr. 8. Húsnæðismál - staða framkvæmda. Tillagan var samþykkt einróma.

1.Ytra mat á grunnskólum 2015-2020

2015050045

Lagt fram til kynningar bréf frá Menntamálastofnun dagsett 24. maí 2019 um að Hríseyjarskóli og Giljaskóli fari í ytra mat haustið 2019.

Markmið með ytra matinu eru meðal annars að vera skólum hvati til frekari skólaþróunar, styðja stjórnendur og kennara í umbótum á eigin starfi og efla og styðja innra mat og gæðastjórnun skóla.

Þungamiðja matsins er stjórnun, nám og kennsla og innra mat skólans. Auk þess óskar fræðslusvið Akureyrarbæjar eftir því að upplýsingatækni verði metin sérstaklega sem fjórði þáttur í matinu.

2.VOPD verkefnið - ráðgjöf um innleiðingu velferðartækni

2019080015

Öldrunarheimili Akureyrar lögðu, í samstarfi við fræðslusvið, fjölskyldusvið og búsetusvið, inn umsókn til Norrænu velferðarmiðstöðvarinnar vegna þátttöku í norrænu verkefni um fjarþjónustu í heilbrigðis- og félagsþjónustu. Verkefnið VOPD (Vård och omsorg på distans) felst í samstarfi og ráðgjöf frá sérfræðingum frá Norðurlöndunum og Norrænu velferðarmiðstöðinni (NVC) við að innleiða slíka þjónustu í starfsemi sveitarfélaga.

Samþætting og skipulag þjónustunnar fer alfarið fram í hug- og fjarskiptabúnaðinum Memaxi. Ráðgert er að innleiðingarverkefnið verði unnið á næstu 6-10 mánuðum í samstarfi við notendur og starfsfólk og með ráðgjöf frá erlendum og innlendum sérfræðingum á sviði nýsköpunar.

Lagt fram til kynningar.

3.Rekstur fræðslumála 2019

2019030196

Árni K. Bjarnason forstöðumaður rekstrar gerði grein fyrir rekstrarstöðu fræðslumála fyrstu sjö mánuði ársins.

4.Starfsáætlun fræðsluráðs 2019-2023

2019050580

Starfsáætlun fræðsluráðs 2020-2023 lögð fram til afgreiðslu.
Fræðsluráð samþykkir framlagða starfsáætlun.

5.Fjárhagsáætlun fræðslusviðs 2020-2023

2019070631

Vinna við gerð fjárhagsáætlunar 2020-2023 lögð fram til kynningar ásamt tillögum að hagræðingaraðgerðum fyrir árið 2020.
Fræðsluráð samþykkir framlagðar tillögur að hagræðingu fyrir árið 2020.

6.Tímaúthlutun skólaárið 2019-2020

2019040463

Forstöðumaður rekstrar gerði grein fyrir tillögu að breytingu á tímaúthlutun í grunnskólum haustið 2019.
Fræðsluráð samþykkir framlagðar breytingar á tímaúthlutun til grunnskóla 2019-2020.

7.Dagforeldrar - jöfnunargreiðslur

2019080229

Gert er ráð fyrir að auknar niðurgreiðslur dagforeldragjalda komi til framkvæmda frá og með 1. september 2019. Horft er til þess hóps sem nær 16 mánaða aldri við innritun í leikskóla í ágúst og fær ekki tilboð um leikskóladvöl. Haustið 2019 er stefnt að innritun allra barna sem fædd eru í apríl 2018 og fyrr. Foreldrar barna sem eiga börn fædd í maí 2018 og fá ekki tilboð um leikskóladvöl eiga rétt á aukinni niðurgreiðslu frá og með október 2019 samkvæmt tillögunni.
Fræðsluráð samþykkir 10 þús. kr. niðurgreiðslu til foreldra barna sem nýta sér þjónustu dagforeldra eftir 16 mánaða aldur, frá og með 1. október 2019.

8.Húsnæðismál - staða framkvæmda

2019080324

Staða framkvæmda við skólamannvirki lögð fram til kynningar.

Fundi slitið - kl. 15:35.