VOPD verkefnið - ráðgjöf um innleiðingu velferðartækni

Öldrunarheimili Akureyrar lögðu í samstarfi við fræðslusvið, fjölskyldusvið og búsetusvið inn umsókn til Norrænu velferðarmiðstöðvarinnar vegna þátttöku í norrænu verkefni um fjarþjónustu í heilbrigðis- og félagsþjónustu. Verkefnið VOPD (Vård och omsorg på distans) felst í samstarfi og ráðgjöf frá sérfræðingum frá Norðurlöndunum og Norrænu velferðarmiðstöðinni (NVC) við að innleiða slíka þjónustu í starfsemi sveitarfélaga (sjá einnig: https://nordicwelfare.org/en/projekt/healthcare-and-care-with-distance-spanning-technologies/).

Verkefni Akureyrarbæjar sem áformað er að innleiða í þjónustustarfsemi fyrrgreindra sviða, er Memaxi, hug- og fjarbúnaður til samskipta, samþættingar og skipulags í þjónustu við notendur.

Ráðgert er að innleiðingarverkefnið verði unnið á næstu 6-10 mánuðum í samstarfi við notendur og starfsfólk og með ráðgjöf frá erlendum og innlendum sérfræðingum á sviði nýsköpunar.

Öldrunarheimili Akureyrar lögðu, í samstarfi við fræðslusvið, fjölskyldusvið og búsetusvið, inn umsókn til Norrænu velferðarmiðstöðvarinnar vegna þátttöku í norrænu verkefni um fjarþjónustu í heilbrigðis- og félagsþjónustu. Verkefnið VOPD (Vård och omsorg på distans) felst í samstarfi og ráðgjöf frá sérfræðingum frá Norðurlöndunum og Norrænu velferðarmiðstöðinni (NVC) við að innleiða slíka þjónustu í starfsemi sveitarfélaga.

Samþætting og skipulag þjónustunnar fer alfarið fram í hug- og fjarskiptabúnaðinum Memaxi. Ráðgert er að innleiðingarverkefnið verði unnið á næstu 6-10 mánuðum í samstarfi við notendur og starfsfólk og með ráðgjöf frá erlendum og innlendum sérfræðingum á sviði nýsköpunar.

Halldór S. Guðmundsson framkvæmdastjóri ÖA kynnti málið.

Helga Erlingsdóttir hjúkrunarforstjóri ÖA sat fundinn undir þessum lið.

Þann 18. mars næstkomandi ætla SAk og ÖA að halda sameiginlegt málþing þar sem farið verður yfir hvernig til tókst með innleiðingu á lausnum í fjarheilbrigðis- og velferðarþjónustu og hvaða lærdóm megi draga af þeirri vinnu sem fram hefur farið en einnig er ætlunin að horfa fram á við og þá sérstaklega með það fyrir augum hvernig heilbrigðisþjónustan og velferðarkerfið geti unnið saman að því að innleiða rafrænar lausnir á fyrirsjáanlegum verkefnum framtíðar innan þessara geira.

Málþingið verður haldið að Hlíð kl. 09:00 - 14:00.