Fræðsluráð

María Steingrímsdóttir dósent við kennaradeild Háskólans á Akureyri mætti á fundinn og sagði frá rannsóknum tengdum viðhorfum kennaranema til æfingakennslu og móttöku í leik- og grunnskólum.

Sviðsstjóri fræðslusviðs kynnti tilboð Háskólans á Akureyri um sérhæft 30 eininga viðbótarnám fyrir starfandi kennara sem vilja sérhæfa sig í móttöku kennaranema og nýrra kennara í leik- og grunnskólum.

Árni Konráð Bjarnason rekstrarstjóri á fræðslusviði gerði grein fyrir niðurstöðum á rekstri fræðslusviðs árið 2016.

Menntamálastofnun hefur samþykkt að gera ytra mat á leikskólanum Lundarseli á árinu 2017.

Hrafnhildur Sigurðardóttir leikskólafulltrúi fór yfir stöðu mála.



Lagt fram til kynningar.

Frá áramótum hefur myndast biðlisti eftir dagvistun hjá dagforeldrum. Reynt hefur verið að bregðast við þessu með því að fjölga dagforeldrum og gert er ráð fyrir að fjölga núna strax um fjóra og að auki liggja nú inni tvær umsóknir um dagforeldrastarf.



Í fjárhagsáætlun fræðslusviðs fyrir árið 2017 er gert ráð fyrir því að dvöl 5 ára barna í leikskóla ljúki við sumarlokun og foreldrar sem það kjósa geti fengið áframhaldandi þjónustu innan grunnskólans fram að hefðbundinni skólabyrjun. Börnin byrja því í sínum grunnskóla þriðjudaginn eftir verslunarmannahelgi. Þetta er samstarf milli leik- og grunnskólanna og verið er að skipuleggja þetta nánar.

Þessi breyting mun hafa þau áhrif það verður hægt að bjóða einhverjum hluta barna sem fædd eru fyrri hluta ársins 2015 leikskóladvöl í byrjun júní og þau börn sem eru fædd seinni hluta ársins eiga að geta hafið sína leikskóladvöl í ágúst.



Í fjárhagsáætluninni er einnig gert ráð fyrir stöðugilda aukningu frá haustinu sem mun hafa þau áhrif að leikskólarnir geta tekið við fleiri börnum núna í haust en var síðast liðið haust.

Árni Konráð Bjarnason rekstrarstjóri á fræðslusviði fór yfir áhrif kjarasamninga á rekstur fræðslumála.

Skólaval grunnskóla.

Breyting á viðmiðunarreglum.

Lagt fram til kynningar.