Bæjarstjórn

1. liður í fundargerð bæjarráðs dags. 31. október 2013:
Bæjarráð vísar fjárhagsáætlun 2014 ásamt 3ja ára áætlun 2015-2017 til fyrri umræðu í bæjarstjórn.

2. liður í fundargerð bæjarráðs dags. 31. október 2013:
Lögð fram drög að velferðar- og fjarverustefnu Akureyrarbæjar.
Bæjarráð samþykkir fyrirliggjandi drög og vísar þeim til bæjarstjórnar til samþykktar.

2. liður í fundargerð skipulagsnefndar dags. 30. október 2013:
Tillaga að deiliskipulagi orlofsbyggðar norðan Kjarnalundar var auglýst frá 4. september með athugasemdarfresti til 16. október í Lögbirtingablaðinu, Dagskránni og Fréttablaðinu. Gögnin voru aðgengileg á heimasíðu skipulagsdeildar Akureyrarkaupstaðar, í þjónustuanddyri og hjá Skipulagsstofnun.

Beiðnir um umsagnir voru sendar til 8 umsagnaraðila: Rarik, Minjastofnunar Íslands, Norðurorku, Umhverfisstofnunar, Skipulagsstofnunar, Eyjafjarðarsveitar, hverfisnefndar Naustahverfis og Hörgársveitar.

Tvær umsagnir bárust frá:
1) Norðurorku, dags. 12. september 2013.
Um landið liggja tvær lagnir á vegum Norðurorku hf, þ.e. háspennulögn og vatnslögn.
Norðurorka ítrekar að ef gera þarf breytingar á ofangreindum lögnum verða þær færðar á kostnað þess sem þeirra óskar.
2) Umhverfisstofnun, dags. 18. október 2013. Umhverfisstofnun gerir ekki athugasemd við tillöguna.

Tvær athugasemdir bárust frá:
1) Framkvæmdadeild Akureyrarbæjar dags. 26. september 2013 sem gerir athugasemdir vegna rotþróar og fráveitu. Einnig þarf að athuga hljóðvist vegna fyrirhugaðrar tengibrautar.
2) Úrbótamönnum ehf, dags. 16. október 2013, en þeir telja að möguleiki þurfi að vera til að stækka grunnflöt húsanna í 110m2 vegna aukinnar eftirspurnar eftir stærri orlofshúsum.
Svör við umsögnum:
1) Tekið skal fram að rafmagnslagnir eru utan skipulags frístundasvæðisins. Ef til þess kemur að færa þarf vatnslagnir vegna nýs vegstæðis eða annarra lagna NO skal sá kostnaður greiðast af lóðarhafa.
2) Gefur ekki tilefni til svars.
Svör við athugasemdum:
1) Staðsetning núverandi rotþróar er neðan við svæðið og verður hún stækkuð ef þörf krefur. Í framtíðinni er gert ráð fyrir að frístundasvæðið verði tengt við fráveitukerfi Akureyrar. Ekki er ljóst hvenær fyrirhuguð tengibraut verður lögð neðan frístundasvæðisins og því ekki ástæða til að gera ráð fyrir hljóðvörnum vegna þessa að svo stöddu.
2) Skipulagsnefnd leggur til að heimild verði gefin fyrir stækkun frístundahúsanna í allt að 110m2 að grunnfleti.

Skipulagsnefnd leggur til við bæjarstjórn að deiliskipulagstillagan þannig breytt verði samþykkt og skipulagsstjóra falið að annast gildistöku hennar.

3. liður í fundargerð skipulagsnefndar dags. 30. október 2013:
Skipulagsstjóri lagði fram tillögu að deiliskipulagsbreytingu á Akstursíþrótta- og skotsvæði á Glerárdal, unna af Teiknum á lofti ehf og dags. 25. október 2013.
Með bréfi dags. 7. ágúst 2013 samþykkti Skipulagsstofnun að aðalskipulagstillagan vegna akstursíþrótta- og skotsvæðis yrði auglýst þar sem búið var að gera viðeigandi lagfæringar á aðalskipulagsuppdrætti vegna athugasemda Skipulagsstofnunar sem fram komu í bréfi dags. 12. júní 2013. Nú hafa einnig verið færðar viðeigandi skýringar inn í greinargerð sem fram komu í athugasemd í 3. lið sama bréfs.
Skipulagsnefnd leggur til við bæjarstjórn að tillagan verði auglýst skv. 1. mgr. 41. gr. skipulagslaga nr. 123/2010.

Eiríkur Björn Björgvinsson bæjarstjóri fór yfir helstu atriði í störfum sínum frá síðasta bæjarstjórnarfundi.