Bæjarstjórn

Lögð fram tillaga Jönu Salóme Ingibjargar Jósepsdóttur V-lista um breytingu á skipan fulltrúa í umhverfis- og mannvirkjaráði. Ólafur Kjartansson verði áheyrnarfulltrúi í stað Jönu Salóme Ingibjargar Jósepsdóttur.

Lögð fram tillaga Jönu Salóme Ingibjargar Jósepsdóttur V-lista um breytingu á skipan fulltrúa í umhverfis- og mannvirkjaráði. Hermann Ingi Arason verði varaáheyrnarfulltrúi í stað Ólafs Kjartanssonar.

Liður 5 í fundargerð bæjarráðs dagsettri 8. febrúar 2024:

Lagður fram viðauki 1.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hagþjónustu og áætlanagerðar sátu fund bæjarráðs undir þessum lið.

Bæjarráð samþykkir viðauka 1 að fjárhæð 319,6 m.kr. og vísar honum til staðfestingar í bæjarstjórn. Viðaukinn er annars vegar til kominn vegna kjarasamninga og ákvæða um breytingar á launakjörum sem tóku gildi undir lok árs 2023 en lágu ekki fyrir við gerð fjárhagsáætlunar þessa árs og hins vegar vegna uppkaupa eigna vegna skipulagsmála.

Heimir Örn Árnason kynnti.

Liður 1 í fundargerð umhverfis- og mannvirkjaráðs dagsettri 6. febrúar 2024:

Lögð fram til samþykktar Brunavarnaáætlun Slökkviliðs Akureyrar 2023-2027.

Gunnar Rúnar Ólafsson slökkviliðsstjóri Slökkviliðs Akureyrar og Maron Pétursson aðstoðarslökkviliðsstjóri sátu fundinn undir þessum lið.

Umhverfis- og mannvirkjaráð samþykkir fyrir sitt leyti Brunavarnaáætlun Slökkviliðs Akureyrar 2023-2027 og vísar henni til bæjarstjórnar.

Andri Teitsson kynnti.

Til máls tók Hilda Jana Gísladóttir.

Liður 3 í fundargerð skipulagsráðs dagsettri 10. janúar 2024:

Auglýsingu tillögu að endurskoðun deiliskipulags Akureyrarflugvallar lauk þann 20. nóvember sl. Ein athugasemd barst við auglýsta tillögu ásamt umsögnum frá Minjastofnun og Landsneti. Umsagnir frá Norðurorku, Slökkviliði Akureyrarbæjar, óshólmanefnd, Heilbrigðiseftirliti Norðurlands eystra og Vegagerðinni höfðu borist á fyrri stigum málsins.

Afgreiðslu málsins var frestað á 413. fundi skipulagsráðs sem óskaði eftir svari umsækjanda við innkomnum athugasemdum og umsögnum og hafa þau svör nú verið móttekin.

Skipulagsráð telur svör skipulagshönnuðar fullnægjandi og leggur til við bæjarstjórn að hún samþykki framlagða tillögu að deiliskipulagi þegar uppfærð gögn liggja fyrir.

16. febrúar 2024 barst tölvupóstur frá Hólmgeiri Þorsteinssyni hjá Isavia þar sem óskað er eftir að tillaga að endurskoðun deiliskipulags fyrir Akureyrarflugvöll verði samþykkt með einni viðbótarbreytingu frá því að málið var afgreitt í skipulagsráði. Felur sú breyting í sér að lóð syðst á deiliskipulagssvæðinu verði felld út þar sem jarðvegsdýpi er mikið og því ekki vel til þess fallin að á henni verði byggt. Fyrir fundi bæjarstjórnar liggja uppfærð deiliskipulagsgögn og er fjallað um þessa breytingu í kafla 7.2 í greinargerð deiliskipulagsins ásamt öðrum breytingum sem gerðar hafa verið á gögnum eftir auglýsingu.

Hulda Elma Eysteinsdóttir kynnti.

Til máls tóku Jana Salóme Ingibjargar Jósepsdóttir, Jón Hjaltason og Halla Björk Reynisdóttir.

Jana Salóme Ingibjargar Jósepsdóttir lagði fram tillögu um að kafli um Brunná, núna merktur 4.8, haldist óbreyttur frá fyrra deiliskipulagi.

Liður 16 í fundargerð skipulagsráðs dagsettri 31. janúar 2024:

Lögð fram að lokinni auglýsingu, tillaga að breytingu á deiliskipulagi miðbæjar Akureyrar sem nær til hafnarsvæðis við Torfunef. Breytingartillagan var auglýst 28. júní 2023 með athugasemdafresti til 16. ágúst. Ein athugasemd barst auk umsagna frá Vegagerðinni, Minjastofnun og Norðurorku. Er tillagan lögð fram með nokkrum breytingum, eftir auglýsingu, sem tilgreindar eru í greinargerð.

Skipulagsráð leggur til við bæjarstjórn að deiliskipulagstillagan verði samþykkt með tilgreindum breytingum. Er skipulagsfulltrúa falið að leggja fram tillögu að umsögn við innkomnar athugasemdir sem lögð verður fram í bæjarstjórn.

Andri Teitsson kynnti.

Liður 3 í fundargerð skipulagsráðs dagsettri 14. febrúar 2024:

Lögð fram tillaga að lýsingu aðalskipulagsbreytingar skv. 30 gr. skipulagslaga nr. 123/2010 vegna Blöndulínu 3, til samræmis við bókun skipulagsráðs frá 31. janúar 2024.

Skipulagsráð gerir ekki athugasemd við lýsinguna og vísar afgreiðslu málsins til bæjarstjórnar.

Halla Björk Reynisdóttir kynnti. Til máls tók Hilda Jana Gísladóttir og svo Halla Björk öðru sinni sem lagði fram tillögu að bókun bæjarstjórnar um málið.

Liður 5 í fundargerð skipulagsráðs dagsettri 14. febrúar 2024:

Lögð fram að lokinni auglýsingu tillaga að breytingu á deiliskipulagi suðurhluta Oddeyrar sem nær til lóða við Norðurgötu 3-7. Tillagan var auglýst 8. nóvember 2023 með athugasemdafresti til 27. desember og bárust tvær athugasemdir auk umsagnar frá Minjastofnun Íslands. Er tillagan lögð fram með eftirfarandi breytingum m.a. til að koma til móts við hluta innkominna athugasemda.

- Útfærsla bílastæða innan lóðar breytist

- Stærð og staðsetning geymslu innan lóðar breytist

- Lóð færist um 40 cm fjær lóðarmörkum við Gránufélagsgötu 12 að hluta

- Byggingarreitur breytist lítillega

- Gert er ráð fyrir djúpgámum fyrir sorp innan lóðar.

Skipulagsráð leggur til við bæjarstjórn að fyrirliggjandi breyting á deiliskipulagi sem nær til lóða við Norðurgötu 3-7 verði samþykkt með breytingum eftir kynningu sem gerðar eru til að koma til móts við innsendar athugasemdir. Er skipulagsfulltrúa falið að útbúa drög að umsögn um innkomnar athugasemdir sem lögð verða fyrir bæjarstjórn.

Hulda Elma Eysteinsdóttir kynnti.

Liður 6 í fundargerð skipulagsráðs dagsettri 14. febrúar 2024:

Kynning á tillögu á vinnslustigi að breytingu á deiliskipulagi við Austurveg, Eyjabyggð og Búðartanga í Hrísey vegna áforma um að breyta 4 lóðum við Austurveg 15-21 lauk þann 1. febrúar sl.

Umsagnir bárust frá Norðurorku, Rarik, Minjastofnun Íslands og hverfisráði Hríseyjar. Engar athugasemdir bárust á kynningartímanum.

Skipulagsráð leggur til við bæjarstjórn að hún samþykki framlagða tillögu að deiliskipulagi og að hún verði auglýst skv. 41. gr. skipulagslaga nr. 123/2010.

Halla Björk Reynisdóttir kynnti.

Liður 10 í fundargerð skipulagsráðs dagsettri 14. febrúar 2024:

Kynning á tillögu á vinnslustigi að breytingu á deiliskipulagi hafnarsvæðis í Krossanesi vegna áforma um að búa til nýja lóð fyrir síló og hafnarvog lauk þann 1. febrúar sl.

Umsagnir bárust frá Norðurorku, Hafnasamlagi Norðurlands og Minjastofnun Íslands. Engar athugasemdir bárust á kynningartímanum.

Skipulagsráð leggur til við bæjarstjórn að hún samþykki framlagða tillögu að deiliskipulagi og að hún verði auglýst skv. 41. gr. skipulagslaga nr. 123/2010. Er gert ráð fyrir að í kynningargögnum verði útlitsmynd í þrívídd sem sýnir stærð og afstöðu fyrirhugaðra mannvirkja.

Halla Björk Reynisdóttir kynnti.

Liður 4 í fundargerð bæjarráðs dagsettri 8. febrúar 2024:

Liður 3 í fundargerð bæjarráðs dagsettri 1. febrúar 2024:

Lögð fram að nýju aðgerðaáætlun Akureyrarbæjar í umhverfis- og loftslagsmálum til ársins 2026. Bæjarráð tók málið fyrir á fundi sínum 23. nóvember sl. og fól þá fulltrúum meiri- og minnihluta í bæjarráði ásamt sviðsstjóra umhverfis- og mannvirkjasviðs og forstöðumanni umhverfis- og sorpmála að forgangsraða og kostnaðarmeta aðgerðirnar.

Dan Jens Brynjarsson sviðsstjóri fjársýslusviðs, Guðríður Friðriksdóttir sviðsstjóri umhverfis- og mannvirkjasviðs og Rut Jónsdóttir forstöðumaður umhverfis- og sorpmála sátu fund bæjarráðs undir þessum lið.

Bæjarráð frestar afgreiðslu til næsta fundar og felur forstöðumanni umhverfis- og sorpmála að vinna málið áfram í samræmi við umræður á fundinum.

Dan Jens Brynjarsson sviðsstjóri fjársýslusviðs og Rut Jónsdóttir forstöðumaður umhverfis- og sorpmála sátu fund bæjarráðs undir þessum lið.

Bæjarráð samþykkir með fjórum atkvæðum framlagða aðgerðaáætlun í umhverfis- og loftslagsmálum með þeim breytingum sem gerðar voru á fundinum og vísar henni til umræðu og afgreiðslu í bæjarstjórn.

Hilda Jana Gísladóttir S-lista situr hjá.

Hilda Jana Gísladóttir S-lista og Jana Salóme Ingibjargar Jósepsdóttir V-lista óska bókað:

Að mjög mörgu leyti er aðgerðaáætlun umhverfis- og loftslagsstefnu mjög góð og þar er að finna margar mikilvægar aðgerðir. Hins vegar er miður að ekki sé vilji til þess að skoða neina útfærslu á samgöngusamningum eða styrkjum. Samgöngusamningar eru eitt besta tækið sem vinnuveitendur hafa til að hvetja starfsmenn til vistvænna samgangna. Vistvænar samgöngur geta dregið úr losun gróðurhúsalofttegunda og svifryksmengun, auk þess að auka ánægju, afköst og heilbrigði. Ýmis fyrirtæki og sveitarfélög bjóða starfsmönnum sínum upp á samgöngustyrki eða samninga og ætti Akureyrarbær að gera slíkt hið sama.

Hulda Elma Eysteinsdóttir kynnti.

Til máls tók Hilda Jana Gísladóttir og Jón Hjaltason.

Ásthildur Sturludóttir bæjarstjóri fór yfir helstu atriði í störfum sínum frá síðasta fundi bæjarstjórnar.