Bæjarráð

3444. fundur 15. janúar 2015 kl. 09:00 - 12:59 Bæjarstjórnarsalur á 4. hæð í Ráðhúsi
Nefndarmenn
  • Guðmundur Baldvin Guðmundsson formaður
  • Logi Már Einarsson
  • Matthías Rögnvaldsson
  • Gunnar Gíslason
  • Sóley Björk Stefánsdóttir
  • Margrét Kristín Helgadóttir áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Heiða Karlsdóttir fundarritari
Dagskrá

1.Öldrunarheimili Akureyrarbæjar - rekstur

2015010160

Halldór Sigurður Guðmundsson framkvæmdastjóri Öldrunarheimila Akureyrarbæjar og Sigríður Huld Jónsdóttir formaður félagsmálaráðs mættu á fund bæjarráðs undir þessum lið og fóru yfir stöðu rekstrar.
Einnig sátu Dan Jens Brynjarsson fjármálastjóri og Karl Guðmundsson verkefnastjóri fund bæjarráðs undir þessum lið.

2.Heilsugæslustöðin á Akureyri - yfirfærsla

2014020032

Karl Guðmundsson verkefnastjóri mætti á fund bæjarráðs undir þessum lið og kynnti stöðu mála varðandi yfirfærslu stöðvarinnar frá Akureyrarbæ til ríkisins.
Einnig sat Dan Jens Brynjarsson fjármálastjóri fund bæjarráðs undir þessum lið.

3.Bæjarsjóður - yfirlit um rekstur 2014

2014050012

Lagt fram til kynningar yfirlit um rekstur aðalsjóðs frá janúar til nóvember 2014.
Dan Jens Brynjarsson fjármálastjóri sat fund bæjarráðs undir þessum lið.

4.Fasteignagjöld 2015 - reglur um afslátt

2014110191

Lögð fram tillaga að reglum um afslátt elli- og örorkulífeyrisþega af fasteignaskatti 2015.
Dan Jens Brynjarsson fjármálastjóri sat fund bæjarráðs undir þessum lið.
Bæjarráð samþykkir tillöguna og vísar henni til afgreiðslu bæjarstjórnar.

5.Kjaramál

2015010122

Halla Margrét Tryggvadóttir starfsmannastjóri mætti á fund bæjarráðs og fór yfir stöðu kjaramála.

6.Greið leið ehf - hlutafjáraukning

2012090013

Erindi dagsett 13. janúar 2015 frá Pétri Þór Jónassyni formanni stjórnar Greiðrar leiðar ehf. Í erindinu er óskað eftir að hluthafar nýti sér áskrift að því hlutafé sem óselt var um áramót.
Bæjarráð samþykkir að nýta sér forkaupsrétt Akureyrarbæjar á óseldu hlutafé í samræmi við eignarhlut í félaginu að upphæð kr. 8.336.202.

7.Vísindaskóli fyrir unga fólkið

2015010142

Lagður fram tölvupóstur dagsettur 13. janúar 2015 frá Sigrúnu Stefánsdóttur forseta Hug- og félagsvísindasviðs HA þar sem hún óskar eftir styrk að upphæð kr. 500.000 til stuðnings við verkefnið: Vísindaskóli fyrir unga fólkið.
Bæjarráð samþykkir styrk að upphæð kr. 500.000. Færist af styrkveitingum bæjarráðs.

Fundi slitið - kl. 12:59.