Bæjarráð

3275. fundur 09. júní 2011 kl. 09:00 - 11:50 Bæjarstjórnarsalur á 4. hæð í Ráðhúsi
Nefndarmenn
  • Oddur Helgi Halldórsson formaður
  • Geir Kristinn Aðalsteinsson
  • Hlín Bolladóttir
  • Logi Már Einarsson
  • Njáll Trausti Friðbertsson
  • Andrea Sigrún Hjálmsdóttir áheyrnarfulltrúi
  • Anna Hildur Guðmundsdóttir áheyrnarfulltrúi
  • Dan Jens Brynjarsson fjármálastjóri
  • Jón Bragi Gunnarsson hagsýslustjóri
  • Heiða Karlsdóttir fundarritari
Fundargerð ritaði: Dagný Magnea Harðardóttir skrifstofustjóri Ráðhúss
Dagskrá
Aðal- og varaáheyrnarfulltrúar B-lista boðuðu forföll á fundinn.

1.Rekstur - staða mála - embættismenn

Málsnúmer 2011050032Vakta málsnúmer

Katrín Björg Ríkarðsdóttir framkvæmdastjóri samfélags- og mannréttindadeildar mætti á fund bæjarráðs og fór yfir rekstrarstöðu sinnar deildar eftir fyrstu mánuði ársins.

Bæjarráð þakkar Katrínu Björgu fyrir yfirferðina.

2.Viðtalstímar bæjarfulltrúa - fundargerðir 2011

Málsnúmer 2011010122Vakta málsnúmer

Lögð fram fundargerð viðtalstíma bæjarfulltrúa dags. 26. maí 2011. Fundargerðin er í 12 liðum.

Bæjarráð vísar 1., 2., 3. a), 10. og 12.  lið til skipulagsdeildar, 3. b) og 4. lið til Akureyrarstofu, 5., 9., og 11. lið til framkvæmdadeildar.

6. liður: Bæjarráð felur bæjarlögmanni að ræða við málsaðila.

7. liður gefur ekki tilefni til ályktunar.

8. liður færður í trúnaðarbók viðtalstíma bæjarfulltrúa.

3.Almannaheillanefnd

Málsnúmer 2008100088Vakta málsnúmer

Lögð fram til kynningar fundargerð almannaheillanefndar dags. 20. maí 2011.

4.Félagsmiðstöðvar - stefnumótun

Málsnúmer 2011020029Vakta málsnúmer

2. liður í fundargerð samfélags- og mannréttindaráðs dags. 18. maí 2011:
Samfélags- og mannréttindaráð samþykkti á fundi sínum 16. febrúar sl. að fela vinnuhópi skipuðum fulltrúum úr samfélags- og mannréttindaráði og frá samfélags- og mannréttindadeild að móta framtíðarsýn fyrir félagsmiðstöðvar unglinga. Tillögur vinnuhópsins voru lagðar fyrir ráðið.
Fulltrúar í vinnuhópnum þau Alfa Aradóttir forstöðumaður forvarna- og æskulýðsmála, Gunnlaugur V. Guðmundsson og Linda Björk Pálsdóttir umsjónarmenn félagsmiðstöðva sátu fundinn undir þessum lið.
Samfélags- og mannréttindaráð samþykkir framlagða tillögu og vísar óskum um aukið fjármagn til bæjarráðs. Ráðið leggur áherslu á að málinu verði veitt brautargengi þar sem starfsemi félagsmiðstöðva er orðin mun faglegri en áður og hefur allar forsendur
forvarna í víðum skilningi. Ráðið sér eflingu félagsmiðstöðva sem leið til að bregðast við þeim vísbendingum um að í þeim sveitarfélögum þar sem skorið hefur verið niður í starfsemi félagsmiðstöðva hafi neysla vímuefna aukist til muna. Samfélags- og mannréttindaráð lítur því á þetta sem nauðsynlegt tækifæri til inngrips.

Alfa Aradóttir forstöðumaður æskulýðsmála, Gunnlaugur V. Guðmundsson og Linda Björk Pálsdóttir umsjónarmenn félagsmiðstöðva sátu fund bæjarráðs sem gestir undir þessum lið.
Einnig sat Katrín Björg Ríkarðsdóttir framkvæmdastjóri samfélags- og mannréttindadeildar fundinn undir þessum lið.

Bæjarráð þakkar Ölfu, Gunnlaugi, Lindu Björk og Katrínu Björgu komuna á fundinn.

Bæjarráð frestar afgreiðslu.

5.Strætisvagnar Akureyrar - leiðavísir

Málsnúmer 2011030112Vakta málsnúmer

1. liður í fundargerð framkvæmdaráðs dags. 20. maí 2011:
Stefán Baldursson forstöðumaður SVA mætti á fundinn undir þessum lið og gerði grein fyrir kostnaði vegna breytinga á núverandi skiltum leiðakerfis til samræmis við nýjar og áður kynntar hugmyndir.
Framkvæmdaráð samþykkir uppsetningu á nýjum skiltum fyrir leiðakerfi. Kostnaðarauka að upphæð rúmlega kr. 1.700.000 vísað til bæjarráðs.
Sigfús Arnar Karlsson B-lista óskaði bókað að hann samþykki tillöguna, en hann sé ekki hrifinn af sífelldum breytingum á fjárhagsáætlun.

Bæjarráð samþykkir fjárveitingu að upphæð kr. 1.700.000 og vísar kostnaði til endurskoðunar fjárhagsáætlunar.

6.Stangaveiðifélag Akureyrar - ósk um viðræður vegna Glerár

Málsnúmer 2011050093Vakta málsnúmer

5. liður í fundargerð umhverfisnefndar dags. 24. maí 2011:
Tekið fyrir erindi dags. 10. maí 2011 frá Stangaveiðifélagi Akureyrar þar sem óskað er eftir viðræðum við Akureyrarbæ um að SVAK fari með umsýslu og ábyrgð á Glerá.
Umhverfisnefnd tekur vel í erindið og vísar því til bæjarráðs.

Bæjarráð felur bæjarstjóra að ræða við bréfritara.

7.Minjasafnið á Akureyri - aðalfundur 2011

Málsnúmer 2011050151Vakta málsnúmer

Erindi dags. 24. maí 2011 frá Haraldi Þór Egilssyni safnstjóra f.h. stjórnar Minjasafnsins á Akureyri þar sem boðað er til aðalfundar miðvikudaginn 8. júní 2011 kl. 15:00 í sal Zontaklúbbsins á Akureyri að Aðalstræti 54.
Þórgnýr Dýrfjörð var tilnefndur sem fulltrúi Akureyrarbæjar á aðalfundinum.

Bæjarráð staðfestir tilnefninguna.

8.Afgreiðslur fjármálastjóra

Málsnúmer 2011060008Vakta málsnúmer

Lagt fram til kynningar minnisblað dags. 6. júní 2011 um afgreiðslur fjármálastjóra í umboði bæjarstjórnar á árinu 2010.

9.Bæjarsjóður Akureyrar - yfirlit um rekstur 2011

Málsnúmer 2011050045Vakta málsnúmer

Lagt fram til kynningar yfirlit um rekstur aðalsjóðs frá janúar til apríl 2011.

10.Önnur mál

Málsnúmer 2011010003Vakta málsnúmer


a) Anna Hildur Guðmundsdóttir A-lista spurðist fyrir um sparkvelli og hvort reglur væru til um notkun þeirra.

b) Andrea Sigrún Hjálmsdóttir V-lista lagði fram eftirfarandi bókun:
Vinstri hreyfingin grænt framboð harmar það ónæði sem íbúar Akureyrar hafa haft af lágflugi herþota yfir bæinn undanfarna daga. Við skorum á bæjaryfirvöld á Akureyri að mótmæla því að flugvöllurinn í bæjarlandinu sé notaður fyrir hernaðarbrölt og minnum á að markmið æfinganna er að þjálfa flugmenn til hernaðaríhlutunnar og drápa. Ákveðið var þann 2. desember 2010 að bæjarstjórinn á Akureyri gerðist meðlimur í samtökunum Mayors for Peace. Reykjavíkurborg hefur nú þegar skorað á utanríkisráðuneytið og flugmálayfirvöld að beita sér fyrir því að umferð herflugvéla um Reykjavíkurflugvöll verði stöðvuð nema í þeim tilvikum þegar flugvöllurinn þjónar hlutverki varaflugvallar. Vinstri hreyfingin grænt framboð skorar á bæjaryfirvöld á Akureyri að fara að fordæmi Reykjavíkurborgar og undirstrika þar með vilja sinn til að vinna að friði í heiminum.

 

Fundi slitið - kl. 11:50.