Bæjarráð

3401. fundur 13. febrúar 2014 kl. 09:00 - 11:45 Bæjarstjórnarsalur á 4. hæð í Ráðhúsi
Nefndarmenn
  • Halla Björk Reynisdóttir formaður
  • Geir Kristinn Aðalsteinsson
  • Oddur Helgi Halldórsson
  • Logi Már Einarsson
  • Sigurður Guðmundsson
  • Andrea Sigrún Hjálmsdóttir áheyrnarfulltrúi
  • Guðmundur Baldvin Guðmundsson áheyrnarfulltrúi
  • Ólafur Jónsson áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Dan Jens Brynjarsson fjármálastjóri
  • Jón Bragi Gunnarsson hagsýslustjóri
  • Heiða Karlsdóttir fundarritari
Dagskrá

1.Samvinnufélög/húsnæðissamvinnufélög - Búseti á Norðurlandi

Málsnúmer 2014010356Vakta málsnúmer

Tekið fyrir að nýju erindi dags. 28. janúar 2014 frá framkvæmdastjóra Búseta á Norðurlandi þar sem óskað er eftir fundi með fulltrúum Akureyrarbæjar til að ræða húsnæðismál.
Benedikt Sigurðarson framkvæmdastjóri og Guðlaug Kristinsdóttir stjórnarformaður Búseta á Norðurlandi mættu á fundinn undir þessum lið.

Bæjarráð þakkar Benedikt og Guðlaugu fyrir komuna á fundinn.

2.Bæjarstjórn Akureyrar og borgarstjórn Reykjavíkur - samstarfsvettvangur

Málsnúmer 2013020193Vakta málsnúmer

Lögð fram til kynningar fundargerð frá sameiginlegum fundi borgarstjórnar Reykjavíkur og bæjarstjórnar Akureyrar dags. 7. febrúar 2014, þar sem eftirfarandi tillaga var samþykkt samhljóða:
Sameiginlegur fundur borgarstjórnar Reykjavíkurborgar og bæjarstjórnar Akureyrarkaupstaðar samþykkir að hefja undirbúning að samstarfi í velferðarmálum milli Grafarvogs og Akureyrar. Markmið samstarfsins er að Miðgarður, þjónustumiðstöð Reykjavíkurborgar í Grafarvogi, geti nýtt sér jákvæða reynslu Akureyrar, sem allt frá árinu 1997 hefur þróað samþætta velferðarþjónustu í nærsamfélagi fyrir alla bæjarbúa. Ennfremur að Akureyrarbær njóti góðs af frumkvöðlaverkefnum Miðgarðs, s.s. í forvarnamálum og sérfræðiþjónustu við börn og barnafjölskyldur.
Lagt er til að tillögunni verði vísað til framkvæmdastjóra fjölskyldudeildar, búsetudeildar og öldrunarheimila Akureyrar og framkvæmdastjóra Miðgarðs, þjónustumiðstöðvar Grafarvogs.
Greinargerð fylgir tillögunni.

3.Hverfisnefnd Holta- og Hlíðahverfis - fundargerðir 2014

Málsnúmer 2014010038Vakta málsnúmer

Lögð fram fundargerð 71. fundar hverfisnefndar Holta- og Hlíðahverfis dags. 29. janúar 2014.
Fundargerðina má finna á netslóðinni:
http://www.akureyri.is/is/stjornkerfid/hverfisnefndir/holta-og-hlidahverfi/fundargerdir-2014-2015

Bæjarráð vísar 4. lið til framkvæmdadeildar.

1., 2. og 3. liður eru lagðir fram til kynningar í bæjarráði.

4.Deiglan - sala eignar

Málsnúmer 2014020070Vakta málsnúmer

Rætt um mögulega sölu á Deiglunni.

Logi Már Einarsson S-lista lagði fram tillögu svohljóðandi:

Bæjarráð samþykkir að fresta sölu á Deiglunni og gestavinnustofu í Listagilinu.

Sjónlistamiðstöðin stendur á tímamótum. Unnið er að innkaupastefnu hennar auk þess sem fyrir dyrum stendur að stofna safnráð. Þá mun nýr forstöðumaður verða ráðinn á næstunni sem mun móta framtíðarsýn stofnunarinnar til næstu ára.

Því er talið skynsamlegt að hægja ögn á fyrirhuguðum framkvæmdum við stækkun Listasafnsins en sinna aðeins brýnustu viðgerðum. Sú fjárhæð sem sparast við það verði notuð til þess að tryggja rekstur Deiglunnar næstu þrjú ár. Myndlistarfélagi Akureyrar verði falið samkvæmt samningi að reka hana og freista þess að blása lífi í glæður hússins.

Bæjarráð vísar tillögunni til umfjöllunar í stjórn Akureyrarstofu.

5.Heilsugæslustöðin á Akureyri - samningar við ríkið

Málsnúmer 2014020032Vakta málsnúmer

5. liður í fundargerð félagsmálaráðs dags. 12. febrúar 2014:
Karl Guðmundsson framkvæmdastjóri HAK kynnti hugmynd frá Sjúkratryggingastofnun um framlag til HAK til viðbótar fjárlögum 2014.
Félagsmálaráð telur þessa viðbótarfjárhæð alls ekki fullnægjandi miðað við núverandi hallarekstur og þann launamun sem starfsmenn HAK búa við nú þegar. Félagsmálaráð fer fram á það við Velferðarráðuneytið að hallarekstur HAK undanfarin ár verði gerður upp.

Bæjarráð felur bæjarstjóra og framkvæmdastjóra HAK að eiga fund með heilbrigðisráðherra og fulltrúum velferðarráðuneytisins.

Geir Kristinn Aðalsteinsson L-lista vék af fundi kl. 10:57.

6.Fræðslustjóri

Málsnúmer 2014020088Vakta málsnúmer

Umræða um störf og stöðu fræðslustjóra.

Fundi slitið - kl. 11:45.