Bæjarráð

Dan Jens Brynjarsson fjármálastjóri, Dagný Magnea Harðardóttir skrifstofustjóri Ráðhúss og Jón Bragi Gunnarsson hagsýslustjóri fóru yfir fjárhagsáætlun stoðþjónustudeilda fyrir árið 2013.
Lagt fram til kynningar.

Lagðar fram til kynningar fundargerð 42. fundar hverfisnefndar Naustahverfis dags. 11. september 2012 og fundargerð 62. fundar hverfisráðs Hríseyjar dags. 12. september 2012.

Lögð fram til kynningar fundargerð 232. fundar stjórnar Eyþings dags. 11. september 2012.

3. liður í fundargerð stjórnar Akureyrarstofu dags. 20. september 2012:
Farið yfir tillögur um ráðstöfun á rekstrarafgangi Menningarfélagsins Hofs sem kynntur var á síðasta fundi stjórnar.
Stjórn Akureyrarstofu gerir það að tillögu sinni til bæjarráðs að fjármununum verið varið til að auka svigrúm Menningarsjóðs Akureyrar.

Lagt fram erindi dags. 2. október 2012 frá formanni kjörstjórnar Akureyrar vegna komandi þjóðaratkvæðagreiðslu þann 20. október nk. Þar kemur fram tillaga kjörstjórnar um að Akureyrarkaupstað verði skipt í tólf kjördeildir, tíu á Akureyri, ein í Hrísey og ein í Grímsey. Gerð er tillaga um að á Akureyri verði kjörstaður í Verkmenntaskólanum á Akureyri, í Hrísey verði kjörstaður í Hríseyjarskóla og að í Grímsey verði kjörstaður í félagsheimilinu Múla. Lagt er til að tveir kjörklefar verði í hverri kjördeild á Akureyri, í Hrísey og í Grímsey. Þá hefur kjörstjórn ennfremur ákveðið að leggja til við bæjarráð að kjörfundur standi frá klukkan 09:00 til 22:00 á Akureyri, Hrísey og í Grímsey. Óskar kjörstjórn eftir því við bæjarráð að ofangreindar tillögur verði samþykktar.

3. liður í fundargerð íþróttaráðs dags. 4. október 2012:
Drög að uppbyggingar- og framkvæmdasamningi við KA lagður fyrir íþróttaráð.
Íþróttaráð samþykkir samninginn og vísar honum áfram til bæjarráðs.
Íþróttaráð skipar Þorvald Sigurðsson sem fulltrúa íþróttaráðs í vinnuhóp Fasteigna Akureyrarbæjar vegna fyrirhugaðra framkvæmda.