Bæjarráð

Katrín Björg Ríkarðsdóttir framkvæmdastjóri samfélags- og mannréttindadeildar fór yfir rekstrarstöðu íþróttamála og Þórgnýr Dýrfjörð framkvæmdastjóri Akureyrarstofu fór yfir rekstrarstöðu atvinnumála.

Trúnaðarmál fært í trúnaðarmálabók.
Inga Þöll Þórgnýsdóttir bæjarlögmaður og Þórgnýr Dýrfjörð framkvæmdastjóri Akureyrarstofu sátu fundinn undir þessum lið.

Lögð fram fundargerð viðtalstíma bæjarfulltrúa dags. 16. febrúar 2012. Fundargerðin er í 3 liðum.

Erindi dags. 6. febrúar 2012 frá Heilbrigðiseftirliti Norðurlands eystra þar sem óskað er eftir viðbrögðum Akureyrarbæjar við 3. lið í fundargerð Heilbrigðisnefndar Norðurlandssvæðis eystra dags. 7. september 2011 svohljóðandi:
Kvartanir hafa borist frá íbúum í miðbæ Akureyrarbæjar vegna hávaða um kvöld og nætur frá veitinga- og skemmtistöðum á svæðinu (röskun á nætursvefni). Vandinn virðist að verulegu leyti vera til kominn vegna háreysti frá fólki sem er á leið á milli staða á svæðinu og einnig vegna dvalar fólks utandyra á reykingasvæðum veitinga- og skemmtistaða. Heilbrigðisnefnd mælist til þess við Akureyrarbæ að komið verði til móts við sjónarmið íbúa með því að stytta afgreiðslutíma veitinga- og skemmtistaða í miðbæ Akureyrar og með því að efla löggæslu í miðbæ Akureyrarbæjar.

Erindi dags. 24. febrúar 2012 frá framkvæmdastjóra Skelfélagsins ehf þar sem fram kemur að stjórn Skelfélagsins hafi ákveðið að bjóða núverandi hluthöfum að kaupa nýtt hlutafé í hlutfalli við núverandi eign sína. Hlutur Akureyrarbæjar í Skelfélaginu er 2,37% og er hlutur bæjarins í þessu útboði því kr. 236.686.

Formaður bæjarráðs upplýsti um fund með fulltrúum sveitarfélaga á Norðausturlandi varðandi hugsanlega uppbyggingu á Grímsstöðum á Fjöllum.