Bæjarráð

Lögð fram eftirfarandi ályktun hverfisráðs Hríseyjar dags. 20. desember sl.:
Heilsugæslustöð Dalvíkur hefur boðað að frá og með 1. febrúar 2011 muni læknisþjónusta í Hrísey flytjast til Heilsugæslustöðvarinnar á Dalvík.
Hverfisráð Hríseyjar mótmælir fyrirhugaðri þjónustuskerðingu á þjónustu Heilsugæslustöðvar Dalvíkur við íbúa Hríseyjar.
Læknir hefur haft viðveru í Hrísey einu sinni í viku í eina klukkustund í senn.
Meðalaldur íbúa hefur farið hækkandi undanfarin ár og ljóst að margir eiga erfitt um vik að sækja læknisþjónustu til Dalvíkur.
Þá sætir furðu að ekkert samráð skyldi haft við bæjaryfirvöld á Akureyri né hverfisráð Hríseyjar um skerðingu á þjónustunni heldur var breytingin tilkynnt með dreifibréfi undirrituðu af framkvæmdastjórn Heilsugæslustöðvarinnar.
Hverfisráðið skorar á framkvæmdastjórn að endurskoða þessa ákvörðun og koma til viðræðna við bæjaryfirvöld á Akureyri og hverfisráð um framkvæmd þjónustunnar þannig að viðunandi lausn fáist.

Margrét Guðjónsdóttir framkvæmdastjóri Heilsugæslustöðvarinnar á Akureyri sat fund bæjarráðs undir þessum lið.

Lagður fram til kynningar ársreikningur Leikfélags Akureyrar fyrir starfsárið 2009-2010.

Lögð fram til kynningar fundargerð almannaheillanefndar dags. 17. desember 2010.

Erindi ódags. frá Jónu Lovísu Jónsdóttur f.h. stjórnar Æskulýðssambands Þjóðkirkjunnar þar sem vísað er í áður send erindi dags. 19. mars 2010 og 16. ágúst 2010 þar sem óskað er eftir stuðningi bæjaryfirvalda við landsmót æskulýðsfélaga kirkjunnar sem haldið var á Akureyri 15.- 17. október sl.

Lagt fram til kynningar bréf dags. 22. desember 2010 frá sjávarútvegs- og landbúnaðarráðuneytinu þar sem tilkynnt er um úthlutaðan byggðakvóta fiskveiðiársins 2010/2011, 102 þorskígildistonn vegna Hríseyjar og 15 þorskígildistonn vegna Grímseyjar.
Í bréfinu er einnig vakin athygli á því að vilji sveitarstjórn leggja til við ráðuneytið að sett verði sérstök skilyrði varðandi úthlutun byggðakvóta sveitarfélagsins eða einstakra byggðalaga skal hún skila rökstuddum tillögum sínum til ráðuneytisins eigi síðar en 18. janúar nk.

3. liður í fundargerð skólanefndar dags. 20. desember 2010:
Erindi dags. 6. desember 2010 frá skólaráði Lundarskóla til lögreglustjórans á Akureyri, þar sem skólaráðið lýsir vonbrigðum sínum með þá ákvörðun lögreglunnar á Akureyri að hætta að sinna forvarnastarfi sem sinnt hefur verið í mörg ár og snúið að umferðarfræðslu, vímuvörnum og afleiðingum afbrota og ofbeldis.
Skólanefnd tekur heilshugar undir áhyggjur og vonbrigði skólaráðs Lundarskóla og óskar eftir því að bæjarráð taki málið til skoðunar.