Bæjarráð

Lögð fram fundargerð 305. afgreiðslufundar skipulagsstjóra dags. 7. júlí 2010. Fundargerðin er í 17 liðum. Skipulagsstjóri óskar eftir staðfestingu bæjarstjórnar á liðum 1., 4., 5., 6., 7., 8., 10., 11., 12., 13., 14., 16. og 17. Aðrir liðir gefa ekki tilefni til ályktunar.
Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 3. lið fundargerðar bæjarstjórnar 29. júní 2010.

3. liður í fundargerð skipulagsnefndar dags. 7. júlí 2010:
Lögð fram ný tillaga að deiliskipulagi reits sem afmarkast af Fosshlíð, Hlíðarbraut, Sunnuhlíð og Skarðshlíð. Tillagan er unnin af Önnu M. Hauksdóttur frá AVH fyrir lóðarhafa Barmahlíðar 8 og skipulagsdeild dags. 18. júní 2010.
Skipulagsnefnd leggur til við bæjarstjórn að tillagan verði auglýst skv. 1. mgr. 25. gr. skipulags- og byggingarlaga nr. 73/1997.
Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 3. lið fundargerðar bæjarstjórnar 29. júní 2010.

5. liður í fundargerð skipulagsnefndar dags. 7. júlí 2010:
Tillaga að breytingu á deiliskipulagi á lóðinni nr. 50-68 við Kjarnagötu var auglýst frá 12. maí með athugasemdarfresti til 23. júní 2010. Engar athugasemdir bárust. Umsögn barst frá Fornleifavernd ríkisins, dags. 2. júní 2010. Engar athugasemdir eru gerðar.
Skipulagsnefnd leggur til við bæjarstjórn að deiliskipulagstillagan verði samþykkt og skipulagsstjóra falið að annast gildistöku hennar.
Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 3. lið fundargerðar bæjarstjórnar 29. júní 2010.

11. liður í fundargerð skipulagsnefndar dags. 7. júlí 2010:
Lagt fram bréf frá skipulagsstjóra, dags. 29. júní 2010, ásamt afriti af bréfi skipulagsstjóra til Hymis ehf., eiganda mhl 02 við Viðjulund 2. Í bréfinu er gerð tillaga um tímafrest og beitingu dagsekta til þess að knýja fram að eigandi fjarlægi olíubirgðir innan sem og utan dyra og færi húsnæðið til samræmis við samþykktar teikningar eða sæki um breytingar á húsnæðinu. Andmælafrestur er liðinn.
Skipulagsnefnd samþykkir tillögu skipulagsstjóra og m.v.t. 1. mgr. 57 gr. skipulags- og byggingarlaga leggur nefndin til við bæjarráð að tillagan verði samþykkt en frestur til úrbóta verði framlengdur til 30. júlí 2010.

12. liður í fundargerð skipulagsnefndar dags. 7. júlí 2010:
Lagt fram bréf frá skipulagsstjóra, dags. 7. apríl 2010, ásamt afriti af bréfi skipulagsstjóra til eiganda hússins nr. 150 við Byggðaveg. Í bréfinu er gerð tillaga um tímafrest og beitingu dagsekta vegna framkvæmda án leyfis og að sótt verði um byggingarleyfi ásamt því að skila inn hönnunargögnum.
Skipulagsnefnd samþykkir tillögu skipulagsstjóra og m.v.t. 1. mgr. 57 gr. skipulags- og byggingarlaga leggur nefndin til við bæjarráð að tillagan verði samþykkt en frestur til úrbóta verði framlengdur til 30. júlí 2010.

13. liður í fundargerð skipulagsnefndar dags. 7. júlí 2010:
Lagt fram bréf frá skipulagsstjóra, dags. 29. júní 2010, ásamt afriti af bréfi skipulagsstjóra til Bíla og þjónustu ehf, kt. 681206-2050, rekstraraðila í húsinu nr. 77 við Hafnarstræti. Í bréfinu er gerð tillaga um tímafrest og beitingu dagsekta til þess að knýja fram að umbeðnum gögnum sé skilað inn til embættis byggingarfulltrúa, með vísan í gr. 11 og 12 í byggingarreglugerð 441/1998.
Skipulagsnefnd samþykkir tillögu skipulagsstjóra og m.v.t. 1. mgr. 57 gr. skipulags- og byggingarlaga leggur nefndin til við bæjarráð að tillagan verði samþykkt en frestur til úrbóta verði framlengdur til 30. júlí 2010.

Lagt fram til kynningar afrit af bréfi dags. 6. júlí 2010 frá Leið ehf. til Húnavatnshrepps og Blönduósbæjar með athugasemd við tillögu að aðalskipulagi Blönduósbæjar 2010-2030 og Húnavatnshrepps 2010-2020.

Lagt fram til kynningar erindi dags. 5. júlí 2010 frá Sambandi íslenskra sveitarfélaga þar sem boðað er til 24. landsþings sambandsins á Akureyri dagana 29. september til 1. október 2010.

Lagt fram til kynningar yfirlit um rekstur aðalsjóðs janúar til maí 2010.

Hagsýslustjóri, Jón Bragi Gunnarsson leggur fram tillögu að fjárhagsáætlunarferli 2010 fyrir árið 2011.

Kynnt ráðning bæjarstjóra.

Sjálfstæðisflokkurinn, Bæjarlistinn og Framsóknarflokkurinn lögðu fram sameiginlega eftirfarandi bókun.

Kosningaloforð L-listans var að endurvekja Atvinnumálanefnd og endurskilgreina hlutverk Akureyrarstofu, því vekur það furðu okkar að málaflokknum skuli nú stefnt í vinnuhóp sem heyrir undir Akureyrarstofu með óljós markmið og stefnu.

Við viljum að skipuð verði nefnd sem heyrir beint undir bæjarráð, en ekki Akureyrarstofu, því málið er afar brýnt. Þannig eykst skilvirkni, boðleiðum fækkar og auðveldar og styttir ákvarðanatöku.

Við leggjum til að ráðinn verði starfsmaður sem heyrir beint undir nefndina. Nefndin skili síðan frumdrögum að stefnu bæjarins í atvinnumálum eigi síðar en 1.október 2010. Nefndin skal koma saman vikulega frá 15. júlí 2010 til 30.september 2010 og síðan á tveggja vikna fresti. Nefndin skal skipuð til 31.desember 2010 og er verksvið hennar eftirfarandi;

1) Á skipunartíma skilar hún lokaskýrslu í stefnumótun í atvinnumálum.

2) Nefndin heyri beint undir bæjarráð.

3) Nefndinni er einnig falið að ráða starfsmann (verktaka) fyrir 4. ágúst 2010 sem starfar með henni til 31.12. 2010.

4) Nefndin skilar jafnframt starfslýsingu um áframhaldandi störf nýrrar atvinnunefndar sem hefur störf 1. janúar 2011 og starfar út kjörtímabilið.

5) Nefndin annast sameiginlega ráðningu starfsmanns til að fylgja eftir stefnumótunarvinnu nefndarinnar.
Hann er ráðinn frá og með 1. Janúar 2011.

Ólafur Jónsson
Sigurður Guðmundsson
Guðmundur Baldvin Guðmundsson