Bæjarráð

Lögð fram til kynningar fundargerð almannaheillanefndar dags. 18. mars 2011.

Erindi dags. 9. mars 2011 frá Lánasjóði sveitarfélaga ohf þar sem boðað er til aðalfundar föstudaginn 25. mars 2011 kl. 15:00 á Hilton Reykjavík Nordica hótelinu. Vakin er athygli á því að rétt til að sækja aðalfund eiga allir sveitarstjórnarmenn.

Lagður fram til kynningar ársreikningur Heilbrigðiseftirlits Norðurlands eystra fyrir árið 2010. Einnig lögð fram til kynningar fundargerð 133. fundar heilbrigðisnefndar Norðurlandssvæðis eystra dags. 9. mars 2011.

2. liður í fundargerð umhverfisnefndar dags. 8. mars 2011:
Umræður um fyrirhugaða loftslagsráðstefnu vinabæja Akureyrar á Norðurlöndunum sem fyrirhugað er að halda á Akureyri.
Umhverfisnefnd leggur til að loftslagsráðstefna vinabæja verði haldin haustið 2011.
Umhverfisnefnd vísar málinu til bæjarráðs.

Erindi dags. 3. mars 2011 frá Sigurði Val Ásbjarnasyni bæjarstjóra Fjallabyggðar varðandi samkomulag um stofnun og byggingu framhaldsskóla við utanverðan Eyjafjörð.

a) Ólafur Jónsson D-lista óskaði eftir því að bæjarstjóri kallaði eftir upplýsingum frá iðnaðarráðuneyti um stöðu samninga um uppbyggingu orkufreks iðnaðar á Húsavík í ljósi ummæla iðnaðarráðherra í fjölmiðlum síðustu daga um jákvæðar horfur í málinu.

b) Sigurður Guðmundsson A-lista gerði fyrirspurn varðandi aðkomu starfsmanna Akureyrarbæjar að hreinsun og eftirliti við grenndargáma, þar sem það er ekki innan samnings Akureyrarbæjar og Gámaþjónustu Norðurlands ehf.