Bæjarráð

Meirihluti bæjarráðs felur bæjarlögmanni, sviðsstjóra fjársýslusviðs og sviðsstjóra samfélagssviðs að ganga til samninga við Stólalyftu ehf. um greiðslur og afhendingu lyftunnar í samræmi við tillögu stjórnar Hlíðarfjalls og umræður á fundinum. Drög að samningi verði lögð fyrir bæjarráð.

Hlynur Jóhannsson M-lista greiðir atkvæði á móti.

Bæjarráð tekur jákvætt í erindið og felur sviðsstjóra fjársýslusviðs að fylgja málinu eftir.

Bæjarráð Akureyrarbæjar mótmælir harðlega hækkun á farm- og fargjöldum Grímseyjarferjunnar Sæfara og telur mikilvægt að þjóðferjuleiðir verði skilgreindar sem hluti af grunnkerfi samgangna eins og það er skilgreint í samgönguáætlun hverju sinni. Til þjóðferjuleiða teljast leiðir þar sem ferja kemur í stað vegasambands um stofnveg og tengir byggðir landsins sem umluktar eru sjó við grunnkerfi samgangna á meginlandinu.

Meirihluti bæjarráðs telur að skoða eigi betur valkosti fyrir staðsetningu heilsugæslustöðvar norðan Glerár en mikilvægt er þó að slík skoðun leiði ekki til umtalsverðra tafa á framgangi málsins. Er því óskað eftir að auglýst verði á almennum markaði eftir leiguhúsnæði fyrir norðurstöð heilsugæslu þannig að aðrir möguleikar en Skarðshlíð 20 komi til greina. Áfram verði unnin skipulagsvinna fyrir Skarðshlíð 20 og er gert ráð fyrir að aðal- og deiliskipulagsbreyting verði auglýst á næstu vikum og taki gildi á vormánuðum. Er gert ráð fyrir að lóðin verði hluti af auglýsingunni sem felur í sér að aðilar geta annað hvort lagt fram nýjan uppbyggingarkost eða þá boðið leiguhúsnæði með því að byggja á Skarðshlíð 20.

Er sviðsstjóra skipulagssviðs falið að koma þessu á framfæri við heilbrigðisráðuneytið.


Hilda Jana Gísladóttir S-lista og Sóley Björk Stefánsdóttir V-lista leggja fram eftirfarandi bókun:

Val á staðsetningu fyrir heilsugæslu á Akureyri norðan Glerár hefur verið langt, flókið en um leið vandað ferli. Eftir opið auglýsingaferli var niðurstaðan að Skarðshlíð 20 væri heppilegasta staðsetningin fyrir heilsugæslu norðan Glerár og hafa forsvarsmenn HSN lýst yfir ánægju sinni með það staðarval miðað við þeirra forsendur. Þá kallast staðsetningin vel á við hugmyndafræðina um 20 mínútna bæinn. Við teljum uppbyggingu heilsugæslu við Skarðshlíð vænlegan kost og engar nýjar málefnalegar ástæður vera til að breyta því staðarvali. Mikilvægt er að nýjar heilsugæslustöðvar á Akureyri verði teknar í notkun eins fljótt og hægt er.

Bæjarráð samþykkir með fimm samhljóða atkvæðum að ungmennaráð fái áheyrnarfulltrúa í stjórn Akureyrarstofu og í umhverfis- og mannvirkjaráði frá ársbyrjun 2022 og vísar málinu til gerðar fjárhagsáætlunar næsta árs.