Bæjarráð

3651. fundur 05. september 2019 kl. 08:15 - 11:39 Fundaaðstaða bæjarstjóra á 3. hæð Ráðhúss
Nefndarmenn
  • Guðmundur Baldvin Guðmundsson formaður
  • Halla Björk Reynisdóttir
  • Hilda Jana Gísladóttir
  • Gunnar Gíslason
  • Sóley Björk Stefánsdóttir
  • Hlynur Jóhannsson áheyrnarfulltrúi
Starfsmenn
  • Ásthildur Sturludóttir bæjarstjóri
  • Kristín Sóley Sigursveinsdóttir fundarritari
Fundargerð ritaði: Kristín Sóley Sigursveinsdóttir forstöðumaður upplýsinga- og þjónustudeildar
Dagskrá

1.Molta ehf. - framtíðaráform

Málsnúmer 2019080393Vakta málsnúmer

Tekið fyrir minnisblað dagsett 20. ágúst 2019 frá Kristjáni Ólafssyni framkvæmdastjóra Moltu ehf. um framtíðaráform félagsins.

Jón Þorvaldur Heiðarsson stjórnarformaður og Kristján Ólafsson framkvæmdastjóri Moltu ehf. ásamt Sigmundi Einari Ófeigssyni framkvæmdastjóra Atvinnuþróunarfélags Eyjafjarðar mættu á fund bæjarráðs undir þessum lið.
Bæjarráð þakkar gestunum fyrir komuna á fundinn. Bæjarráð styður áform félagsins um að leita eftir nýju athafnasvæði fyrir framtíðaruppbyggingu.

2.Fjárhagsáætlun 2020 - 121 - stjórnsýslusvið og fjársýslusvið

Málsnúmer 2019090024Vakta málsnúmer

Lögð fram til kynningar drög að fjárhagsáætlun fyrir málaflokk 121.

Halla Margrét Tryggvadóttir sviðsstjóri stjórnsýslusviðs og Dan Jens Brynjarsson sviðsstjóri fjársýslusviðs sátu fund bæjarráðs undir þessum lið.

3.Rekstur kaffihúsa í stofnunum Akureyrarbæjar

Málsnúmer 2019080451Vakta málsnúmer

Liður 7 í fundargerð stjórnar Akureyrarstofu dagsettri 29. ágúst 2019:

Lagt fram minnisblað sviðsstjóra samfélagssviðs vegna reksturs á kaffihúsum í stofnunum Akureyrarbæjar.

Stjórn Akureyrarstofu samþykkir að vísa minnisblaðinu til umræðu í bæjarráði.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð felur bæjarstjóra að láta vinna reglur um útleigu á húsnæði í eigu Akureyrarbæjar.

4.Skíðalyfta í Hlíðarfjall

Málsnúmer 2016030107Vakta málsnúmer

Liður 3 í fundargerð frístundaráðs dagsettri 28. ágúst 2019:

Áframhald umræðu um uppsetningu nýrrar lyftu í Hlíðarfjalli. Málið var áður á dagskrá ráðsins þann 14. ágúst sl.

Ellert Örn Erlingsson deildarstjóri íþróttamála sat fundinn undir þessum lið.

Frístundaráð samþykkir að óska eftir því við bæjarráð að veittur verði viðauki við fjárhagsáætlun 2019 vegna framkvæmda í Hlíðarfjalli í tengslum við uppsetningu nýrrar stólalyftu. Um er að ræða framkvæmdir við að leggja háspennustreng að endastöð nýrrar lyftu að upphæð kr. 11.125.000 og kaup á aðgangsstýringarkerfi (hliðum) að upphæð kr. 4.000.000. Samtals kr. 15.125.000.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð frestar afgreiðslu og óskar eftir því að sviðsstjóri samfélagssviðs, forstöðumaður Hlíðarfjalls og formaður frístundaráðs mæti á næsta fund ráðsins.

5.Kjarnaskógur - umsókn um byggingarleyfi fyrir gróðurhúsi

Málsnúmer 2019080029Vakta málsnúmer

Erindi dagsett 20. ágúst 2019 frá Katrínu Ásgrímsdóttur fyrir hönd Sólskóga, þar sem óskað er eftir verulegri lækkun á gatnagerðargjöldum vegna byggingar gróðurhúss í gróðrarstöð Sólskóga, Kjarnaskógi.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð telur eðlilegt að verða við erindi um lækkun gatnagerðargjalda vegna húsanna, sbr. heimild í grein 5.2. í gatnagerðargjaldskrá, enda er lóðin leigð til mjög takmarkaðra nota og takmarkaðs tíma og mannvirki sem á henni kunna að vera í lok leigutíma munu falla til bæjarins endurgjaldslaust. Bæjarráð samþykkir með 5 samhljóða atkvæðum að gatnagerðargjald miðist við 1% af byggingarkostnaði vísitöluhúss og verði kr. 4.629.457.

6.Tillaga til þingsályktunar um stefnumótandi áætlun ríkisins í málefnum sveitarfélaga

Málsnúmer 2019090035Vakta málsnúmer

Samgöngu- og sveitarstjórnarráðuneytið hefur birt í samráðsgátt stjórnvalda tillögu til þingsályktunar um stefnumótandi áætlun ríkisins í málefnum sveitarfélaga fyrir árin 2019-2033 og aðgerðaáætlun fyrir árin 2019-2023.

Umsagnarfrestur er til og með 10. september 2019.

Gögnin má nálgast á eftirfarandi slóð:

https://samradsgatt.island.is/oll-mal/$Cases/Details/?id=1465
Bæjarráð lýsir yfir stuðningi við þingsályktunina og telur aðgerðirnar vel til þess fallnar að efla sveitarstjórnarstigið.

Fundi slitið - kl. 11:39.