Bæjarráð

3619. fundur 29. nóvember 2018 kl. 08:15 - 12:12 Fundaaðstaða bæjarstjóra á 3. hæð Ráðhúss
Nefndarmenn
  • Guðmundur Baldvin Guðmundsson formaður
  • Halla Björk Reynisdóttir
  • Hilda Jana Gísladóttir
  • Eva Hrund Einarsdóttir
  • Gunnar Gíslason
  • Hlynur Jóhannsson áheyrnarfulltrúi
  • Sóley Björk Stefánsdóttir áheyrnarfulltrúi
Starfsmenn
  • Ásthildur Sturludóttir bæjarstjóri
  • Kristín Sóley Sigursveinsdóttir forstöðumaður upplýsinga- og þjónustudeildar ritaði fundargerð
Fundargerð ritaði: Kristín Sóley Sigursveinsdóttir forstöðumaður upplýsinga- og þjónustudeildar
Dagskrá

1.Fjárhagsáætlun Akureyrarbæjar 2019-2022

2018050147

Unnið að gerð fjárhagsáætlunar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

2.Norðurorka - verðbreytingar

2016090189

Lagt fram minnisblað með samanburði á verðskrá veitna.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

3.Fjárhagsáætlun 2018 - umhverfis- og mannvirkjasvið

2017050203

Liður 11 í fundargerð umhverfis- og mannvirkjaráðs dagsettri 23. nóvember 2018:

Lagðir fram til kynningar viðaukar við fjárhagsáætlun ársins 2018 dagsettir 13. nóvember 2018. Einnig verklagsreglur um gerð viðauka hjá sveitarfélögum frá Samgöngu- og sveitarstjórnarráðuneytinu dagsettar 7. nóvember 2018.

Umhverfis- og mannvirkjaráð samþykkir framlagða viðauka við framkvæmdayfirlit ársins 2018 og vísar þeim til afgreiðslu í bæjarráði. Heildarniðurstaða er lækkun um 26,3 milljónir kr.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð samþykkir beiðni umhverfis- og mannvirkjaráðs og vísar til viðauka.

4.Fjárhagsáætlun Akureyrarbæjar 2018

2017040095

Lagður fram viðauki 15. Málið var áður á dagskrá bæjarráðs 22. nóvember sl. og var afgreiðslu þá frestað.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.
Bæjarráð samþykkir framlagðan viðauka að upphæð kr. 41.997.000 og vísar honum til staðfestingar í bæjarstjórn.

5.Bæjarsjóður Akureyrar - yfirlit um rekstur 2018

2018040257

Lagt fram til kynningar yfirlit um rekstur aðalsjóðs janúar til október 2018.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

6.Jafnréttisstefna - skipan þróunarleiðtoga

2018110171

Liður 7 í fundargerð frístundaráðs dagsettri 21. nóvember 2018:

Eitt af verkefnum Jafnréttisstefnu Akureyrarbæjar er að skipaðir verði þróunarleiðtogar á hverju sviði bæjarins og eins innan ráða og stjórna. Lögð fram tillaga um skipun þróunarleiðtoga, tilgangur, hlutverk og helstu verkefni.

Frístundaráð samþykkir að skipaðir verði þróunarfulltrúar í samræmi við það sem kemur fram í Jafnréttisstefnu Akureyrarbæjar og á framlögðu minnisblaði og felur sviðsstjóra að óska eftir tilnefningum slíkra leiðtoga frá hverju sviði og eins frá fastanefndum sveitarfélagsins.
Afgreiðslu frestað.

7.Beiðni um að gerð verði könnun á líðan, kjörum og viðhorfum eldri borgara m.a. til þjónustu bæjarins

2018110170

Liður 5 í fundargerð frístundaráðs dagsettri 21. nóvember 2018:

Erindi dagsett 9. nóvember 2018 frá stjórn Félags eldri borgara á Akureyri sem telur mikilvægt að á árinu 2019 verði gerð vönduð og ýtarleg könnun á líðan, kjörum og viðhorfum eldri borgara á Akureyri, m.a. til þjónustu bæjarins, þjónustu ríkisins og annarra aðila sem fara með málefni þessa aldurshóps. Þá þarf könnunin ekki síst að upplýsa viðhorf eldri borgara til þess félags- og tómstundastarfs sem stendur þeim til boða í bæjarfélaginu í dag.

Alfa Aradóttir deildarstjóri forvarna- og frístundadeildar sat fundinn undir þessum lið.

Frístundaráð vísar erindinu til bæjarráðs.
Bæjarráð felur bæjarstjóra að tala við bréfritara.

8.Samgönguáætlun 2015-2033 - Húnavallaleið í Austur-Húnavatnssýslu og Vindheimaleið í Skagafirði

2018110238

Lagt fram bréf frá Samgöngufélaginu um tillögur þess varðandi breytingar á vegstæðum þjóðvegar 1 í landshlutanum.
Bæjarráð Akureyrar telur brýnt að allir möguleikar séu skoðaðir til að stytta leiðina milli Norðurlands og vesturhluta landsins og stuðla þannig að auknu umferðaröryggi, skemmri aksturstíma, minni eldsneytisnotkun og mengun. Með lægri flutningskostnaði eykst einnig samkeppnishæfni Norðausturlands.

9.Íbúalýðræði

2015020002

Lagt fram erindisbréf fyrir starfshóp um íbúalýðræði.
Afgreiðslu frestað.

Fundi slitið - kl. 12:12.