Bæjarráð

3616. fundur 08. nóvember 2018 kl. 08:15 - 11:03 Fundaaðstaða bæjarstjóra á 3. hæð Ráðhúss
Nefndarmenn
  • Guðmundur Baldvin Guðmundsson formaður
  • Halla Björk Reynisdóttir
  • Eva Hrund Einarsdóttir
  • Gunnar Gíslason
  • Hlynur Jóhannsson áheyrnarfulltrúi
  • Sóley Björk Stefánsdóttir áheyrnarfulltrúi
Starfsmenn
  • Ásthildur Sturludóttir bæjarstjóri
  • Dan Jens Brynjarsson sviðsstjóri fjársýslusviðs
  • Kristín Sóley Sigursveinsdóttir forstöðumaður upplýsinga- og þjónustudeildar ritaði fundargerð
Fundargerð ritaði: Kristín Sóley Sigursveinsdóttir forstöðumaður upplýsinga- og þjónustudeildar
Dagskrá
Hilda Jana Gísladóttir S-lista og varamaður hennar boðuðu forföll.

Í upphafi fundar leitaði formaður afbrigða til að taka mál á dagskrá sem ekki var í útsendri dagskrá, 2018050236 Rekstrarsamningar íþróttamannvirkja og aðildarfélaga ÍBA 2019. Var það samþykkt.

1.Samningar um ræstingu

2018110045

Umfjöllun um framkvæmd samninga um ræstingu á stofnunum Akureyrarbæjar.

Fram kom að samningar um ræstingu hafa í öllum tilvikum verið gerðir í kjölfar útboðs og eru alla jafna gerðir til fjögurra ára í senn. Í samningum Akureyrarbæjar er ákvæði um keðjuábyrgð samkvæmt ákvörðun bæjarstjórnar.

Ræstingafyrirtækin sem Akureyrarbær er með samninga við eru ekki að nýta sér þjónustu frá starfsmannaleigum heldur eru starfsmenn í öllum tilvikum ráðnir til viðkomandi fyrirtækis samkvæmt ákvæðum kjarasamnings Starfsgreinasambands Íslands við SA. Samkvæmt upplýsingum frá stéttarfélagi starfsmanna hefur framkvæmd á kjarasamningsákvæðum verið í ágætu lagi og ekkert komið upp á sem ástæða er til að taka til sérstakrar skoðunar.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

2.Fjárhagsáætlun Akureyrarbæjar 2019-2022

2018050147

Unnið að gerð fjárhagsáætlunar.

3.Fjárhagsáætlun Akureyrarbæjar 2018 - viðauki

2017040095

Lagður fram viðauki 14.

Bæjarráð samþykkir framlagðan viðauka að upphæð kr. 19.031.000 og vísar honum til staðfestingar í bæjarstjórn.

4.Hlíðarfjall - uppbygging heilsárs starfsemi

2018020052

Rædd drög að skýrslu Hlíðarhryggs ehf. um möguleika á uppbyggingu í Hlíðarfjalli sem alhliða og heilsárs útivistar- og afþreyingarstaðar.

Kristinn J. Reimarsson sviðsstjóri samfélagssviðs og Sigmundur Einar Ófeigsson framkvæmdastjóri Atvinnuþróunarfélags Eyjafjarðar sátu fund bæjarráðs undir þessum lið.
Bæjarráð felur sviðsstjóra samfélagssviðs og framkvæmdastjóra AFE að vinna áfram að málinu, afla frekari upplýsinga í samræmi við umræður á fundinum og leggja fyrir bæjarráð fyrir nóvemberlok.

5.Rekstrarsamningar íþróttamannvirkja og aðildarfélaga ÍBA 2019

2018050236

Liður 1 í fundargerð frístundaráðs dagsettri 7. nóvember 2018:

Farið yfir stöðu mála.

Geir Kristinn Aðalsteinsson áheyrnarfulltrúi ÍBA sat fundinn undir þessum lið.

Frístundaráð óskar eftir því við bæjarráð að fenginn verði úttektaraðili til að greina forsendur rekstrarsamninga íþróttamannvirkja á vegum Akureyrarbæjar.

Kristinn J. Reimarsson sviðsstjóri samfélagssviðs sat fund bæjarráðs undir þessum lið.
Bæjarráð felur sviðsstjóra fjársýslusviðs og sviðsstjóra samfélagssviðs að vinna áfram að málinu.
Ásthildur Sturludóttir vék af fundi kl. 10:40.

6.Brynja, Hússjóður Öryrkjabandalagsins - umsókn um stofnframlag 2018-2019

2018110012

Erindi dagsett 30. október 2018 frá Birni Arnari Magnússyni f.h. Brynju, Hússjóðs Öryrkjabandalagsins þar sem óskað er eftir vilyrði fyrir stofnframlagi vegna kaupa á tíu tveggja herbergja íbúðum.
Bæjarráð fagnar áformum Brynju, Hússjóðs Öryrkjabandalagsins, gefur vilyrði fyrir stofnframlagi á árinu 2019 og vísar fjármögnun til fjárhagsáætlunar.

7.Snorraverkefnið - styrkbeiðni 2015-2018

2014110256

Erindi dagsett 18. október 2018 frá Halldóri Árnasyni formanni stjórnar Snorrasjóðs þar sem óskað er eftir stuðningi frá Akureyrarbæ við verkefnið árið 2019.
Bæjarráð getur ekki orðið við erindinu.

8.Eyþing - fundargerðir

2010110064

Lögð fram til kynningar fundargerð 313. fundar stjórnar Eyþings dagsett 1. nóvember 2018. Fundargerðina má finna á netslóðinni: http://www.eything.is/is/fundargerdir-1

Fundi slitið - kl. 11:03.