Bæjarráð

3493. fundur 04. febrúar 2016 kl. 08:30 - 08:30 Bæjarstjórnarsalur á 4. hæð í Ráðhúsi
Nefndarmenn
  • Guðmundur Baldvin Guðmundsson formaður
  • Logi Már Einarsson
  • Matthías Rögnvaldsson
  • Áshildur Hlín Valtýsdóttir
  • Gunnar Gíslason
  • Sóley Björk Stefánsdóttir áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Heiða Karlsdóttir fundarritari
Dagskrá
Áshildur Hlín Valtýsdóttir Æ-lista mætti í forföllum Margrétar Kristínar Helgadóttur.

1.Gallup - Þjónusta sveitarfélaga 2015 Akureyri

2016020004

Lögð fram til kynningar könnun sem gerð var af Gallup - Þjónusta sveitarfélaga 2015 Akureyri.

2.Samfélags- og mannréttindadeild 2016 - félagsstarf

2016010179

1. liður í fundargerð samfélags- og mannréttindaráðs dagsett 28. janúar 2016:

Lagður var fram til kynningar upplýsingabæklingur um félagsstarf fyrir eldri borgara og starf á Punktinum á fyrri hluta árs 2016.

Bæklingurinn var borinn í hvert hús á Akureyri í ársbyrjun.

Einnig var rætt um breytingar á félagsstarfi í Víðilundi og rekstarkostnað sem bætist við vegna húsnæðis í Víðilundi þegar dagþjónusta fyrir aldraða er flutt á Hlíð. Aðeins er reiknað með hluta af þessum kostnaði í samþykktri fjárhagsáætlun 2016.

Bergljót Jónasdóttir forstöðumaður tómstundamála sat fundinn undir þessum lið.

Ráðið lýsir ánægju með útgáfu og dreifingu upplýsinga um félagsstarfið.

Forstöðumanni er falið að vinna áfram að leiðum til að bjóða upp á heitan mat í hádeginu í félagsmiðstöðinni í Víðilundi á sem hagstæðustu kjörum.

Ráðið óskar eftir aukafjárveitingu upp á kr. 2,6 milljónir til að mæta auknum rekstarkostnaði við yfirtöku húsnæðis í Víðilundi skv. meðfylgjandi yfirliti.
Bæjarráð telur ekki rétt að samþykkja viðauka á meðan aðgerðarhópur um framtíðarrekstur Akureyrarbæjar er að störfum og vísar erindinu til aðgerðarhópsins.

3.Samfélags- og mannréttindadeild 2016 - styrkir og samningar

2016010181

8. liður í fundargerð samfélags- og mannréttindaráðs dagsett 28. janúar 2016:

Lagðar voru fram upplýsingar um núgildandi reglur og styrkveitingar og samninga, ásamt viðmiðum sem ráðið hefur notað til afgreiðslu mála. Einnig voru lagðar fram upplýsingar um fjármál og samninga sem nú eru í gildi, eða unnið að.

Ráðið mun halda vinnu við endurskoðun áfram og felur framkvæmdastjóra að taka saman og afla meiri upplýsinga. Ráðið leggur til að samhliða verði farið yfir reglur um styrkveitingar Akureyrarkaupstaðar frá 20. nóvember 2012.
Bæjarráð felur aðstoðarmanni bæjarstjóra, Katrínu Björgu Ríkarðsdóttur, að yfirfara reglurnar og leggja fyrir aðgerðarhóp um framtíðarrekstur Akureyrarbæjar.

4.Mótun upplýsingastefnu Akureyrarbæjar - 2016

2015110167

1. liður í fundargerð stjórnar Akureyrarstofu dagsett 20. janúar 2016:

Framhald umræðu um mótun upplýsingastefnu fyrir Akureyrarbæ. Lögð fram hugmynd að ramma fyrir slíka stefnu. Vinnuhópur um íbúalýðræði og gagnsæa stjórnsýslu, sem er að störfum, mun í sínum tillögum jafnframt leggja áherslu á að sett verði upplýsingastefna fyrir bæjarkerfið sem heild.

Stjórn Akureyrarstofu leggur til við bæjarráð að skipaður verði vinnuhópur um mótun upplýsingastefnu fyrir Akureyrarbæ sem heild og að vinnan verði leidd af Akureyrarstofu í samvinnu við skrifstofu Ráðhúss.
Bæjarráð frestar skipun vinnuhóps þar til endanlegar tillögur vinnuhóps um íbúalýðræði liggja fyrir.

5.Viðtalstímar bæjarfulltrúa fundargerðir veturinn 2015-2016

2015110022

Lögð fram fundargerð viðtalstíma bæjarfulltrúa dagsett 28. janúar 2016. Fundargerðin er í 5 liðum.
Bæjarráð vísar 1. og 3. lið til framkvæmdadeildar, 2. lið til Akureyrarstofu, 4. lið til íþróttaráðs og 5. lið til bæjarstjóra.

6.Eyþing - fundargerð

2010110064

Lögð fram til kynningar fundargerð 276. fundar stjórnar Eyþings dagsett 13. janúar 2016.

Fundargerðina má finna á netslóðinni: http://www.eything.is/is/fundargerdir

7.Íslandsstofnun - málefni flóttamanna

2016020001

Lagt fram til kynningar erindi dagsett 28. janúar 2016 frá Karim Askari framkvæmdastjóra Íslandsstofnunar þar sem hann vill koma á framfæri þökkum fyrir framgöngu Akureyrarbæjar í málefnum flóttamanna. Einnig segir hann að á tímum sem þessum reynir á bróðurlegan kærleika manna í milli og hjálpfýsi og því er ánægjulegt að sjá þegar opinberir aðilar leggja sitt af mörkum í þeim efnum.

Íslandsstofnun vill jafnframt lýsa yfir vilja sínum til að verða að liði með hverjum þeim hætti sem henni er unnt.

8.Frumvarp til laga um vatnsveitur sveitarfélaga, 400. mál

2016010202

Lagt fram til kynningar erindi dagsett 27. janúar 2016 frá umhverfis- og samgöngunefnd Alþingis þar sem óskað er umsagnar um frumvarp til laga um um vatnsveitur sveitarfélaga (skilgreining og álagning vatnsgjalds), 400. mál 2016.

Þess er óskað að undirrituð umsögn berist eigi síðar en 11. febrúar nk. á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/145/s/0546.html

9.Frumvarp til laga um uppbyggingu og rekstur fráveitna, 404. mál

2016010203

Lagt fram til kynningar erindi dagsett 27. janúar 2016 frá umhverfis- og samgöngunefnd Alþingis þar sem óskað er umsagnar um frumvarp til laga um uppbyggingu og rekstur fráveitna (gjaldtökuheimildir, réttindi og skyldur fráveitna), 404. mál 2016.

Þess er óskað að undirrituð umsögn berist eigi síðar en 11. febrúar nk. á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/145/s/0550.html

10.Frumvarp til laga um verslun með áfengi og tóbak o.fl., 13. mál

2016010213

Lagt fram til kynningar erindi dagsett 29. janúar 2016 frá allsherjar- og menntamálanefnd Alþingis þar sem óskað er umsagnar um frumvarp til laga um verslun með áfengi og tóbak o.fl. (smásala áfengis), 13. mál 2016.

Þess er óskað að undirrituð umsögn berist eigi síðar en 11. febrúar nk. á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/145/s/0013.html

Fundi slitið - kl. 08:30.