Velferðarráð

1206. fundur 18. mars 2015 kl. 14:00 - 16:20 Hlíð - samkomusalur
Nefndarmenn
  • Jóhann Gunnar Sigmarsson varaformaður
  • Halldóra Kristín Hauksdóttir
  • Valdís Anna Jónsdóttir
  • Svava Þórhildur Hjaltalín
  • Valur Sæmundsson
  • Valbjörn Helgi Viðarsson áheyrnarfulltrúi
Starfsmenn
  • Guðrún Ólafía Sigurðardóttir framkvæmdastjóri
  • Soffía Lárusdóttir framkvæmdastjóri
  • Halldór Sigurður Guðmundsson framkvæmdastjóri
  • Kristbjörg Björnsdóttir fundarritari
Dagskrá
Svava Þórhildur Hjaltalín D-lista mætti í forföllum Oktavíu Jóhannesdóttur.
Valdís Anna Jónsdóttir S-lista mætti í forföllum Sigríðar Huld Jónsdóttur.

1.Fjárhagsaðstoð 2015

2015010058

Lagt var fram til kynningar yfirlit yfir veitta fjárhagsaðstoð fyrstu tvo mánuði ársins.

2.Fjárhagserindi 2015 - áfrýjanir

2015010023

Snjólaug Jóhannesdóttir félagsráðgjafi kynnti áfrýjun í fjárhagsaðstoð.
Áfrýjanir og afgreiðsla þeirra er færð í trúnaðarbók félagsmálaráðs.

3.Grófin - geðverndarmiðstöð - ósk um fjárhagsstuðning

2014030277

Tekið fyrir erindi frá stjórn Geðverndarfélags Akureyrar og nágrennis dagsett 2. mars 2015 um rekstrarstyrk fyrir Grófina - geðverndarmiðstöð.
Velferðarráð frestar afgreiðslu málsins og óskar eftir ársreikningi Geðverndarfélagsins fyrir árið 2014.

4.Samningar Akureyrarbæjar og HSN

2015030061

Lagður fram samningur, undirritaður 4. mars 2015, um fagleg samskipti HSN (HAK) og Akureyrarbæjar.
Velferðarráð ítrekar mikilvægi þeirra verkefna sem fjallað er um í samkomulaginu og að samstarf Akureyrarbæjar og HSN haldi áfram um þau. Þekking og reynsla starfsmanna HSN á Akureyri og hjá Akureyrarbæ á þessum verkefnum er grunnur að áframhaldandi samstarfi og þjónustu til íbúa.

5.CONNECT - verkefnið

2014060231

Á fundinn mætti Dagný Linda Kristjánsdóttir iðjuþálfi við Öldrunarheimilin til að segja frá verkefnum á sviði velferðartækni. Kynnti hún ýmis verkefni m.a. notkun á spjaldtölvum sem hluta af iðju og félagsstarfi á heimilunum. Nefndi hún m.a. myndatökur, upptökur, leiki og afþreyingu, tónlist/'playlist'/ipod, fjölskyldufundi og myndsímtöl, fræðsluefni, skemmtiefni og fleira.

6.Kynjuð fjárhagsáætlanagerð

2011030090

Greint frá námskeiði um kynjaða fjárhagsáætlanagerð, en meðal tilmæla þar var að taka málið á dagskrá fagnefnda og að horft yrði á myndband frá samtökum sveitarfélaga í Svíþjóð (https://www.youtube.com/watch?v=xYikioYiilU&feature=youtu.be), samhliða því að greina frá umræðum/verkefnum sem unnið var að á námskeiðinu.

7.Framtíðarþing um farsæla öldrun - samstarf

2014030008

Tekin fyrir að nýju beiðni Öldrunarráðs Íslands um samstarf við Akureyrarkaupstað um að efna til 'framtíðarþings um farsæla öldrun'.
Halldór Sigurður Guðmundsson framkvæmdastjóri ÖA greindi frá samskiptum við fulltrúa Öldrunarráðs og Landsambands eldri borgara, varðandi áform um að efna til þingsins þann 11. eða 18. maí nk. Í samstarfinu felst að aðstoða við skipulagningu þingsins og þátttaka í kostnaði við þinghaldið.
Framkvæmdastjóri greindi frá að leitað sé eftir samstarfi við Háskólann á Akureyri um húsnæði og einnig þátttöku félags eldri borgara á Akureyri og víðar.
Fjárhagsáætlun vegna þinghaldsins gerir ráð fyrir útlögðum kostnaði kr. 550-600 þúsund.
Velferðarráð samþykkir að taka þátt í þinghaldinu og samstarfi við undirbúning þess og veita fjárstyrk að upphæða kr. 300 þúsund vegna þinghaldsins af liðnum 102-0100, enda má gera ráð fyrir að afrakstur þinghaldsins muni nýtast við vinnu við gerð velferðarstefnunnar.

8.Félagsmálaráð - starfsemi 2014-2018

2014060230

Lagt var til að fella niður áætlaðan fund ráðsins þann 1. apríl og verður því næsti reglulegi fundur þann 15. apríl nk.
Velferðarráð staðfestir að næsti reglulegi fundur verður þann 15. apríl nk.

Fundi slitið - kl. 16:20.