Velferðarráð

1284. fundur 19. september 2018 kl. 14:00 - 17:00 Fundarsalur á 2. hæð í Glerárgötu 26
Nefndarmenn
  • Dagbjört Elín Pálsdóttir formaður
  • Róbert Freyr Jónsson
  • Gunnfríður Elín Hreiðarsdóttir
  • Hermann Ingi Arason
  • Lára Halldóra Eiríksdóttir
  • Sigrún Elva Briem áheyrnarfulltrúi
Starfsmenn
  • Guðrún Ólafía Sigurðardóttir sviðsstjóri fjölskyldusviðs
  • Karólína Gunnarsdóttir forstöðumaður þjónustudeildar fjölskyldusviðs
  • Laufey Þórðardóttir forstöðumaður stoðþjónustu búsetusviðs
  • Jón Hrói Finnsson sviðsstjóri búsetusviðs
  • María Sigurbjörg Stefánsdóttir fundarritari
Fundargerð ritaði: María Sigurbjörg Stefánsdóttir
Dagskrá

1.Fjárhagsáætlun 2019 - velferðarsvið

2018060382

Lögð fram til frekari umræðu drög að fjárhagsáætlunum fyrir búsetusvið, fjölskyldusvið og Öldrunarheimili Akureyrar 2019. Áður á dagskrá 22. ágúst 2018.
Umræðu vísað til næsta fundar.

2.Umsókn um vistun utan heimilis

2018060614

Jón Hrói Finnsson sviðsstjóri búsetusviðs kynnti tillögu frá Barnaverndarnefnd Eyjafjarðar þar sem þess er farið á leit að búsetusvið setji á fót vistunarúrræði fyrir fatlað barn með hegðunarvanda. Áætlaður kostnaður við úrræðið eru 75-85 m.kr.

3.Áfangaheimili á Akureyri 2018

2018090236

Lögð var fram greinargerð dagsett 31. ágúst 2018 varðandi áfangaheimili á Akureyri.

Fyrir voru gögn vinnuhóps um áfangaheimili dagsett 6. september 2013 og skýrsla um utangarðsfólk á Akureyri dagsett 15. október 2017.

Katrín Árnadóttir félagsráðgjafi, Anna Hildur Guðmundsdóttir áfengis- og vímuefnaráðgjafi og Anna Marit Níelsdóttir forstöðumaður félagsþjónustu fjölskyldusviðs sátu fundinn undir þessum lið.



Lára Halldóra Eiríksdóttir óskaði eftir að eftirfarandi yrði fært til bókar:

Ótækt er að svo áríðandi mál sem áfangaheimili er, skuli hafa dagað uppi í kerfinu. Rík ástæða er til að tryggja að vinna við áfangaheimili fái tafarlausan framgang og því verði komið á.

4.Starfsáætlanir velferðarráðs 2019

2018080271

Lögð voru fram til frekari umræðu drög að starfsáætlunum búsetusviðs, fjölskyldusviðs og Öldrunarheimila Akureyrar fyrir árið 2019. Áður tekið fyrir 22. ágúst 2018.
Umræðu vísað til næsta fundar.

Fundi slitið - kl. 17:00.