Umhverfisnefnd

Hlusta

103. fundur 15. apríl 2015 kl. 10:00 - 11:35 Kaffistofa framkvæmdadeild

Nefndarmenn

Dagbjört Elín Pálsdóttir formaður
Óskar Ingi Sigurðsson
Áshildur Hlín Valtýsdóttir
Kristinn Frímann Árnason
Ólafur Kjartansson áheyrnarfulltrúi

Starfsmenn

Helgi Már Pálsson bæjartæknifræðingur
Jón Birgir Gunnlaugsson forstöðumaður umhverfismála ritaði fundargerð

Dagskrá

Kristján Ingimar Ragnarsson L-lista boðaði forföll.

1.Kynjuð fjárhagsáætlanagerð

Málsnúmer 2011030090 Vakta málsnúmer

Greint frá námskeiði um kynjaða fjárhagsáætlanagerð, en meðal tilmæla þar var að taka málið á dagskrá fagnefnda og að horft yrði á myndband frá samtökum sveitarfélaga í Svíþjóð (https://www.youtube.com/watch?v=xYikioYiilU&feature=youtu.be), samhliða því að greina frá umræðum/verkefnum sem unnið var að á námskeiðinu.

Horft var á myndbandið og rætt um hugsanleg verkefni. Ákvörðun um verkefni verður tekin á næsta fundi.

2.Svæðisáætlun um meðhöndlun úrgangs

Málsnúmer 2015040029 Vakta málsnúmer

Tekið fyrir erindi dagsett 26. mars 2015 frá verkefnisstjórn um svæðisáætlun um meðhöndlun úrgangs á Norðurlandi, þar sem óskað er eftir samþykki sveitarstjórnar um að verkefnisstjórninni verði falið að auglýsa svæðisáætlunardrögin fyrir hönd sveitarstjórnar í samræmi við ákvæði 6. gr. laga nr. 55/2003 um meðhöndlun úrgangs með síðari breytingum og í samræmi við lög nr. 105/2006 um umhverfismat áætlana. Jafnframt verði verkefnisstjórn falið að taka við athugasemdum sem berast á umsagnartíma.

Umhverfisnefnd samþykkir fyrir sitt leyti að fela verkefnisstjórninni að auglýsa áætlunina fyrir hönd sveitarfélagsins og að taka við athugasemdum sem berast á umsagnartíma.
Málinu vísað til bæjarstjórnar.