Umhverfis- og mannvirkjaráð

Hlusta

28. fundur 02. mars 2018 kl. 08:15 - 10:45 Fundarherbergi FAK

Nefndarmenn

Eiríkur Jónsson varaformaður
Óskar Ingi Sigurðsson
Gunnar Gíslason
Sæbjörg Sylvía Kristinsdóttir
Þorsteinn Hlynur Jónsson
Hermann Ingi Arason áheyrnarfulltrúi

Starfsmenn

Dóra Sif Sigtryggsdóttir forstöðumaður rekstrardeildar ritaði fundargerð
Tómas Björn Hauksson forstöðumaður nýframkvæmda
Hildigunnur Rut Jónsdóttir forstöðumaður umhverfis- og sorpdeildar

Fundargerð ritaði: Dóra Sif Sigtryggsdóttir skrifstofustjóri

Dagskrá

Óskar Ingi Sigurðsson B-lista mætti í forföllum Ingibjargar Ólafar Isaksen.

1.Compact of Mayors - verkefni umhverfis- og mannvirkjasviðs

Málsnúmer 2018020409 Vakta málsnúmer

Lagt fram erindi dagsett 18. janúar 2018 frá Vistorku ehf vegna kolefnishlutlausrar Akureyri og þátttöku Akureyrarkaupstaðar í Compact of Mayors.

Guðmundur Haukur Sigurðsson framkvæmdastjóri Vistorku ehf mætti á fundinn og fór yfir málið.

Umhverfis- og mannvirkjaráð samþykkir að hefja vinnu við verkefnið og felur forstöðumanni umhverfis- og sorpmála að vinna áfram að málinu og leggja kostnaðaráætlun fyrir ráðið á næsta fundi.

2.Festa og loftslagsmarkmið

Málsnúmer 2018020427 Vakta málsnúmer

Lögð fram kynning á FESTA Samfélagsleg ábyrgð fyrirtækja í loftslagsmálum og boð þess um aðild Akureyrarkaupstaðar.

Umhverfis- og mannvirkjaráð samþykkir að taka þátt í verkefninu.

3.AkvaFuture - 20.000 tonna laxeldi í lokuðum eldiskvíum í Eyjafirði - beiðni um umsögn

Málsnúmer 2018010406 Vakta málsnúmer

Tekið fyrir að nýju erindi dagsett 24. janúar 2018 frá Skipulagsstofnun þar sem kemur fram að AkvaFuture hafi sent Skipulagsstofnun tillögu að matsáætlun um 20.000 tonna laxeldi í lokuðum eldiskvíum í Eyjafirði. Óskað er eftir að Akureyrarbær gefi umsögn um tillöguna í samræmi við 2. mgr. 8. gr. laga nr. 106/2000 og 17. gr. reglugerðar nr. 660/2015 um mat á umhverfisáhrifum. Umsögn óskast send Skipulagsstofnun fyrir 12. febrúar 2018. Einnig lögð fram tillaga að umsögn dagsett 28. febrúar 2018 vegna málsins.

Umhverfis- og mannvirkjaráð felur formanni og forstöðumanni umhverfis- og sorpmála að ganga frá umsögninni í samræmi við framlögð gögn og senda til Skipulagsstofnunar.

Hermann Ingi Arason V-lista óskar bókað:

Allar hugmyndir um eldi sjávardýra hér við land þurfa að koma í kjölfar stefnumótunar og regluverks um framkvæmd slíks. Þar sem slíkt liggur ekki fyrir er ótímabært að hefja vinnu við mat á áhrifum mögulegs eldis á einstökum stöðum s.s. í Eyjafirði.

4.Hreinsun gatna - útboð á götusópun 2018

Málsnúmer 2018020517 Vakta málsnúmer

Lagt fram minnisblað dagsett 1. mars 2018 vegna útboðsins.

Jón Birgir Gunnlaugsson verkefnastjóri umhverfis- og sorpmála sat fundinn undir þessum lið.

Umhverfis- og mannvirkjaráð samþykkir að farið verði í útboð á götusópun til tveggja ára og felur umhverfis- og mannvirkjasviði að skoða áfram kaup á götusóp.

5.SVA - sala á strætisvagni

Málsnúmer 2018030022 Vakta málsnúmer

Lögð fram tilboð sem bárust í vagninn.

Umhverfis- og mannvirkjaráð hafnar tilboðunum.

6.Vegagerðin - niðurfelling vega af vegaskrá

Málsnúmer 2012080074 Vakta málsnúmer

Lagt fram svarbréf Vegagerðarinnar dagsett 23. febrúar 2018 vegna beiðni Akureyrarbæjar um breytingar á akstursleið á hafnasvæðið sem endar á Fiskitanga samkvæmt núgildandi vegalögum.