Stjórn Akureyrarstofu

193. fundur 27. ágúst 2015 kl. 16:15 - 18:00 Fundarherbergi Akureyrarstofu í menningarhúsinu Hofi
Nefndarmenn
  • Logi Már Einarsson formaður
  • Anna Hildur Guðmundsdóttir
  • Sigfús Arnar Karlsson
  • Eva Hrund Einarsdóttir
  • Hildur Friðriksdóttir
  • Eva Dögg Fjölnisdóttir áheyrnarfulltrúi
Starfsmenn
  • Skúli Gautason
  • Þórgnýr Dýrfjörð framkvæmdastjóri Akureyrarstofu ritaði fundargerð
Dagskrá

1.Menningarfélag Akureyrar

2014090088

Gunnar Gunnsteinsson framkvæmdastjóri Menningarfélags Akureyrar kom á fundinn og kynnti sex mánaða uppgjör félagsins og það sem efst er á baugi í starfseminni.
Stjórn Akureyrarstofu þakkar Gunnari fyrir komuna á fundinn og greinargóðar upplýsingar um stöðu mála. Jafnframt óskar stjórnin Menningarfélaginu og samstarfsfélögum þess, LH, MH og SN til hamingju með glæsilega vetrardagskrá.

2.Fjárhagsáætlun Akureyrarstofu 2016

2015080026

Fyrstu drög að fjárhagsáætlun Akureyrarstofu fyrir árið 2016 lögð fram.

3.Jafnréttisstefna 2015-2019

2015060217

Samfélags- og mannréttindaráð hefur unnið að endurskoðun jafnréttisstefnu bæjarins og óskar eftir umsögn stjórnar Akureyrarstofu. Meðfylgjandi er tillaga að nýrri stefnu en eldri stefnu má finna á www.akureyri.is
Á fundinum komu fram fáeinar athugasemdir. Framkvæmdastjóra falið að koma þeim til samfélags- og mannréttindaráðs.

4.Listasafnið á Akureyri - breyting á samþykkt

2015080117

Listasafnið á Akureyri hyggst sækja um að verða viðurkennt safn skv. safnalögum. Gera þarf lítilsháttar breytingu á 12. gr. samþykktar safnsins svo þannig megi verða. Þar segir í síðustu málsgrein:
Heimilt er að selja listaverk í eigu safnsins í því skyni að kaupa önnur verk sem þykja æskilegri fyrir það. Sala er þó aðeins heimil með samþykki stjórnar Akureyrarstofu. Óheimilt er að selja eða að láta af hendi verk sem þegin hafa verið að gjöf.
Lagt er til að hún verði svona:
Heimilt er að selja listaverk í eigu safnsins í því skyni að kaupa önnur verk sem þykja æskilegri fyrir það. Sala er þó aðeins heimil með samþykki stjórnar Akureyrarstofu og í samráði við viðkomandi höfuðsafn, samanber 12. grein safnalaga nr. 141/2011. Óheimilt er að selja eða að láta af hendi verk sem þegin hafa verið að gjöf.
Stjórn Akureyrarstofu samþykkir breytinguna fyrir sitt leyti og vísar málinu til umfjöllunar í bæjarstjórn.

5.Stjórn Akureyrarstofu - rekstraryfirlit 2015

2015080133

Lagt fram til kynningar rekstraryfirlit fyrir málaflokka stjórnarinnar fyrir fyrstu 7 mánuði ársins.

Fundi slitið - kl. 18:00.