Stjórn Akureyrarstofu

108. fundur 18. október 2011 kl. 08:30 - 09:55 Fundarherbergi Akureyrarstofu í menningarhúsinu Hofi
Nefndarmenn
  • Halla Björk Reynisdóttir formaður
  • Jón Hjaltason
  • Sigmundur Ófeigsson
  • Helena Þuríður Karlsdóttir
  • Sóley Björk Stefánsdóttir
Starfsmenn
  • Þórgnýr Dýrfjörð fundarritari
Dagskrá

1.Fjárhagsáætlun 2012 - Akureyrarstofa

2011080087

Lokayfirferð fjárhagsáætlunar fyrir árið 2012 fyrir málaflokka stjórnar Akureyrarstofu, menningarmál, atvinnumál og kynningar- og útgáfumál.

Meirihluti stjórnar Akureyrarstofu samþykkir fyrirliggjandi áætlun og felur framkvæmdastjóra Akureyrarstofu að ljúka frágangi hennar í samræmi við umræður á fundinum.

Helena Þ. Karlsdóttir S-lista og Sóley Björk Stefánsdóttir V-lista sátu hjá við afgreiðslu málsins.

Sóley Björk Stefánsdóttir V-lista óskar bókað:

Ég get ekki samþykkt þessa fjárhagsáætlun sem unnin er út frá mjög þröngum ramma sem ákvarðaður er af bæjarstjórn Akureyrar og gefur ekkert svigrúm til að líta á menningu sem tækifæri til atvinnusköpunar. Áætlunin gengur út á það eitt að viðhalda rekstri menningarstofnana á meðan siglt er í gegnum það samdráttartímabil sem yfir okkur gengur en ekkert tillit er tekið til þeirra sem skapa þá menningu sem stofnanirnar eru til fyrir. Ég skora á bæjarstjórn Akureyrar að breyta fjárhagsrammanum og auka fé til atvinnusköpunar í gegnum lista- og menningarverkefni.

2.Menningarfélagið Hof ses - endurnýjun samstarfssamnings félagsins og Akureyrarbæjar

2011030188

Lögð fram til staðfestingar drög að samningi við Menningarfélagið Hof ses til tveggja ára. Samkvæmt þeim verður rekstrarframlag til félagsins óbreytt á samningstímanum og felld er niður eingreiðsla vegna stofnbúnaðarkaupa sem getið var um í fyrri samningi. Helstu markmið samningsins eru hin sömu og í eldri samningi: Að skapa eftirsóknarverðan vettvang fyrir tónlistar- og menningarlíf ásamt ráðstefnu- og sýningarhaldi á Norðurlandi, styrkja ímynd Akureyrar sem ferðamannastaðar með fyrsta flokks aðstöðu í einstöku húsi, skapa metnaðarfulla aðstöðu fyrir nemendur og starfsfólk Tónlistarskólans og umhverfi sem styður við starfsemi hans og frekari þróun.

Stjórn Akureyrarstofu samþykkir samninginn fyrir sitt leyti að teknu tilliti til þeirra athugasemda sem fram komu.

Helena Þ. Karlsdóttir S-lista óskar bókað:

Ég geri ekki athugasemdir við samninginn enda lít ég á hann og samningstímann sem reynslutíma á meðan reynsla kemst á rekstur og rekstrarform menningarhússins.

3.Leikfélagið Silfurtungl - styrkbeiðni 2011

2011090100

Umsókn ódags. frá Leikfélaginu Silfurtungli þar sem sótt er um styrk að upphæð kr. 1.000.000 til að félaginu sé kleift að starfa sem sjálfstæðum atvinnuleikhópi á Akureyri.

Stjórn Akureyrarstofu getur ekki orðið við erindinu en felur framkvæmdastjóra Akureyrarstofu að skoða aðkomu að kynningarmálum verkefnisins í samráði við bréfritara.

Fundi slitið - kl. 09:55.