Stjórn Akureyrarstofu

212. fundur 23. júní 2016 kl. 16:15 - 18:32 Fundarherbergi Akureyrarstofu í menningarhúsinu Hofi
Nefndarmenn
  • Unnar Jónsson formaður
  • Sigfús Arnar Karlsson
  • Anna Hildur Guðmundsdóttir
  • Eva Hrund Einarsdóttir
  • Hildur Friðriksdóttir
  • Eva Dögg Fjölnisdóttir áheyrnarfulltrúi
Starfsmenn
  • Þórgnýr Dýrfjörð framkvæmdastjóri Akureyrarstofu ritaði fundargerð
Dagskrá

1.Iceland Winter Games - ósk um stuðning við hátíðina og samstarfssamning til 3ja ára

2016060076

Erindi dagsett 14. maí 2016 frá Davíð Rúnari Gunnarssyni f.h. Viðburðastofu Norðurlands þar sem óskað er eftir fjárhagslegum stuðningi við hátíðina og samstarfssamningi um hana til 3ja ára. Á fundinn komu Davíð Rúnar og Vilberg Helgason frá Viðburðastofunni til að fara yfir framkvæmd hátíðarinnar á þessu ári og skýra framtíðaráform. Jafnframt fóru þeir félagar yfir íslensku sumarleikana sem fram fara á Akureyri um verslunarmannahelgina.
Stjórn Akureyrarstofu þakkar þeim Davíð Rúnari og Vilberg fyrir komuna á fundinn, greinargóðar upplýsingar og umræður.

Stjórn Akureyrarstofu afgreiddi styrkbeiðnina og samþykkir styrk að upphæð kr. 600.000 til verkefnisins. Jafnframt samþykkir stjórnin að farið verði í viðræður um samningsbundinn stuðning og þróun til þriggja ára.

2.Bíladagar 2016

2016060128

Farið yfir helstu atriði af fundi með Bílaklúbbi Akureyrar, lögreglunni og fulltrúum Akureyrarbæjar þar sem farið var yfir framkvæmd bíladaga í ár.
Stjórn Akureyrarstofu lýsir yfir óánægju með þá umferðarmenningu sem fylgdi bíladögum að þessu sinni, en fjöldi kvartana til lögreglu og umfjöllun í fjölmiðlum og á samfélagsmiðlum bendir mjög eindregið til þess að verr hafi tekist til að þessu leyti en síðustu ár. Framkvæmdastjóra falið að halda áfram viðræðum við Bílaklúbbinn um þann lærdóm sem af má draga.

3.Stjórn Akureyrarstofu - rekstraryfirlit 2016

2016030068

Lagt fram til kynningar rekstraryfirlit fyrir fyrstu 5 mánuði ársins 2016 fyrir þá málaflokka sem tilheyra stjórninni.

Fundi slitið - kl. 18:32.