Skipulagsráð

408. fundur 13. september 2023 kl. 08:15 - 10:37 Fundarsalur á 1. hæð í Ráðhúsi
Nefndarmenn
  • Halla Björk Reynisdóttir formaður
  • Þórhallur Jónsson
  • Þorvaldur Helgi Sigurpálsson
  • Hilda Jana Gísladóttir
  • Skarphéðinn Birgisson
  • Sunna Hlín Jóhannesdóttir áheyrnarfulltrúi
  • Sif Jóhannesar Ástudóttir áheyrnarfulltrúi
Starfsmenn
  • Pétur Ingi Haraldsson skipulagsfulltrúi
  • Steinmar Heiðar Rögnvaldsson byggingarfulltrúi
  • María Markúsdóttir fundarritari
  • Einar Sigþórsson verkefnastjóri skipulagsmála
  • Olga Margrét Kristínard. Cilia lögmaður
Fundargerð ritaði: Pétur Ingi Haraldsson forstöðumaður skipulagsmála
Dagskrá
Skarphéðinn Birgisson F-lista mætti í forföllum Jóns Hjaltasonar.
Þorvaldur Helgi Sigurpálsson M-lista mætti í forföllum Helga Sveinbjörns Jóhannssonar.

1.Dalvíkurlína 2 - aðalskipulagsbreyting

Málsnúmer 2021110081Vakta málsnúmer

Auglýsingu tillögu að breytingu á Aðalskipulagi Akureyrar 2018-2030 vegna áforma um Dalvíkurlínu 2 lauk þann 12. ágúst sl.

Engar athugasemdir bárust. Umsagnir bárust frá Minjastofnun Íslands, Umhverfisstofnun, Norðurorku og Hörgársveit.
Skipulagsráð leggur til við bæjarstjórn að hún samþykki framlagða tillögu að breytingu á Aðalskipulagi Akureyrar 2018-2030 skv. 1. mgr. 32. gr. skipulagslaga nr. 123/2010.

2.Akureyrarflugvöllur - umsókn um endurskoðun deiliskipulags

Málsnúmer 2023030991Vakta málsnúmer

Lögð fram tillaga Gísla Jóns Kristinssonar arkitekts f.h. Isavia ohf. að endurskoðun deiliskipulags Akureyrarflugvallar.

Tillagan felur í sér breytingu á Aðalskipulagi 2018-2030 þar sem hún gerir ráð fyrir að lóð við Drottningarbraut sem skilgreind er sem lóð fyrir slökkvistöð verði felld út.

Meðfylgjandi eru deiliskipulagsuppdráttur og greinargerð.
Skipulagsráð leggur til við bæjarstjórn að hún samþykki framlagða tillögu að deiliskipulagi og að hún verði auglýst skv. 41. gr. skipulagslaga nr. 123/2010 og að samhliða verði gerð óveruleg breyting á Aðalskipulagi Akureyrar 2018-2030 skv. 2. mgr. 36. gr. skipulagslaga.


Skipulagsráð telur mikilvægt að lóð fyrir slökkvistöð verði fundinn staður í vinnu við endurskoðun Aðalskipulags Akureyrar 2018-2030. Ráðið óskar eftir því að umhverfis- og mannvirkjasvið láti gera staðarvalsgreiningu á framtíðarstaðsetningu slíkrar lóðar.

3.Hafnarstræti 82 - fyrirspurn til skipulagsráðs

Málsnúmer 2023060492Vakta málsnúmer

Lögð fram umsögn Minjastofnunar Íslands dagsett 18. ágúst 2023 um tillögu Odds Kr. Finnbjarnarsonar f.h. lóðarhafa Hafnarstrætis 82 að útliti viðbyggingar við Hafnarstræti 82. Er um endurnýjaða tillögu að ræða þar sem Minjastofnun gaf neikvæða umsögn um tillögu sem lögð var fyrir skipulagsráð þann 5. júlí sl.
Að mati skipulagsráðs samræmist endurnýjuð tillaga skilmálum gildandi deiliskipulags fyrir Drottningarbrautarreit og er tillagan því samþykkt.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

4.Gránufélagsgata 19 - umsókn um breytingu á deiliskipulagi

Málsnúmer 2023081605Vakta málsnúmer

Erindi dagsett 28. ágúst 2023 þar sem Edda Bjarnadóttir f.h. Orlofsíbúða ehf. sækir um breytingu á deiliskipulagi fyrir Gránufélagsgötu 19. Sótt er um breytta notkun húsnæðis úr íbúðarhúsnæði í gistiheimili.
Skipulagsráð samþykkir að gerð verði breyting á deiliskipulagi til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010 og skal hún grenndarkynnt skv. 44. gr. laganna. Grenndarkynnt skal fyrir lóðarhöfum Lundargötu 9, 11 og 13 og Fróðasunds 4.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

5.Sunnuhlíð 15 - fyrirspurn varðandi skipulagsmál

Málsnúmer 2023090111Vakta málsnúmer

Erindi dagsett 4. september 2023 þar sem Stefán Þ. Ingólfsson sækir um breytta notkun húss nr. 15 við Sunnuhlíð. Sótt er um breytingu á einbýlishúsi í fjórar íbúðir.

Meðfylgjandi er afstöðumynd.
Skipulagsráð hafnar erindinu.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

6.Helgamagrastræti 2 - fyrirspurn varðandi skipulagsmál

Málsnúmer 2023081053Vakta málsnúmer

Erindi dagsett 22. ágúst 2023 þar sem Guðvarður Gíslason f.h. Evros ehf. sækir um rekstrarleyfisskylda gististarfsemi í húsi nr. 2 við Helgamagrastræti.
Skipulagsráð gerir ekki athugasemd við að gefið verði út leyfi fyrir rekstrarleyfisskyldri gististarfsemi í íbúðinni ef hún er leigð út í heilu lagi. Með því móti eykst ekki álag á bílastæði í götunni. Er heimildin með fyrirvara um samþykki allra eigenda í húsinu, sbr. ákvæði Aðalskipulags Akureyrar 2018-2030 um rekstrarleyfisskylda gististarfsemi í fjölbýlishúsum.

7.Brekkugata 45 - fyrirspurn varðandi skipulagsmál

Málsnúmer 2023081036Vakta málsnúmer

Erindi dagsett 22. ágúst 2023 þar sem Inga Sigrún Atladóttir leggur inn fyrirspurn varðandi skiptingu einbýlishúss á lóð nr. 45 við Brekkugötu í tvær íbúðir.
Skipulagsráð frestar afgreiðslu til næsta fundar.

8.Móasíða 1B - fyrirspurn varðandi skipulagsmál

Málsnúmer 2023050715Vakta málsnúmer

Grenndarkynningu áforma um gerð bílastæða innan lóðar nr. 1B við Móasíðu lauk þann 18. júlí sl.

Átta athugasemdir bárust við áformin sem fólu í sér gerð 14 bílastæða á vesturhluta lóðarinnar í stað fyrirhugaðs leiksvæðis.

Er nú lögð fram endurbætt tillaga þar sem komið er til móts við athugasemdir nágranna. Ný tillaga gerir ráð fyrir fækkun bílastæða, minnkun malbikaðs svæðis og uppsetningu skjólveggjar til að koma í veg fyrir ljósmengun.

Jafnframt eru lögð fram drög skipulagsfulltrúa að svörum við efni athugasemda.
Meirihluti skipulagsráðs samþykkir framlagða tillögu umsækjanda með þeim breytingum sem gerðar eru til að koma til móts við innkomnar athugasemdir. Jafnframt samþykkir skipulagsráð drög skipulagsfulltrúa að svörum við athugasemdum.


Hilda Jana Gísladóttir S-lista situr hjá við afgreiðslu málsins.

9.Glerárgil - efnisvinnsla

Málsnúmer 2023080372Vakta málsnúmer

Að beiðni Hildu Jönu Gísladóttur S-lista er umgengni og ásýnd svæðis meðfram Glerárgili undan Kotárborgum lögð fram til umræðu.

10.Ægisgata 7 - umsókn um byggingaráform og byggingarheimild

Málsnúmer 2023082170Vakta málsnúmer

Erindi dagsett 29. ágúst 2023 þar sem Árni Gunnar Kristjánsson f.h. Alexanders G. Eðvardssonar sækir um byggingaráform og byggingarheimild fyrir viðbyggingu á húsi nr. 7 við Ægisgötu á Akureyri.

Húsið er í dag nýtt sem íbúðarhús og gistiheimili.

Meðfylgjandi eru aðaluppdrættir.
Skipulagsráð samþykkir að grenndarkynna áformin skv. 44. gr. skipulagslaga nr. 123/2010.

Grenndarkynnt skal fyrir lóðarhöfum Ægisgötu 5 og 11 og Ránargötu 10 auk þess sem umsagnar Minjastofnunar Íslands skal aflað um áformin.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

11.Furuvellir 11 - umsókn um byggingaráform og byggingarheimild

Málsnúmer 2023081336Vakta málsnúmer

Erindi dagsett 24. ágúst 2023 þar sem Árni Gunnar Kristjánsson sækir um viðbyggingu við hús nr. 11 við Furuvelli.

Um er að ræða skýli yfir glerbrjót og gám við norðurenda hússins.

Meðfylgjandi eru skýringaruppdrættir.
Skipulagsráð samþykkir að grenndarkynna áformin skv. 44. gr. skipulagslaga nr. 123/2010.

Grenndarkynnt skal fyrir lóðarhöfum og rekstraraðilum í Furuvöllum 9 og 13 og Tryggvabraut 24.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.
Fylgiskjöl:

12.Sambíó Akureyri - fyrirspurn varðandi ljósaskilti

Málsnúmer 2023080806Vakta málsnúmer

Erindi dagsett 17. ágúst 2023 þar sem Björn Ásberg Árnason f.h. Sambíóa Akureyri sækir um uppsetningu ljósaskiltis á vegg húss nr. 4 við Ráðhústorg. Umrætt skilti er 4,8x2,7 m að flatarmáli.
Skipulagsráð frestar afgreiðslu.

13.Vottar Jehóva - umsókn um stöðuleyfi fyrir blaðastand

Málsnúmer 2022061139Vakta málsnúmer

Erindi dagsett 6. júní 2023 þar sem starfsnefnd Votta Jehóva á Akureyri sækir um stöðuleyfi fyrir tímaritastand við minnismerki um fyrsta flug til Akureyrar við Strandgötu.
Skipulagsráð hafnar erindinu.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

14.Skarðshlíð - umsókn um framkvæmdaleyfi fyrir lagningu ljósleiðara

Málsnúmer 2023081493Vakta málsnúmer

Erindi dagsett 25. ágúst 2023 þar sem Grétar Ómarsson f.h. Mílu ehf. sækir um framkvæmdaleyfi fyrir lagningu ljósleiðara í Skarðshlíð.

Meðfylgjandi eru skýringaruppdrættir.
Skipulagsráð samþykkir erindið og felur skipulagsfulltrúa að gefa út framkvæmdaleyfi þegar fullnægjandi gögn hafa borist.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

15.Óseyri - umsókn um framkvæmdaleyfi fyrir lagningu ljósleiðara

Málsnúmer 2023081206Vakta málsnúmer

Erindi dagsett 24. ágúst 2023 þar sem Árni Kristjánsson f.h. Tengis hf. sækir um framkvæmdaleyfi fyrir lagningu ljósleiðara í Óseyri.

Meðfylgjandi eru skýringaruppdráttur og framkvæmdalýsing.
Skipulagsráð samþykkir erindið og felur skipulagsfulltrúa að gefa út framkvæmdaleyfi þegar fullnægjandi gögn hafa borist.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

16.Holtahverfi norður - auglýsing lóða

Málsnúmer 2021070119Vakta málsnúmer

Lögð fram drög að úthlutunarskilmálum fyrir lóðir í Holtahverfi norður. Um er að ræða lóðirnar Þursaholt 14-18, Hulduholt 18, 20-26 og 29, og Álfaholt 4-6, 9-11 og 12-14. Um er að ræða tvær raðhúsalóðir, fjórar parhúsalóðir og eina einbýlishúsalóð.
Skipulagsráð leggur til við bæjarráð að það samþykki að lausum lóðum í Holtahverfi norður verði úthlutað eftir útboðsleið með lágmarksverði í samræmi við framlagða skilmála með þeim breytingum sem ræddar voru á fundinum.

17.Krákustígur 1 - stjórnsýslukæra vegna breytingar á deiliskipulagi fyrir Norður-Brekku

Málsnúmer 2023040101Vakta málsnúmer

Lagður fram til kynningar úrskurður úrskurðarnefndar umhverfis- og auðlindamála nr. 43/2023 í kæru sem varðar breytingu á deiliskipulagi fyrir Norður-Brekku, neðri hluta sem tekur til Krákustígs 1 (áður Oddeyrargötu 4b).

18.Fjárhagsáætlun þjónustu- og skipulagssviðs 2024

Málsnúmer 2023090427Vakta málsnúmer

Lögð fram drög að fjárhagsáætlun þjónustu- og skipulagssviðs fyrir skipulags- og byggingarmál.

19.Afgreiðslur byggingarfulltrúa

Málsnúmer 2022010178Vakta málsnúmer

Lögð fram til kynningar fundargerð 929. fundar, dagsett 17. ágúst 2023, með fullnaðarafgreiðslum erinda. Fundargerðin er í 5 liðum og er að finna á heimasíðu Akureyrarbæjar.

20.Afgreiðslur byggingarfulltrúa

Málsnúmer 2022010178Vakta málsnúmer

Lögð fram til kynningar fundargerð 930. fundar, dagsett 24. ágúst 2023, með fullnaðarafgreiðslum erinda. Fundargerðin er í 4 liðum og er að finna á heimasíðu Akureyrarbæjar.

21.Afgreiðslur byggingarfulltrúa

Málsnúmer 2022010178Vakta málsnúmer

Lögð fram til kynningar fundargerð 931. fundar, dagsett 31. ágúst 2023, með fullnaðarafgreiðslum erinda. Fundargerðin er í 7 liðum og er að finna á heimasíðu Akureyrarbæjar.

Fundi slitið - kl. 10:37.