Hafnarstræti 82 - fyrirspurn til skipulagsráðs

Erindi dagsett 8. júní 2023 þar sem Oddur Kr. Finnbjarnarson f.h. lóðarhafa Hafnarstrætis 82 leggur fram tillögu að útliti viðbyggingar við Hafnarstræti 82. Samkvæmt ákvæðum gildandi deiliskipulags er gert ráð fyrir viðbyggingu með sama útlit og núverandi hús. Nú er hins vegar lögð fram fyrirspurnartillaga sem felur í sér að útlit verði ekki eins en að hlutföll haldi sér.

Lögð fram umsögn Minjastofnunar Íslands dagsett 28. júní 2023 um tillögu Odds Kr. Finnbjarnarsonar f.h. lóðarhafa Hafnarstrætis 82 að útliti viðbyggingar við Hafnarstræti 82.

Málið var áður á dagskrá skipulagsráðs þann 14. júní sl. og var afgreiðslu frestað þar til umsögn Minjastofnunar lægi fyrir.

Lögð fram umsögn Minjastofnunar Íslands dagsett 18. ágúst 2023 um tillögu Odds Kr. Finnbjarnarsonar f.h. lóðarhafa Hafnarstrætis 82 að útliti viðbyggingar við Hafnarstræti 82. Er um endurnýjaða tillögu að ræða þar sem Minjastofnun gaf neikvæða umsögn um tillögu sem lögð var fyrir skipulagsráð þann 5. júlí sl.