Byggingar fyrir fatlað fólk í fyrirhuguðu deiliskipulagi

Laufey Þórðardóttir settur sviðsstjóri búsetusviðs kynnti formlegt erindi til skipulagsráðs Akureyrarbæjar, samantekt varðandi nauðsyn þess að gert sé ráð fyrir byggingum fyrir fatlað fólk með verulegar stuðningsþarfir í fyrirhuguðu deiliskipulagi Akureyrarbæjar.

Lagt fram bréf Laufeyjar Þórðardóttur starfandi sviðsstjóra búsetusviðs Akureyrarbæjar dagsett 6. maí 2019 þar sem óskað er eftir að gert verði ráð fyrir byggingum fyrir fatlað fólk með verulegar stuðningsþarfir þegar unnið er að gerð deiliskipulags innan Akureyrarbæjar. Samkvæmt 10 ára áætlun búsetusviðs er þörf á byggingu 36 íbúða í 6 kjörnum til ársins 2028.

Lagt fram til kynningar minnisblað sviðsstjóra skipulagssviðs dagsett 7. janúar 2020 um mögulega staðsetningu búsetukjarna fyrir fólk með verulegar stuðningsþarfir, til samræmis við áætlun búsetusviðs til næstu 10 ára.

Lagt fram minnisblað Karólínu Gunnarsdóttur sviðsstjóra búsetusviðs dagsett 7. október 2020 varðandi möguleikan á að nýta lóðina Krókeyri 1 fyrir byggingu búsetukjarna.

Erindi dagsett 9. október 2020 frá Pétri Inga Haraldssyni sviðsstjóra skipulagsviðs þar sem óskað er eftir umsögn stjórnar Akureyrarstofu um hvort að það kæmi til greina að nýta lóð, Krókeyri 1, fyrir nýjan búsetukjarna með öryggisvistun.