Fræðsluráð

40. fundur 02. nóvember 2020 kl. 13:30 - 15:30 Fjarfundur
Nefndarmenn
  • Ingibjörg Ólöf Isaksen formaður
  • Þorlákur Axel Jónsson
  • Ragnheiður Lilja Bjarnadóttir
  • Rósa Njálsdóttir
  • Þórhallur Harðarson
  • Þuríður Sólveig Árnadóttir áheyrnarfulltrúi
Starfsmenn
  • Karl Frímannsson sviðsstjóri fræðslusviðs
  • Árni Konráð Bjarnason forstöðumaður rekstrardeildar
  • Hafdís Ólafsdóttir fulltrúi leikskólakennara
  • Hanna Dóra Markúsdóttir fulltrúi grunnskólakennara
  • Hildigunnur Rut Jónsdóttir varamaður foreldra leikskólabarna
  • Hildur Lilja Jónsdóttir fulltrúi ungmennaráðs
  • Inda Björk Gunnarsdóttir fulltrúi leikskólastjóra
  • Jóhanna María Agnarsdóttir fulltrúi skólastjóra
  • Jóhann Gunnarsson fulltrúi foreldra grunnskólabarna
  • Erna Rós Ingvarsdóttir fundarritari
Fundargerð ritaði: Karl Frímannsson sviðsstjóri fræðslusviðs
Dagskrá
Anna Bergrós Arnarsdóttir fulltrúi grunnskólastjóra, Inda Björk Gunnarsdóttir fulltrúi leikskólastjóra og Sindri Kristjánsson fulltrúi foreldra leikskólabarna boðuðu forföll.

1.Skólaþjónusta leik- og grunnskóla - rannsókn 2020

Málsnúmer 2020100676Vakta málsnúmer

Birna Svanbjörnsdóttir lektor, Hermína Gunnþórsdóttir prófessor, Jórunn Elídóttir dósent og Sigríður Margrét Sigurðardóttir lektor við Háskólann á Akureyri sátu fundinn undir þessum lið. Birna Svanbjörnsdóttir og Hermína Gunnþórsdóttir kynntu skýrslu Háskólans á Akureyri um skólaþjónustu sveitarfélaga í leik-og grunnskólum.

2.Einelti - úttekt á verkferlum

Málsnúmer 2020100719Vakta málsnúmer

Sigríður Ingadóttir sérfræðingur á Miðstöð skólaþróunar við Háskólann á Akureyri sat fundinn undir þessum lið og kynnti niðurstöður úttektar MSHA á verkferlum vegna eineltismála í tónlistarskóla og leik- og grunnskólum Akureyrarbæjar.
Niðurstaða skýrslunnar gefur til kynna að ástæða er til að meðferð eineltismála í skólum bæjarins verði tekin til endurskoðunar í heild. Mikilvægt er að úrvinnsla slíkra mála sé markviss og þess eðlis að hún skapi öryggi og tiltrú meðal barna og foreldra á starfsháttum skóla.

Fræðsluráð felur sviðsstjóra að vinna áfram með Miðstöð skólaþróunar við HA að úrbótum og leggja fyrir fræðsluráð niðurstöðu þeirrar vinnu.

3.Rekstur fræðslumála 2020

Málsnúmer 2020010575Vakta málsnúmer

Árni K. Bjarnason forstöðumaður rekstrar lagði fram til kynningar stöðu rekstrar fræðslumála fyrstu níu mánaði ársins.

4.Skólalóðir - öryggismál

Málsnúmer 2020100713Vakta málsnúmer

Sviðsstjóri fræðslusviðs fór yfir og kynnti minnisblað um fyrirkomulag öryggiseftirlits á skólalóðum í leik- og grunnskólum Akureyrarbæjar þar sem fram kom að öryggiseftirlit er almennt í góðu standi.
Fræðsluráð telur mikilvægt að öryggistrúnaðarráð hvers skóla beri ábyrgð á skipulagi, verklagi og framkvæmd við öryggiseftirlit á skólalóðum í samvinnu við skólastjóra. Jafnframt telur ráðið að samþykkt skjöl og öryggishandbók skuli liggja til grundvallar eftirlitinu og bæði gögn og niðurstöður eftirlitsins séu gerð opinber.

Fræðsluráð felur sviðsstjóra að fylgja málinu eftir.

5.Vinnutímaskráning

Málsnúmer 2020100909Vakta málsnúmer

Fyrirkomulag vinnutímaskráningar grunnskólakennara tekið til umræðu.
Fræðsluráð telur ástæðu til að skoða kosti og galla vinnutímaskráningar eins og hún er í dag og endurskoða fyrirkomulag hennar út frá þeim niðurstöðum. Þá sé lagt til að byrjað sé að horfa á viðbótarskráningu.

6.Sveigjanlegt starfsumhverfi - bókun 3

Málsnúmer 2020100504Vakta málsnúmer

Bókun 3 í kjarasamningi Félags grunnskólakennara tekin til umræðu.
Fræðsluráð tekur undir mikilvægi þess að gagnkvæmur sveigjanleiki sé til staðar í starfsumhverfi grunnskólakennara líkt og fram kemur í bókun 3 í kjarasamningi FG og SNS og hvetur skólastjóra til að skapa kennurum eins sveigjanlegt starfsumhverfi og kostur er. Líkt og fram kemur í bókuninni getur sveigjanleiki verið mismunandi eftir skólum og einstaklingum og hafa skólastjórnendur fullan stuðning fræðsluráðs til að útfæra sveigjanleikann eins og best hentar skólastarfi og starfsfólki á hverjum stað, í samvinnu við sviðsstjóra fræðslusviðs.

Fræðsluráð er einhuga um að fela sviðsstjóra fræðslusviðs að vinna með stjórnendum að útfærslu á ákvæðum bókunarinnar svo auka megi samræmi milli vinnu og einkalífs.

7.Samþykkt fyrir fræðsluráð

Málsnúmer 2020100881Vakta málsnúmer

Uppfærð samþykkt fyrir fræðsluráð lögð fram til staðfestingar.
Fræðsluráð samþykkti samhljóða.

Fundi slitið - kl. 15:30.