Fræðsluráð

14. fundur 02. ágúst 2018 kl. 13:30 - 15:30 Glerárgata 26, kálfur, fundarherbergi
Nefndarmenn
  • Ingibjörg Ólöf Isaksen formaður
  • Heimir Haraldsson
  • Hildur Betty Kristjánsdóttir
  • Rósa Njálsdóttir
  • Þórhallur Harðarson
  • Þuríður Sólveig Árnadóttir áheyrnarfulltrúi
Starfsmenn
  • Karl Frímannsson sviðsstjóri fræðslusviðs ritaði fundargerð
  • Árni Konráð Bjarnason forstöðumaður rekstrardeildar
  • Bryndís Björnsdóttir fulltrúi skólastjóra
  • Jóhann Gunnarsson fulltrúi foreldra grunnskólabarna
  • Jakobína Elín Áskelsdóttir fulltrúi leikskólastjóra
  • Ingunn Högnadóttir fulltrúi foreldra leikskólabarna
  • Jörundur Guðni Sigurbjörnsson fulltrúi ungmennaráðs
Fundargerð ritaði: Karl Frímannsson sviðsstjóri fræðslusviðs
Dagskrá

1.Trúnaðaryfirlýsing bæjarfulltrúa, nefndamanna og áheyrnarfulltrúa 2018 - 2022

2018060368

Viðstaddir nefndarmenn og áheyrnarfulltrúar undirrituðu trúnaðaryfirlýsingu.

2.Trúnaðaryfirlýsing starfsmanna ráða og nefnda 2018 - 2022

2018060369

Viðstaddir starfsmenn fræðsluráðs undirrituðu trúnaðaryfirlýsingu ritara og starfsmanna nefnda.

3.Íslenska sem annað mál - ársskýrsla 2017-2018

2014110199

Fjallað var um ársskýrslu 2017-2018 um þjónustu við börn með íslensku sem annað tungumál.

4.Brekkuskóli - hugmyndir frá nemendum

2018050294

Erindi, dagsett í maí 2018, frá nemendum í 7. og 8. bekk í Brekkuskóla þar sem þau koma á framfæri hugmyndum sínum um hvað ný bæjarstjórn gæti bætt fyrir krakka og unglinga á Akureyri á nýju kjörtímabili.
Fræðsluráð þakkar nemendum fyrir erindið.

5.Brekkuskóli - hljóðvist í matsal

2018030266

Erindi dagsett 22. febrúar 2018 frá Stellu Gústafsdóttur f.h. Brekkuskóla þar sem óskað er eftir að gerðar verði úrbætur á matsal skólans vegna hljóðvistar.
Erindinu er vísað til fjárhagsáætlanagerðar fræðslusviðs 2019-2022.

6.Ósk um ráðningu verkefnisstjóra í Brekkuskóla

2018070570

Erindi dagsett 7. febrúar frá Stellu Gústafsdóttur skólastjóra Brekkuskóla þar sem óskað er eftir heimild til að ráða verkefnisstjóra að skólanum.
Erindinu er vísað til fjárhagsáætlanagerðar fræðslusviðs 2019-2022.

7.Viðauki vegna málskostnaðar Lundarskóla

2018070574

Í framhaldi af dómi Héraðsdóms Norðurlands eystra (nr. E-123/2016) frá 3. apríl 2018 í máli kennara við Lundarskóla liggur fyrir að heildarkostnaður Lundarskóla vegna málsins er kr. 7.038.051. Byggir sú upphæð á kröfuútreikningum, byggðum á bótakröfum og framlagðri matsgerð dómkvaddra matsmanna, málskostnaði og lögfræðikostnaði.
Málinu er vísað til 2. umræðu í fræðsluráði skv. verklagsreglum Akureyrarkaupstaðar.

8.Rekstur fræðslumála 2018

2018030030

Árni K. Bjarnason forstöðumaður rekstrardeildar fór yfir rekstur fræðslumála frá janúar til júní 2018.

9.Fjárhagsáætlun fræðslusviðs 2019-2022

2018060289

Árni K. Bjarnason forstöðumaður rekstrardeildar fór yfir verkáætlun og stöðu fjárhagsáætlunargerðar fræðslusviðs 2019-2022.

Fundi slitið - kl. 15:30.