Bæjarstjórn

Hlusta

3533. fundur 19. september 2023 kl. 16:00 - 17:18 Fundarsalur á 1. hæð í Ráðhúsi

Nefndarmenn

Halla Björk Reynisdóttir forseti bæjarstjórnar
Heimir Örn Árnason
Hlynur Jóhannsson
Jana Salóme I. Jósepsdóttir
Brynjólfur Ingvarsson
Gunnar Már Gunnarsson
Andri Teitsson
Hilda Jana Gísladóttir
Hulda Elma Eysteinsdóttir
Lára Halldóra Eiríksdóttir
Sunna Hlín Jóhannesdóttir

Starfsmenn

Ásthildur Sturludóttir bæjarstjóri
Olga Margrét Kristínard. Cilia lögfræðingur
Inga Þöll Þórgnýsdóttir bæjarlögmaður ritaði fundargerð

Fundargerð ritaði: Jón Þór Kristjánsson forstöðumaður þjónustu og þróunar

Dagskrá

1.Sameining framhaldsskóla á Akureyri

Málsnúmer 2023090488 Vakta málsnúmer

Rætt um fyrirhugaða sameiningu framhaldsskólanna á Akureyri.

Halla Björk Reynisdóttir kynnti.

Til máls tóku Hilda Jana Gísladóttir, Jana Salóme Ingibjargar Jósepsdóttir, Gunnar Már Gunnarsson, Hulda Elma Eysteinsdóttir, Lára Halldóra Eiríksdóttir, Heimir Örn Árnason, Sunna Hlín Jóhannesdóttir, Hlynur Jóhannsson og Halla Björk Reynisdóttir.

Halla Björk Reynisdóttir L-lista, Heimir Örn Árnason D-lista, Hulda Elma Eysteinsdóttir L-lista, Andri Teitsson L-lista, Hlynur Jóhannsson M-lista, Lára Halldóra Eiríksdóttir D-lista, Hilda Jana Gísladóttir S-lista, Jana Salóme Ingibjargar Jósepsdóttir V-lista, Gunnar Már Gunnarsson B-lista og Brynjólfur Ingvarsson óflokksbundinn óska bókað:

Við teljum einsýnt að skortur sé á trausti milli aðila, í allri umræðu um fyrirhugaða sameiningu/samstarf VMA og MA. Farið var of geyst, undirbúningi ábótavant og samráð hefði þurft að vera meira. Við leggjumst gegn sameiningu framhaldsskólanna tveggja á forsendum sparnaðar og hvetjum ráðherra til að veita skólasamfélögunum meira svigrúm til að koma saman og móta sér framtíðarsýn á eigin forsendum.

Sunna Hlín Jóhannesdóttir B-lista óskar bókað:

Ég sem kennari í Verkmenntaskólanum á Akureyri tel mig eiga hagsmuna að gæta þar sem ég kenni á braut sem hefur átt undir högg að sækja og kýs því að bóka ekki með meirihluta bæjarstjórnar á grundvelli 5. og 6. töluliðar 3. gr. stjórnsýslulaga.

2.Fjárhagsáætlun Akureyrarbæjar 2023-2026 - viðauki

Málsnúmer 2022042596 Vakta málsnúmer

Liður 3 í fundargerð bæjarráðs dagsettri 14. september 2023:

Lagður fram viðauki 5.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hagþjónustu og áætlanagerðar sátu fund bæjarráðs undir þessum lið.

Bæjarráð samþykkir viðauka 5 og vísar honum til staðfestingar í bæjarstjórn. Viðaukinn er til kominn vegna aukinna fjárheimilda við framkvæmdir í Glerárskóla, 30 m.kr., og vegna aukins viðhalds félagslegra íbúða, 50 m.kr.

Heimir Örn Árnason kynnti.

Til máls tóku Sunna Hlín Jóhannesdóttir og Hilda Jana Gísladóttir.

Bæjarstjórn samþykkir viðauka 5 með 11 samhljóða atkvæðum.

Fylgiskjöl:

Viðauki 5 2023.pdf

3.Ársreikningur Akureyrarbæjar fyrir árið 2023 - árshlutauppgjör

Málsnúmer 2023090474 Vakta málsnúmer

Liður 5 í fundargerð bæjarráðs dagsettri 14. september 2023:

Lagt fram árshlutauppgjör janúar-júní 2023.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hagþjónustu og áætlanagerðar sátu fund bæjarráðs undir þessum lið.

Bæjarfulltrúarnir Halla Björk Reynisdóttir, Gunnar Már Gunnarsson og Andri Teitsson sátu fund bæjarráðs undir þessum lið. Þá sat Lára Halldóra Eiríksdóttir undir þessum lið í gegnum fjarfundarbúnað.

Bæjarráð vísar árshlutauppgjöri til umræðu í bæjarstjórn.

Ásthildur Sturludóttir bæjarstjóri kynnti.

Bæjarstjórn staðfestir árshlutauppgjörið með 11 samhljóða atkvæðum.

Fylgiskjöl:

Árshlutareikningur - Akureyrarbæjar 6 mán 2023 - fyrir bæjarráð 14.09.2023.pdf

4.Akureyrarflugvöllur - umsókn um endurskoðun deiliskipulags

Málsnúmer 2023030991 Vakta málsnúmer

Liður 2 í fundargerð skipulagsráðs dagsettri 13. september 2023:

Lögð fram tillaga Gísla Jóns Kristinssonar arkitekts f.h. Isavia ohf. að endurskoðun deiliskipulags Akureyrarflugvallar. Tillagan felur í sér breytingu á Aðalskipulagi 2018-2030 þar sem hún gerir ráð fyrir að lóð við Drottningarbraut sem skilgreind er sem lóð fyrir slökkvistöð verði felld út. Meðfylgjandi eru deiliskipulagsuppdráttur og greinargerð.

Skipulagsráð leggur til við bæjarstjórn að hún samþykki framlagða tillögu að deiliskipulagi og að hún verði auglýst skv. 41. gr. skipulagslaga nr. 123/2010 og að samhliða verði gerð óveruleg breyting á Aðalskipulagi Akureyrar 2018-2030 skv. 2. mgr. 36. gr. skipulagslaga. Skipulagsráð telur mikilvægt að lóð fyrir slökkvistöð verði fundinn staður í vinnu við endurskoðun Aðalskipulags Akureyrar 2018-2030. Ráðið óskar eftir því að umhverfis- og mannvirkjasvið láti gera staðarvalsgreiningu á framtíðarstaðsetningu slíkrar lóðar.

Hulda Elma Eysteinsdóttir kynnti.

Bæjarstjórn samþykkir með 11 samhljóða atkvæðum framlagða tillögu að deiliskipulagi og að hún verði auglýst skv. 41. gr. skipulagslaga nr. 123/2010. Jafnframt er samþykkt að samhliða verði gerð breyting á Aðalskipulagi Akureyrar 2018-2030 og er að mati bæjarstjórnar um óverulega breytingu að ræða skv. 2. mgr. 36. gr. skipulagslaga. Bæjarstjórn tekur undir bókun skipulagsráðs varðandi lóð fyrir slökkvistöð og felur umhverfis- og mannvirkjasviði að láta gera staðarvalsgreiningu á framtíðarstaðsetningu slíkrar lóðar.

Fylgiskjöl:

5.Dalvíkurlína 2 - aðalskipulagsbreyting

Málsnúmer 2021110081 Vakta málsnúmer

Liður 1 í fundargerð skipulagsráðs dagsettri 13. september 2023:

Auglýsingu tillögu að breytingu á Aðalskipulagi Akureyrar 2018-2030 vegna áforma um Dalvíkurlínu 2 lauk þann 12. ágúst sl. Engar athugasemdir bárust. Umsagnir bárust frá Minjastofnun Íslands, Umhverfisstofnun, Norðurorku og Hörgársveit.

Skipulagsráð leggur til við bæjarstjórn að hún samþykki framlagða tillögu að breytingu á Aðalskipulagi Akureyrar 2018-2030 skv. 1. mgr. 32. gr. skipulagslaga nr. 123/2010.

Hulda Elma Eysteinsdóttir kynnti.

Bæjarstjórn samþykkir með 11 samhljóða atkvæðum framlagða tillögu að breytingu á Aðalskipulagi Akureyrar 2018-2030 skv. 1. mgr. 32. gr. skipulagslaga nr. 123/2010.

Fylgiskjöl:

6.Úrgangsmál - fyrirkomulag og útboð

Málsnúmer 2022110167 Vakta málsnúmer

Lögð fram til síðari umræðu í bæjarstjórn samþykkt um meðhöndlun úrgangs í Akureyrarbæ. Heilbrigðisnefnd Norðurlands eystra samþykkti drög að samþykktinni á fundi sínum 3. maí sl. og umhverfis- og mannvirkjaráð Akureyrarbæjar þann 6. júní sl. Fyrri umræða var í bæjarstjórn 20. júní sl. og var málinu þá vísað til síðari umræðu.

Andri Teitsson kynnti.

Til máls tók Hilda Jana Gísladóttir.

Bæjarstjórn samþykkir með 11 samhljóða atkvæðum framlagða samþykkt um meðhöndlun úrgangs í Akureyrarbæ. Bæjarstjórn felur bæjarlögmanni að senda samþykktina til staðfestingar ráðherra umhverfis-, orku- og loftslagsmála.

7.Kosning nefnda, breytingar í nefndum og fræðsla nefndarmanna 2022-2026

Málsnúmer 2022030877 Vakta málsnúmer

Lögð fram tillaga Hildu Jönu Gísladóttur (S) um breytingu á skipan fulltrúa í umhverfis- og mannvirkjaráði. Hilda Jana verði aðalmaður í stað Jönu Salóme Ingibjargar Jósepsdóttur.