Bæjarstjórn

3459. fundur 17. september 2019 kl. 16:00 - 18:05 Hamrar í Hofi
Nefndarmenn
  • Halla Björk Reynisdóttir forseti bæjarstjórnar
  • Heimir Haraldsson
  • Hlynur Jóhannsson
  • Andri Teitsson
  • Guðmundur Baldvin Guðmundsson
  • Hilda Jana Gísladóttir
  • Ingibjörg Ólöf Isaksen
  • Eva Hrund Einarsdóttir
  • Gunnar Gíslason
  • Sóley Björk Stefánsdóttir
  • Þórhallur Jónsson
Starfsmenn
  • Ásthildur Sturludóttir bæjarstjóri
  • Kristín Sóley Sigursveinsdóttir fundarritari
Fundargerð ritaði: Kristín Sóley Sigursveinsdóttir forstöðumaður upplýsinga- og þjónustudeildar
Dagskrá

1.Ársreikningur Akureyrarbæjar fyrir árið 2019 - árshlutauppgjör

2019090149

Liður 2 í fundargerð bæjarráðs dagsettri 12. september 2019:

Lagt fram óendurskoðað árshlutauppgjör janúar-júní 2019.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð vísar óendurskoðuðu árshlutauppgjöri janúar-júní 2019 til umræðu í bæjarstjórn.

Guðmundur Baldvin Guðmundsson kynnti árshlutauppgjörið.

Í umræðum tóku til máls Gunnar Gíslason, Ingibjörg Ólöf Isaksen, Guðmundur Baldvin Guðmundsson, Gunnar Gíslason (í annað sinn), Guðmundur Baldvin Guðmundsson, Sóley Björk Stefánsdóttir og Guðmundur Baldvin Guðmundsson.
Bæjarstjórn staðfestir árshlutauppgjörið með 11 samhljóða atkvæðum.

2.Fjárhagsáætlun Akureyrarbæjar 2019 - viðauki

2018050147

Liður 6 í fundargerð bæjarráðs dagsettri 12. september 2019:

Lagður fram viðauki 6.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir framlagðan viðauka 6, rekstrarútgjöld samtals að upphæð 95,2 milljónir króna, með 5 samhljóða atkvæðum, og vísar honum til staðfestingar í bæjarstjórn.

Guðmundur Baldvin Guðmundsson kynnti efni viðaukans.
Bæjarstjórn staðfestir ákvörðun bæjarráðs með 11 samhljóða atkvæðum.

3.Í skugga valdsins #metoo

2017120072

Þann 12. desember 2017 samþykkti bæjarstjórn Akureyrarbæjar, í kjölfar #metoo umræðu í samfélaginu, að fela bæjarráði að skipa starfshóp sem hefði það verkefni að útbúa viðbragðsáætlun vegna ofbeldis, áreitis og/eða kynferðislegrar áreitni sem kjörnir fulltrúar kunna að verða fyrir í störfum sínum fyrir bæinn. Áætlun skyldi unnin í samstarfi við Samband íslenskra sveitarfélaga og stjórnmálaflokka á Akureyri. Starfshópurinn fékk einnig það verkefni að yfirfara siðareglur og nýliðafræðslu kjörinna fulltrúa.

Eva Hrund Einarsdóttir gerði grein fyrir störfum hópsins.

Í umræðum tóku til máls Gunnar Gíslason, Hilda Jana Gísladóttir, Sóley Björk Stefánsdóttir, Halla Björk Reynisdóttir, Ingibjörg Ólöf Isaksen og Heimir Haraldsson.

4.Siðareglur kjörinna fulltrúa

2009090017

Liður 1 í fundargerð bæjarráðs dagsettri 22. ágúst 2019:

Kynnt tillaga að breytingum á siðareglum fyrir kjörna fulltrúa og tillaga að samskiptareglum fyrir kjörna fulltrúa.

Bæjarfulltrúarnir Eva Hrund Einarsdóttir og Andri Teitsson ásamt Höllu Margréti Tryggvadóttur sviðsstjóra stjórnsýslusviðs skipa starfshóp sem vann tillöguna og sátu þau fund bæjarráðs undir þessum lið.

Ingibjörg Ólöf Isaksen bæjarfulltrúi sat einnig fundinn undir þessum lið.

Bæjarráð vísar siðareglum og samskiptareglum til umræðu í bæjarstjórn 3. september nk.

Eva Hrund Einarsdóttir kynnti fyrirliggjandi tillögu að breyttum siðareglum kjörinna fulltrúa.

Í umræðum tóku til máls Ingibjörg Ólöf Isaksen, Sóley Björk Stefánsdóttir, Hilda Jana Gísladóttir, Gunnar Gíslason og Hlynur Jóhannsson.
Bæjarstjórn samþykkir siðareglur kjörinna fulltrúa með 11 samhljóða atkvæðum.

5.Samskiptasáttmáli kjörinna fulltrúa

2009090017

Liður 1 í fundargerð bæjarráðs dagsettri 22. ágúst 2019:

Kynnt tillaga að breytingum á siðareglum fyrir kjörna fulltrúa og tillaga að samskiptareglum fyrir kjörna fulltrúa.

Bæjarfulltrúarnir Eva Hrund Einarsdóttir og Andri Teitsson ásamt Höllu Margréti Tryggvadóttur sviðsstjóra stjórnsýslusviðs skipa starfshóp sem vann tillöguna og sátu þau fund bæjarráðs undir þessum lið.

Ingibjörg Ólöf Isaksen bæjarfulltrúi sat einnig fundinn undir þessum lið.

Bæjarráð vísar siðareglum og samskiptareglum til umræðu í bæjarstjórn 3. september nk.

Andri Teitsson kynnti fyrirliggjandi tillögu að samskiptasáttmála kjörinna fulltrúa.

Í umræðum tóku til máls Guðmundur Baldvin Guðmundsson, Sóley Björk Stefánsdóttir, Hilda Jana Gísladóttir og Halla Björk Reynisdóttir.
Bæjarstjórn samþykkir samskiptasáttmála kjörinna fulltrúa með 11 samhljóða atkvæðum.

6.Hagsmunaskráning bæjarfulltrúa - reglur 2019

2019080252

Liður 3 í fundargerð bæjarráðs dagsettri 22. ágúst 2019:

Lögð fram tillaga starfshóps að reglum um skráningu bæjarfulltrúa Akureyrarbæjar á fjárhagslegum hagsmunum og trúnaðarstörfum.

Bæjarfulltrúarnir Eva Hrund Einarsdóttir og Andri Teitsson ásamt Höllu Margréti Tryggvadóttur sviðsstjóra stjórnsýslusviðs skipa starfshóp sem vann tillöguna og sátu þau fund bæjarráðs undir þessum lið.

Bæjarráð vísar tillögunum til umræðu og afgreiðslu í bæjarstjórn 3. september nk.

Andri Teitsson kynnti tillögu að leiðbeiningum um skráningu bæjarfulltrúa á fjárhagslegum hagsmunum og trúnaðarstörfum.

Í umræðum tóku til máls Guðmundur Baldvin Guðmundsson, Hlynur Jóhannsson, Sóley Björk Stefánsdóttir og Eva Hrund Einarsdóttir.
Bæjarráð samþykkir leiðbeiningar um skráningu kjörinna fulltrúa á fjárhagslegum hagsmunum og trúnaðarstörfum hjá Akureyrarbæ með 11 samhljóða atkvæðum.

7.Skýrsla bæjarstjóra

2010090095

Ásthildur Sturludóttir bæjarstjóri fór yfir helstu atriði í störfum sínum frá síðasta fundi bæjarstjórnar.
Eftirtaldar fundargerðir eru lagðar fram til kynningar:

Afgreiðslufundur byggingarfulltrúa 6. og 12. september 2019
Bæjarráð 5. og 12. september 2019
Frístundaráð 11. september 2019
Fræðsluráð 2. september 2019
Skipulagsráð 11. september 2019
Stjórn Akureyrarstofu 12. september 2019
Umhverfis- og mannvirkjaráð 30. ágúst og 6. september 2019
Velferðarráð 4. september 2019

Hægt er að nálgast fundargerðirnar á heimasíðu Akureyrarbæjar: https://www.akureyri.is/is/stjornkerfi/stjornsysla/fundargerdir

Fundi slitið - kl. 18:05.