Bæjarráð

3323. fundur 14. júní 2012 kl. 09:00 - 10:34 Bæjarstjórnarsalur á 4. hæð í Ráðhúsi
Nefndarmenn
  • Halla Björk Reynisdóttir formaður
  • Geir Kristinn Aðalsteinsson
  • Oddur Helgi Halldórsson
  • Andrea Sigrún Hjálmsdóttir
  • Guðmundur Baldvin Guðmundsson
  • Hermann Jón Tómasson áheyrnarfulltrúi
  • Ólafur Jónsson áheyrnarfulltrúi
  • Sigurður Guðmundsson áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Dan Jens Brynjarsson fjármálastjóri
  • Jón Bragi Gunnarsson hagsýslustjóri
  • Heiða Karlsdóttir fundarritari
Dagskrá

1.Dalsbraut sunnan Þingvallastrætis og nágrenni - deiliskipulag - úrskurður úrskurðarnefndar umhverfis- og auðlindamála

2011050111

Inga Þöll Þórgnýsdóttir bæjarlögmaður og Pétur Bolli Jóhannesson skipulagsstjóri mættu á fund bæjarráðs undir þessum lið og kynntu úrskurð úrskurðarnefndar umhverfis- og auðlindamála dags. 8. júní 2012 vegna kæru á deiliskipulagi Dalsbrautar.
Niðurstaða úrskurðarnefndarinnar er sú að deiliskipulagstillagan hafi fengið lögformlega rétta málsmeðferð samkvæmt skipulagslögum. Í úrskurðinum kemur einnig fram að ákvæði deiliskipulags um lagningu brautarinnar fari ekki gegn réttmætum væntingum kærenda um þróun samgöngumannvirkja á skipulagssvæðinu. Úrskurðarnefndin kemst þó að þeirri niðurstöðu að misræmi sé á milli aðalskipulags og hins kærða deiliskipulags að því leyti að ekki eru sýndar tengingar á aðalskipulagi við lóð Lundarskóla og íþróttasvæði KA. Þessir tæknilegu annmarkar varða nyrðri hluta Dalsbrautar og verða leiðréttir af skipulagsyfirvöldum. Niðurstaða ÚUA hefur ekki áhrif á framkvæmdir við suður hluta Dalsbrautar og er áformað að þær hefjist á allra næstu dögum.
Lagt fram til kynningar.

2.Ungmennaráð - starfsemi 2010-2012

2011030133

1. liður í fundargerð samfélags- og mannréttindaráðs dags. 6. júní 2012:
Fulltrúar úr ungmennaráði Akureyrarbæjar komu á fundinn til að ræða sumartómstundir barna og sumarstörf unglinga og ungs fólks.
Alfa Aradóttir forstöðumaður æskulýðsmála sat fundinn undir þessum lið.
Samfélags- og mannréttindaráð þakkar fulltrúum ungmennaráðs fyrir góðar umræður.
Ráðið hvetur nefndir bæjarins til að senda ungmennaráði erindi til umfjöllunar.

Bæjarráð tekur undir bókun samfélags- og mannréttindaráðs.

3.Þórunnarstræti 99 - Húsmæðraskólinn - ráðstöfun eignar

2012010071

4. liður í fundargerð stjórnar Fasteigna Akureyrarbæjar dags. 8. júní 2012:
Lögð fram drög að kaupsamningi á 75% hluta ríkissjóðs í Þórunnarstræti 99.
Stjórn Fasteigna Akureyrarbæjar samþykkir kaupsamninginn fyrir sitt leyti.

Bæjarráð samþykkir kaupsamninginn.

4.Öldrunarheimili Akureyrar - viðauki við samning um byggingu hjúkrunarrýma

2009070007

Lögð fram til kynningar drög að viðauka við samning um uppbyggingu og þátttöku í leigu hjúkrunarheimilis fyrir aldraða á Akureyri dags. 11. maí 2010.

5.Fjárhagsáætlun Akureyrarbæjar 2013 - forsendur og fjárhagsáætlunarferli

2012060047

Lagðar fram forsendur og fjárhagsáætlunarferli vegna fjárhagsáætlunargerðar 2013.

Bæjarráð samþykkir framlagðar forsendur og fjárhagsáætlunarferli fyrir árið 2013.

6.Fjárhagsáætlun Akureyrarbæjar 2013 - tekju- og fjárhagsrammar

2012060047

Lögð fram tillaga að tekju- og fjárhagsrömmum ársins 2013.

Bæjarráð vísar fjárhagsrömmum til umfjöllunar í nefndum bæjarins og óskar eftir athugasemdum fyrir 18. ágúst nk.

Fundi slitið - kl. 10:34.