Bæjarráð

3482. fundur 12. nóvember 2015 kl. 08:30 - 11:38 Bæjarstjórnarsalur á 4. hæð í Ráðhúsi
Nefndarmenn
  • Guðmundur Baldvin Guðmundsson formaður
  • Logi Már Einarsson
  • Matthías Rögnvaldsson
  • Gunnar Gíslason
  • Margrét Kristín Helgadóttir
  • Sóley Björk Stefánsdóttir áheyrnarfulltrúi
Starfsmenn
  • Eiríkur Björn Björgvinsson bæjarstjóri
  • Heiða Karlsdóttir fundarritari
Dagskrá

1.Fjárhagsáætlun Akureyrarbæjar 2016-2019

2015040196

Unnið að gerð fjárhagsáætlunar.
Helgi Jóhannesson forstjóri og Geir Kristinn Aðalsteinsson formaður stjórnar Norðurorku hf mættu á fund bæjarráðs undir þessum lið. Einnig sat Dan Jens Brynjarsson fjármálastjóri fundinn undir þessum lið.
Bæjarráð þakkar Helga og Geir Kristni komuna á fundinn.

2.Greið leið ehf - hlutafjáraukning

2012090013

Erindi dagsett 6. nóvember 2015 frá Pétri Þór Jónassyni formanni stjórnar Greiðar leiðar ehf varðandi hækkun á hlutafé félagsins og hvort Akureyrarbær hyggst nýta forkaupsrétt sinn.
Einnig er óskað eftir að hluthafar staðfesti að þeir falli frá forkaupsrétti á 1,1 milljón kr.
Dan Jens Brynjarsson fjármálastjóri sat fund bæjarráðs undir þessum lið.
Bæjarráð samþykkir að nýta forkaupsrétt Akureyrarbæjar í 38.900.000 kr. hlutafjáraukningu, hlutur Akureyrarbæjar í aukningunni er 69,78%, eða 27.144.635. kr.
Bæjarráð samþykkir einnig að falla frá forkaupsrétti á 1,1 milljón kr.

3.Samþykkt um stjórn og fundarsköp Akureyrarkaupstaðar - endurskoðun 2015

2015020055

2. liður í fundargerð bæjarstjórnar dagsett 20. október 2015:
5. liður í fundargerð bæjarráðs dagsett 11. september 2015:
Ræddar hugmyndir að breytingum á Samþykkt um stjórn og fundarsköp Akureyrarkaupstaðar.
Bæjarráð vísar umræðum um breytingu á Samþykkt um stjórn og fundarsköp Akureyrarkaupstaðar til bæjarstjórnar.
Bæjarstjórn samþykkir með 11 samhljóða atkvæðum að vísa málinu til bæjarráðs og óskar eftir að ráðið geri tillögur að breytingum.
Inga Þöll Þórgnýsdóttir bæjarlögmaður sat fund bæjarráðs undir þessum lið.
Bæjarráð frestar afgreiðslu.

4.Öldrunarheimili Akureyrarbæjar - rekstrarúttekt

2015090082

Magnús Kristjánsson frá KPMG mætti á fund bæjarráðs og fór yfir stöðu mála vegna úttektar á rekstri ÖA.
Bæjarráð þakkar Magnúsi komuna á fundinn.

5.Isavia - Akureyrarflugvöllur

2015110068

Rætt um málefni Akureyrarflugvallar.

6.Hverfisráð Hríseyjar - fundargerð

2010020035

Lögð fram til kynningar 95. fundargerð hverfisráðs Hríseyjar dagsett 30. október 2015. Fundargerðina má finna á netslóðinni: http://www.akureyri.is/is/stjornkerfid/hverfisnefndir/hrisey/fundargerdir

7.Hverfisnefnd Oddeyrar - fundargerðir 2015

2015010103

Lögð fram fundargerð 64. fundar hverfisnefndar Oddeyrar dagsett 27. október 2015.
Fundargerðina má finna á vefslóðinni:
http://www.akureyri.is/is/stjornkerfid/hverfisnefndir/oddeyri/fundargerdir
Bæjarráð vísar fundargerðinni til skipulagsdeildar.

8.Stjórn Sambands íslenskra sveitarfélaga - fundargerðir 2015

2015010106

Lögð fram til kynningar fundargerð 831. fundar stjórnar Sambands íslenskra sveitarfélaga dagsett 30. október 2015. Fundargerðina má finna á vefslóðinni: http://www.samband.is/um-okkur/fundargerdir-stjornar/searchmeetings.aspx

9.Landsfundur jafnréttisnefnda sveitarfélaga 2015

2015080100

2. liður í fundargerð samfélags- og mannréttindaráðs dagsett 5. nóvember 2015:
Sagt var frá landsfundi jafnréttisnefnda sveitarfélaga sem haldinn var á Fljótsdalshéraði 8. og 9. október sl. Þrír fulltrúar úr ráðinu sóttu fundinn ásamt framkvæmdastjóra. Lagðar voru fram ályktanir fundarins, niðurstöðum úr starfshópum ásamt erindum sem flutt voru.
Samfélags- og mannréttindaráð samþykkir að vísa ályktunum fundarins til bæjarráðs.
Lagt fram til kynningar.

Fundi slitið - kl. 11:38.