Afgreiðslufundur skipulagsstjóra

339. fundur 09. mars 2011 kl. 13:00 - 15:14 Fundarherbergi skipulagsdeild
Nefndarmenn
  • Pétur Bolli Jóhannesson skipulagsstjóri
  • Leifur Þorsteinsson
  • Ólafur Jakobsson
  • Stefanía G Sigmundsdóttir fundarritari
Fundargerð ritaði: Leifur Kristján Þorsteinsson verkefnastjóri
Dagskrá

1.Furulundur 10 - umsókn um byggingarleyfi.

Málsnúmer BN110011Vakta málsnúmer

Erindi dagsett 10. janúar 2011 þar sem Ágúst Hafsteinsson f.h. húsfélags Furulundar 10, kt. 650568-2229, sækir um byggingarleyfi fyrir breytingum innan- og utanhúss. Meðfylgjandi er bréf, gátlisti og teikningar eftir Ágúst Hafsteinsson. Meðfylgjandi er bókun húsfundar húsfélags Furulundar 10, dagsett 24. nóvember 2010. Innkomnar nýjar teikningar 22. og 23. febrúar 2011.

Skipulagsstjóri samþykkir erindið.

2.Brekkugata 38 - MH 01 - umsókn um byggingarleyfi.

Málsnúmer BN080394Vakta málsnúmer

Erindi dags. 24. október 2008 þar sem Logi Már Einarsson f.h. Valgeirs Ásbjörnssonar sækir um byggingarleyfi fyrir sólskála við íbúð hans MH 01 við Brekkugötu 38. Meðfylgjandi eru teikningar eftir Loga Má Einarsson. Innkomnar nýjar teikningar 1. mars 2011.

Skipulagsstjóri samþykkir erindið.

3.Langahlíð 9a - umsókn um byggingarleyfi.

Málsnúmer BN100299Vakta málsnúmer

Erindi dagsett 20. desember 2010 þar sem Haukur Haraldsson f.h. Sverris Thorstensen sækir um byggingarleyfi fyrir sólskála við íbúð sína að Lönguhlíð 9a. Meðfylgjandi eru teikningar eftir Hauk Haraldsson. Innkomnar nýjar teikningar og bréf 17. febrúar 2011. Innkomnar nýjar teikningar 1. mars 2011.

Skipulagsstjóri samþykkir erindið.

4.Hafnarstræti 22 - umsókn um byggingarleyfi fyrir kaffihús.

Málsnúmer 2011020161Vakta málsnúmer

Erindi dagsett 25. febrúar 2011 þar sem Haraldur Árnason f.h. Eldbjargar ehf., kt. 520293-2139, sækir um byggingarleyfi fyrir fullkomnu eldhúsi í útbyggingu og stólum fyrir allt að 100 kaffigesti að Hafnarstræti 22. Meðfylgjandi eru teikningar eftir Harald Árnason.
Skipulagsstjóri frestar afgreiðslu með vísan í athugasemdir á fylgiblaði.

5.Laxagata - Hólabraut - deiliskipulagsbreyting - athugasemdir og fyrirspurnir.

Málsnúmer 2011020151Vakta málsnúmer

Bæjarráð vísaði til skipulagsdeildar á fundi 3. mars 2011 erindi úr viðtalstíma 24. febrúar s.l. frá Jóni Ólafssyni.
Jón spurðist fyrir um fyrirhugaðar deiliskipulagsbreytingar í Laxagötu og Hólabraut. Hefur hann efasemdir um að rétt leið sé farin

Skipulagsstjóri bendir á að deiliskipulagsstillaga vegna breytinga á Laxagötu og Hólabrautareit verður auglýst miðvikudaginn 9. mars 2011. Hægt verður að skila inn formlegum athugasemdum til og með 20. apríl 2011.

6.Laxagata - Hólabraut - deiliskipulagsbreyting - athugasemdir og fyrirspurnir.

Málsnúmer 2011020151Vakta málsnúmer

Bæjarráð vísaði til skipulagsdeildar á fundi 3. mars 2011 erindi úr viðtalstíma 24. febrúar s.l. frá Frímanni Jónassyni.
Frímann ræddi fyrirhugaðar breytingar á deiliskipulagi í Laxagötu og Hólabraut. Hann er óánægður með að ÁTVR skuli halda sínum rekstri áfram á þessum stað.

Skipulagsstjóri bendir á að deiliskipulagsstillaga vegna breytinga á Laxagötu og Hólabrautareit verður auglýst miðvikudaginn 9. mars 2011. Hægt verður að skila inn formlegum athugasemdum til og með 20. apríl 2011.

7.Stapavík - dæluskúr, niðurrif.

Málsnúmer 2011030071Vakta málsnúmer

Erindi dags. 2. mars 2011 í tölvupósti þar sem Stefán Steindórsson f.h. Norðurorku, kt. 550978-0169, sækir um leyfi til að rífa gamlan dæluskúr í Stapavík, Hrísey.

Skipulagsstjóri samþykkir niðurrifið með þeim skilyrðum að öll ummerki byggingarinnar verði fjarlægð, þ.e. plata og sökklar sem standa upp úr jörð, og að svæðið verði grætt upp.

Niðurrifið verður tilkynnt til Þjóðskrár Íslands eftir að úttekt hefur farið fram skv. 16. gr. Mannvirkjalaga.

8.Furuvellir 18 - umsókn um byggingarleyfi.

Málsnúmer 2011020121Vakta málsnúmer

Erindi dagsett 22. febrúar 2011 þar sem Ágúst Hafsteinsson f.h. Vífilfells hf., kt. 470169-1419, sækir um byggingarleyfi fyrir breytingum innanhúss að Furuvöllum 18. Meðfylgjandi er bréf með nánari skýringum og teikningar eftir Ágúst Hafsteinsson. Innkomnar nýjar teikningar 7. mars 2011.
Skipulagsstjóri samþykkir erindið.

9.Óseyri 5 - umsókn um yfirferð raunteikninga fyrir eignaskiptasamning.

Málsnúmer 2011030024Vakta málsnúmer

Erindi dags. 3. mars 2011 þar sem Haraldur Árnason f.h. Hringbergs ehf., kt. 480607-0900, leggur fram til yfirferðar raunteikningar af Óseyri 5 vegna endurgerðar eignaskiptasamnings. Meðfylgjandi eru teikningar eftir Harald Árnason.
Skipulagsstjóri frestar afgreiðslu með vísan í athugasemdir á fylgiblaði.

10.Brekkugata 13 - fyrirspurn um breytingar í gistirými.

Málsnúmer 2011030007Vakta málsnúmer

Erindi dags. 25. febrúar 2011 þar sem Atli Gunnarsson f.h. Soleil de Minuit, kt. 480207-0410, leggur fram fyrirspurn um hvort fáist undanþága á kröfu um handlaug í hverju herbergi ef hann breyti Brekkugötu 13 í gistiheimili.

Skipulagsstjóri getur ekki orðið við erindinu, þar sem reglugerð um veitinga-, gististaði og skemmtanahald nr. 585/2007, 8. grein, kveður skýrt á um að handlaug skuli vera í hverju herbergi.

11.Hafnarstræti 93-95 - fyrirspurn um gistiheimili.

Málsnúmer 2011030014Vakta málsnúmer

Erindi dags. 2. mars 2011 þar sem Hallur Gunnarsson leggur fram fyrirspurn um hvort byggingarleyfi fáist til að starfrækja gistiheimili fyrir allt að 20 manns að Hafnarstræti 93-95, 4. hæð.

Umrædd bygging er staðsett á miðbæjarsvæði þar sem heimilt er að starfrækja gistiheimili. Að öðru leyti er bent á að sækja þarf um breytingu á notkun á húsnæðinu

með þeim gögnum sem til þarf.

12.Geislagata 10 - umsókn um byggingarleyfi fyrir breytingar á 1. hæð.

Málsnúmer 2011030021Vakta málsnúmer

Erindi dags. 3. mars 2011 þar sem Haraldur Árnason f.h. Magnúsar Þórs Eggertssonar sækir um að breyta 1. hæð að Geislagötu 10 í kaffihús og verslun. Eldhús verður eingöngu fyrir brauð og til að hita upp rétti. Innkomin umsögn frá Vinnueftirlitinu 9. mars 2011.
Skipulagsstjóri frestar afgreiðslu með vísan í athugasemdir á fylgiblaði.

13.Geislatún 2-10 - umsókn um sólskála.

Málsnúmer BN100240Vakta málsnúmer

Erindi dags. 17. september 2010 þar sem Gísli Kristinsson f.h. Ívars Baldurssonar og Sigríðar Gunnarsdóttur Geislatúni 10 og Elínar A. Björnsdóttur og Árna Sveinbjörnssonar Geislatúni 8 sækir um leyfi til að byggja sólskála við íbúðirnar. Meðfylgjandi eru teikningar eftir Gísla Kristinsson.
Innkomnar nýjar teikningar 3. mars 2011.
Skipulagsstjóri samþykkir erindið.

14.Hólabraut, landnr. 148288 - umsókn um byggingarleyfi fyrir breytingar.

Málsnúmer BN100161Vakta málsnúmer

Erindi dags. 23. deseember 2010 þar sem Logi Már Einarsson f.h. Fasteigna Akureyrarbæjar, kt. 710501-2380, sækir um byggingarleyfi fyrir lyftu og breytingum til að bæta aðstöðu keppenda og annarra notenda áhorfendastúkunnar á íþróttavellinum við Hólabraut. Meðfylgjandi eru teikningar eftir Loga Má Einarsson. Innkomin umsögn frá Vinnueftirlitinu 11. janúar 2011.
Erindið var grenndarkynnt frá 14. janúar 2011 með athugasemdarfresti til 11. febrúar 2011.
Engin athugasemd barst. Innkomnar nýjar teikningar 3. mars 2011.
Skipulagsstjóri frestar afgreiðslu með vísan í athugasemdir á fylgiblaði.

Fundi slitið - kl. 15:14.