Afgreiðslufundur byggingarfulltrúa

Erindi dagsett 29. maí 2017 þar sem Steinmar H. Rögnvaldsson, kt. 140574-3769, og Guðrún Sigurðardóttir, kt. 290776-4499, skila inn lóðinni nr. 5 við Nonnahaga, sem þau fengu úthlutað 26. janúar 2017.

Erindi dagsett 16. maí 2017 þar sem Haraldur Árnason fyrir hönd Akurbergs ehf./GK2017 ehf., kt. 460804-2210, sækir um byggingarleyfi fyrir húsi nr. 14 við Goðanes. Meðfylgjandi eru teikningar eftir Harald Árnason. Innkomnar nýjar teikningar 30. maí 2017.

Erindi dagsett 26. maí 2017 þar sem Finnur Víkingsson, kt. 251070-3349, sækir um byggingarleyfi fyrir einbýlishúsi á lóð nr. 2 við Hlíðargötu. Meðfylgjandi eru teikningar eftir Sigurð Hallgrímsson.

Erindi dagsett 1. júní 2017 þar sem Björn Pálsson, kt. 090163-5909, sækir um leyfi fyrir breyttri starfsemi í húsi nr. 22 við Tryggvabraut, rými 0103 og 0105 fyrir bílaleigu. Björn vill benda á að hann leigir fimm bílastæði af Akureyrarbæ við Akureyrarhöfn og þar munu bílarnir standa. Meðfylgjandi er teikningar eftir Harald Árnason.

Erindi dagsett 16. mars 2017 þar sem Gunnar Bogi Borgarsson fyrir hönd EF1 hf., kt. 681113-0960, sækir um byggingarleyfi fyrir tannlæknastofu og blóðbanka á Glerártorgi, rými 201. Meðfylgjandi eru teikningar eftir Gunnar Boga Borgarsson. Innkomnar nýjar teikningar 22. maí 2017.

Erindi dagsett 29. mars 2017 þar sem Rögnvaldur Harðarson fyrir hönd Johan Rönning hf., kt. 670169-5459, sækir um byggingarleyfi fyrir viðbyggingu við núverandi hús nr. 2 við Draupnisgötu. Meðfylgjandi eru teikningar eftir Rögnvald Harðarson. Innkomnar nýjar teikningar 24. maí 2017.

Erindi dagsett 16. maí 2017 þar sem Ottó Biering Ottósson fyrir hönd Hallarbjargs ehf., kt. 520517-0570, sækir um leyfi til að skipta bílaverkstæði í húsi nr. 8-10 við Goðanes upp í fimm sjálfstæð bil með sér fastanúmeri. Meðfylgjandi er samþykki meðeiganda og teikningar eftir Árna Gunnar Kristjánsson.

Erindi dagsett 28. maí 2017 þar sem Einar Gunnlaugsson fyrir hönd Bílaklúbbs Akureyrar, kt. 660280-0149, sækir um stöðuleyfi fyrir þrjá 20 feta gáma yfir bíladaga sem haldnir verða 10. til 17. júní 2017. Á gámunum verða auglýsingar fyrir Bíladaga Skeljungs og Bílaklúbbs Akureyrar. Staðsetning verður sú sama og undanfarin ár. Einn ofan við hringtorg á gatnamótum Hlíðarbrautar og Hlíðarfjallsvegar. Annar verður vestan við Hörgárbraut gegnt Byko og þriðji vestan Drottningarbrautar, á gatnamótum Drottningarbrautar og Leiruvegar. Gámarnir verða settir upp 5. júní og teknir niður eigi síðar en 20. júní. Einnig er sótt um opið tjaldsvæði fyrir gesti Bíladaga á svæði Bílaklúbbs Akureyrar við Hlíðarfjallsveg 13.