Velferðarráð

Umfjöllun um endurskoðaðar siðareglur kjörinna fulltrúa Akureyrarbæjar, samskiptasáttmála kjörinna fulltrúa Akureyrarbæjar og leiðbeiningar um skráningu kjörinna fulltrúa hjá Akureyrarbæ á fjárhagslegum hagsmunum og trúnaðarstörfum sem samþykktar voru í bæjarstjórn 17. september 2019. Einnig voru kynntir verkferlar mála sem upp kunna að koma.

Að umfjöllun lokinni undirrituðu nefndarmenn yfirlýsingu um siðareglur og samskiptasáttamála.

Eva Hrund Einarsdóttir bæjarfulltrúi og Halla Margrét Tryggvadóttir sviðsstjóri stjórnsýslusviðs sátu fundinn undir þessum lið.

Anna Marit Níelsdóttir forstöðumaður félagsþjónustu fjölskyldusviðs kynnti tvær áfrýjanir í fjárhagsaðstoð.

Halldóra Hauksdóttir lögfræðingur á fjölskyldusviði sat fundinn undir þessum lið.

Lögð fram drög að umsögn vegna frumvarps til breytinga á barnaverndarlögum.

Halldóra Hauksdóttir lögfræðingur á fjölskyldusviði og Anna Marit Níelsdóttir forstöðumaður félagsþjónustu sátu fundinn undir þessum lið.

Lagt fram til kynningar rekstraryfirlit fyrstu 9 mánuði ársins frá búsetusviði, fjölskyldusviði og Öldrunarheimilum Akureyrar.

Þóra Sif Sigurðardóttir hjúkrunarforstjóri ÖA og Lúðvík Freyr Sæmundsson rekstrarstjóri ÖA sátu fundinn undir þessum lið.

Lúðvík Freyr Sæmundsson rekstrarstjóri ÖA lagði fram samantekt um rekstur ÖA fyrir allt árið 2018.

Um er að ræða yfirlitsmyndir og skýringar um þróun nokkurra þátta í rekstri ÖA, líkt og áður hefur verið gefið út og verður birt á heimasíðu ÖA.

Þóra Sif Sigurðardóttir hjúkrunarforstjóri ÖA sat fundinn undir þessum lið.