Stjórn Akureyrarstofu

Lögð fram greinargerð verkefnisstjóra Akureyrarvöku og Listasumars 2016.

Hulda Sif Hermannsdóttir verkefnisstjóri viðburða og menningarmála hjá Akureyrarstofu og Guðrún Þórsdóttir verkefnisstjóri Akureyrarvöku komu á fundinn og fóru yfir efni greinargerðarinnar.

Bjarki Jóhannesson skipulagsstjóri kom á fundinn og kynnti tillögu að nýju aðalskipulagi og sérstaklega þá þætti sem snúa að málaflokkum stjórnar Akureyrarstofu.

Borist hefur tillaga að nýjum samningi milli Akureyrarbæjar og Minjasafnsins á Akureyri um rekstur Skáldahúsanna á Akureyri, Davíðshúss, Nonnahúss og Sigurhæða. Markmiðið er að ábyrgð á rekstri húsanna færist yfir til Minjasafnsins og að gerður verði einn samningur í stað tveggja eins og nú er.

Nú er unnið að endurnýjun samninga við Leikfélag Akureyrar, Menningarfélagið Hof og Sinfóníuhljómsveit Norðurlands sem saman mynda Menningarfélag Akureyrar (MAk). Á sameiginlegum fundi stjórna félaganna var ákveðið að MAk færi með samningsumboð fyrir félögin þrjú. Samþykkt var jafnframt að leggja til við Akureyrarbæ að gerður verði framlengingarsamningur sem gildi út næsta ár sem er síðasta ár þeirrar tilraunar sem rekstur MAk felur í sér. Framkvæmdastjóri Akureyrarstofu hefur unnið að samningsdrögum með framkvæmdastjóra og formanni stjórnar MAk.

Erindi dagsett 12. desember 2016 þar sem Valdimar Pálsson framkvæmdastjóri Íþróttafélagsins Þórs, óskar f.h. hönd félagsins, eftir styrk að upphæð kr. 350.000 vegna kostnaðar við Þrettándagleði Þórs í janúar á næsta ári.