Geirþrúðarhagi 5 - fyrirspurn um byggingarreit

Erindi dagsett 14. desember 2015 þar sem Opus ehf. leggur fram fyrirspurn f.h. lóðarhafa um hvort stækka megi byggingarreit fyrir raðhús á lóðinni.

Erindi dagsett 14. desember 2015 þar sem Opus ehf. leggur fram fyrirspurn f.h. lóðarhafa um hvort stækka megi byggingarreit fyrir raðhús á lóðinni. Á fundi skipulagsnefndar þann 13. janúar 2016 var erindinu frestað og óskað eftir umsögn skipulagshönnuðar.

Umsögn skipulagshönnuðar, Árna Ólafssonar hjá Teiknistofu arkitekta, barst 18. janúar 2016. Lagt er til að tekið verði jákvætt í minniháttar frávik þar sem lenging hússins hefur ekki áhrif á nágranna eða götumynd. Meginhluti breytingar verði á vesturhluta lóðar.

Skipulagsnefnd heimilaði umsækjanda að leggja fram tillögu að breytingu á deiliskipulagi á fundi 27. janúar 2016 og að breytingin yrði unnin í samræmi við 3. mgr. 44. gr. skipulagslaga nr. 123/2010. Tillagan er unnin af Ómari Ívarssyni hjá Landslagi, dagsett 23. mars 2016. Breyting er gerð á byggingarreit til austurs í samræmi við viðræður við hönnuð (sjá tölvupóst).

8. liður í fundargerð skipulagsnefndar dagsett 23. mars 2016:

Skipulagsnefnd heimilaði umsækjanda að leggja fram tillögu að breytingu á deiliskipulagi á fundi 27. janúar 2016 og að breytingin yrði unnin í samræmi við 3. mgr. 44. gr. skipulagslaga nr. 123/2010. Tillagan er unnin af Ómari Ívarssyni hjá Landslagi, dagsett 23. mars 2016. Breyting er gerð á byggingarreit til austurs í samræmi við viðræður við hönnuð (sjá tölvupóst).

Þar sem um óverulega breytingu á gildandi deiliskipulagi er að ræða leggur skipulagsnefnd til við bæjarstjórn að tillagan verði grenndarkynnt skv. 2. mgr. 43. gr. skipulagslaga nr. 123/2010.

Tillaga að breytingu á deiliskipulagi var grenndarkynnt frá 8. apríl með athugasemdafresti til 6. maí 2016.

Engin athugasemd barst.